24-Jan-2023

ନାକଟିଦେଉଳ(କନ୍ଦର୍ପ ବେହେରା) କିଛିଦିନ ହେଲା ନାକଟିଦେଉଳ ବ୍ଲକ୍ ଅଂଳରେ ଏକ ଦନ୍ତା ହାତୀ ଆତଙ୍କ ଚଳାଇଥିଲେ ମଧ୍ୟ ବନବିଭାଗ ତାକୁ ଘଉଡାଇବାରେ ବିଫଳ ହୋଇଛି ା

ପ୍ରକାଶ ଯେ,ଏକ ଦନ୍ତା ହାତୀ କିଛି ଦିନ ହେଲା ନାକଟିଦେଉଳ ,ରେଢ଼ାଖୋଲ,ଗିରିଶ୍ଚନ୍ଦ୍ରପୁର ରେଞ ଅଂଚଳରେ ଥିବା ଗାଁ ମାନଙ୍କୁ ଆସି ଘର ଭାଙ୍ଗିବା ସହ ଘର ଭିତରୁ ଧାନ ବସ୍ତା ଟେକି ନେଉଥିବା ଜଣା ପଡ଼ିଛି ା 
ଗତକାଲି ଗିରିଶ୍ଚନ୍ଦ୍ରପୁର ରେଞ ଅଧିନସ୍ଥ ବ୍ରହ୍ମଣୀପାଲି ଗ୍ରାମର ଭରତ ଶବରଙ୍କ ଘର ଭାଙ୍ଗି ନାରଖାର କରିଦେଇଥିବା ଜଣା ପଡିଛି ା ନାକଟିଦେଉଳ ତହସିଲ୍ଦାର କ୍ଷତିଗ୍ରସ୍ତ ବ୍ୟକ୍ତିଙ୍କ ଘର ଛପର ପାଇଁ ପୋଲିଥିନ୍ ପଠାଇଥିବା ବେଳେ ଗିରିଶ୍ଚନ୍ଦ୍ରପୁର ସରପଞ୍ଚ ଶୁଭେନ୍ଦ୍ର ପ୍ରଧାନ ଚାଉଳର ବ୍ୟବସ୍ଥା କରିଥିବା ଜଣାପଡ଼ିଛି ା ଗ୍ରାମରେ ଥିବା ବନସୁରକ୍ଷା ସମିତିର ସଭ୍ୟମାନେ ଘର ତିଆରୀ କରିଦେବାକୁ ପ୍ରତିଶ୍ରୁତି ଦେଇଛନ୍ତି ା ସେଇ ଦନ୍ତା ହାତୀଟି ଲୋକମାନଙ୍କର ଘର ଦ୍ବାର ଭାଙ୍ଗୀ ଦେଉଥିବା ବେଳେ ତାକୁ ଘଉଡାଇବାରେ ବନବିଭାଗ ନାକେଦମ୍ ହୋଇପଡ଼ିଥିବା ସୂଚନା ମିଳିଛି ା