18-Sep-2023

ବଲାଙ୍ଗୀର, ବଲାଙ୍ଗିର ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କ କର୍ମଚାରୀ ସଂଘର କର୍ମକର୍ତାମାନଙ୍କର ଏକ ଜରୁରୀ କାଳିନ ବୈଠକ ଅନୁଷଷ୍ଠିତ ହୋଇଯାଇଛି । ଏହି ବୈଠକରେ ସଂଘର ସଭାପତି ଗୋପାଲଜୀ ପାଣିଗ୍ରାହୀଙ୍କ ଅହ୍ୱାନ ସଧାରଣ ସମ୍ପାଦକ ଅମିତ କୁମାର ସାମନ୍ତରାଙ୍କ ନେତୃତ୍ୱରେ ବିଭିନ୍ନ ପ୍ରଶଙ୍ଗରେ ଆଲୋଚନା ହୋଇଥିଲା । ରାଜ୍ୟର ସମସ୍ତ କେନ୍ଦ୍ର ସମବାୟ ବ୍ୟାଙ୍କର କର୍ମଚାରୀମାନେ ବିଭିନ୍ନ ଦାବି କୁନେଇ ରାଜ୍ୟସରକାରଙ୍କୁ ଜଣାଇଥିଲେ ହେଲେ ତାହା ପୁରଣ ହୋଇନାହିଁ । ଏଥିପାଇଁ ଅଲ ଓଡିଶା କେନ୍ଦ୍ର ସମବାୟ ବ୍ୟାଙ୍କ କର୍ମଚାରୀ ସଂଘର ଡାକରା କ୍ରମେ ଆସନ୍ତା ସେପ୍ଟେମ୍ବର ୨୨ ତାରିଖରୁ ସମୁହ ଛୁଟି ନେବା ପାଇଁ ନିଷ୍ପତି ନିଆଯାଇଛି । ଅନ୍ୟ ପକ୍ଷରେ ସଂଘ କରିଥିବା ଦାବି ପୁରଣ ନ ହେଲେ ଆସନ୍ତା ସେପ୍ଟେମ୍ବର ମାସ ୨୫ ତାରିଖରୁ ୨୭ ତାରିଖ ପର୍ଯନ୍ତ ବଲାଙ୍ଗିର ଜିଲ୍ଲା ସମବାୟ ବ୍ୟାଙ୍କ କାର୍ମଚାରୀମାନେ ଧର୍ମଘଟ ଡାକାରା ଦେଇଛନ୍ତି । ୭ମ ବେତନ କମିଶନର ବକେୟା ଦରମା ପ୍ରଦାନ, ପ୍ୟାନସନ କର୍ପସ ଫଣ୍ଡ ଗଠନ କରିବା, କେଡର ଫଣ୍ଡକୁ କେନ୍ଦ୍ର ସମବାୟ ବ୍ୟାଙ୍କର ଅଂଶ ଧନ ପ୍ରାଦନ ଉପରେ ପୁନଃ ବିଚାର କରିବା, ପ୍ରାଥମିକ ସେବାସମବାୟ ସମିତିମାନଙ୍କର ଫ୍ଲେକସି ଆକାଉଣ୍ଡ  ରାଜ୍ୟ ସମବାୟ ବ୍ୟାଙ୍କରେ ଖୋଲିବା ଆଦେଶ ପ୍ରତ୍ୟାହାର କରିବା ଆଦି ଦାବି ନେଇ ସଂଘ ପକ୍ଷରୁ ବହୁବାର ବିଭାଗିୟ ଅଧିକାରୀଙ୍କ ଦୃଷ୍ଠି ଆକର୍ଶଣ କରାଯାଇଥିଲେ ମଧ୍ୟ କୌଣସି ସୁଫଳ ନ ମିଳିବାରୁ ସଂଘ ବାଧ୍ୟ ହୋଇ ଆନ୍ଦୋଳନକୁ ଓହ୍ଲାଇ ବାକୁ ନିଷ୍ପତି ନେଇଛି । ଆନ୍ଦୋଳନକୁ ସଫଳ କରିବା ପାଇଁ ସଧାରଣ ସମ୍ପାଦକ ଅମିତ କୁମାର ସାମନ୍ତରା ଅନୁରୋଧ କରି ସୁଚନା ଦେଇଛନ୍ତି । ବୈଠକରେ ବ୍ୟାଙ୍କ ସମସ୍ତ କର୍ମଚାରୀ ସଂଘର ସଦସ୍ୟ ଉପସ୍ଥିତ ରହି ସହେଯାଗ କରିଥିଲେ ।