11-Dec-2020

ବଲାଙ୍ଗୀର/ଟିଟିଲାଗଡ : ଭାରତର ପ୍ରତି ଟି ରାଜ୍ୟକୁ ସଂଯୋଗ କରୁଥିବା ଟିଟିଲାଗଡ ରେଳ ଜଙ୍କସନରେ କର୍ମଚାରୀ ଓ ଅଧିକାରୀଙ୍କ ଅସାଧୁ କାର୍ଯ୍ୟକଳାପ ବୃଦ୍ଧି ପାଇବା ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ପ୍ରକାଶ ଯେ ଏହି କୋଭିଡ ପାଇଁ ସ୍ୱତନ୍ତ୍ର ଟ୍ରେନରେ ଯାତାୟାତ ଓ ଯାତ୍ରୀଙ୍କ ସୁବିଧା ଯୋଗାଇ ଦେବାକୁ କଡ଼ା ନିୟମ ସରକାରଙ୍କ ତରଫରୁ କରାଯାଇଥିବା ସତ୍ୱେ ସେ ସବୁକୁ କାର୍ଯ୍ୟକାରୀ ନକରିବା ଅଭିଯୋଗ ହୋଇ ଆସୁଛି । ଏହି ରେଳ ଜନକ୍ସନ ରୁ ଦୂରଦୁରାନ୍ତ କୁ ଯିବା ଆସିବା ନିମନ୍ତେ ଲୋକେ ଘଣ୍ଟା ଘଣ୍ଟା ଧରି ଟିକଟ ବୁକିଂ ପାଇଁ ଅପେକ୍ଷା କରିବାକୁ ବାଧ୍ୟ ହେଉଥିବା ବେଳେ କର୍ମଚାରୀ ନରହିବା, ମନଇଚ୍ଛା ଆସିବା ଏବଂ ଚାଲିଯିବା ଏପରି କି ମୋବାଇଲରେ କାମ ଛାଡି ଗପୁଥିବା ନେଇ ଅଭିଯୋଗ ହେଉଛି । ସରକାରୀ କର୍ମଚାରୀ କାହାକୁ ଖାତିର ନ କରିବା ଓ ଅନ୍ୟ କାଉଣ୍ଟର ଗୁଡିକରେ ନରହି ଉକ୍ତ କୋଠରୀ ରେ ମଉଜ ମଜଲିସ କରୁଥିବା ଦେଖାଯାଉଛି । ପୋଲିସ ଆର ପି ଏଫ କର୍ମଚାରୀ ମାନେ ନିଜ କାମ ଛାଡି ଏଣେତେଣେ ଚାଲିଯିବା ତଥା ପ୍ରବଳ ଭିଡ ଓ ଅପେକ୍ଷାରତ ଲୋକେ ନିଜ ମଧ୍ୟରେ ପାଟିତୁଣ୍ଡ କରୁଥିବା ଅଭିଯୋଗ ହୋଇ ଆସୁଛି । ଅତ୍ୟନ୍ତ ଦୁଃଖ ର ବିଷୟ ଏହା ଯେ ରେଳ ଟିକଟ ସଂରକ୍ଷଣ ଫର୍ମ ମଧ୍ୟ ଏଠି ନଥିବା ଓ ଏକ କାଗଜ ରେ ଲେଖି ଦେବାକୁ କହିବା ଓ ସେଥିରେ ନାନା ଆଳରେ ତୃଟି ଥିବା ଦର୍ଶାଇ ବାରମ୍ବାର ଲେଖି ଦେବାକୁ ବାଧ୍ୟ କରି ହଇରାଣ କରୁଥିବା ଅଭିଯୋଗ ହେଉଛି। ସାମାଜିକ ଦୂରତ୍ୱ ଆଦି ଏଠି ପ୍ରହସନ ପାଲଟି ଥିବା ଦେଖାଯାଉଛି। ଏ ନେଇ ଜିଲ୍ଲା ଜନସେବା ସଙ୍ଘ ସଭାପତି ସମ୍ବଲପୁର ଡି ଆର ଏମ ତଥା ଅନ୍ୟ ବରିଷ୍ଟ ଅଧିକାରୀ ମାନଙ୍କୁ ଲିଖିତ ଅଭିଯୋଗ କରିଛନ୍ତି।ଏ ନେଇ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି ହେଉଛି ।