26-Nov-2022

ବୀରମହାରାଜପୁର,( ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ଡ଼ଃ. ବାବାସାହେବ ଆମ୍ବେଦକର ସେବାସଙ୍ଘ ବୀରମହାରାଜପୁର ତରଫରୁ "ଭାରତୀୟ ସମ୍ବିଧାନ ଦିବସ" ପାଳିତ ହୋଇଯାଇଛି ା ଏହି ସମାରୋହରେ ମୁଖ୍ୟ ଅତିଥି ଭାବରେ ବୀରମହାରାଜପୁର ଉପଖଣ୍ଡିୟ ପୋଲିସ ଅଧିକାରୀ ଶ୍ରୀଯୁକ୍ତ ଡୋଳାମଣି ଭୋଇ, ମୁଖ୍ୟବକ୍ତା  ଭୂଷଣ ପାତ୍ର,ସମ୍ମାନୀତ ଅତିଥି ଭାବରେ ବୀରମହାରାଜପୁର ବ୍ଲକ ଅଧ୍ୟକ୍ଷ୍ୟା  ଶାନ୍ତିଲତା ଲୁହା, ବ୍ଲକ ଉପାଧ୍ୟକ୍ଷ  ନାରାୟଣ ଲୁହା, ଭୀମଆର୍ମି ଜିଲ୍ଲା ସଭାପତି ଧୀମାନ୍ ପ୍ରଦୀପ ଜାଲ, ଡ଼ଃ. ଆମ୍ବେଦକର ସେବାସଙ୍ଘ ସଭାପତି ବୀରମହାରାଜପୁର ସଭାପତି  ଅନାଦୀ ଜଗଦଲା, ସ୍ଥାନୀୟ ସରପଞ୍ଚ  ମହେନ୍ଦ୍ର ଜଗଦଲା, ସମବାୟ ସମିତି ସଭାପତି  ଯୋଗୀରାମ ମିର୍ଦ୍ଧା, ବରିଷ୍ଠ ଉପଦେଷ୍ଠା  ଜଗନ୍ନାଥ ଭୋଇ, ସମାଜସେବୀ ଶ୍ରୀଯୁକ୍ତ ଭୋଳାନାଥ ସାଗର, ସଙ୍ଘ କର୍ମକର୍ତ୍ତା  ରାମଚନ୍ଦ୍ର ଜଗଦଲା,  ନବୀନ ଭୋଇ,  କିଶୋର ଭୋଇଙ୍କ ସମେତ ହଜାର ହଜାର ପୁରୁଷ ମହିଳା, ବୃଦ୍ଧ ବୃଦ୍ଧା, ଯୁବକ ଯୁବତୀ, ବାଳକ ବାଳିକା ଓ ହଜାର ହଜାର ସଂଖ୍ୟକ ଆମ୍ବେଦକରପ୍ରେମୀ ଯୋଗ ଦେଇଥିଲେ । ଏପରିକି ଭାରତୀୟ ସମ୍ବିଧାନ ବଳରେ ସମଗ୍ର ଭାରତୀୟ କିଭଳି ଭାବରେ ସୁବିଧା ସୁଯୋଗ ପାଇପାରୁଛନ୍ତି, ଶ୍ରମ ଆଇନ ବଳରେ ସମସ୍ତ ସରକାରୀ କର୍ମଚାରୀ, ସମସ୍ତ ବେସରକାରୀ କର୍ମଚାରୀ, ସମସ୍ତ ଶ୍ରମିକମାନଙ୍କୁ ଆଠ ଘଣ୍ଟିଆ ଶ୍ରମ ଆଇନ, ମହିଳା ମାନଙ୍କୁ ସ୍ୱାଧୀନତା ଅଧିକାର, ଅଧ୍ୟୟନ ଅଧିକାର ଦେଶ ଶାସନ ଅଧିକାର ମିଳି ପାରିଛି ।  ସେ ବିଷୟରେ ପୁଙ୍ଖାନୁପୁଙ୍ଖ ବିସ୍ତୃତ ଆଲୋଚନା ହୋଇଥିଲା । ଏପରିକି ସମସ୍ତଙ୍କୁ ଭାରତୀୟ ସମ୍ବିଧାନ ବିଷୟରେ ସଚେତନ କରାଯାଇଥିଲା ଓ ସମ୍ବିଧାନକୁ ପଢି ସମସ୍ତେ କିଭଳି ଭାବରେ ନିଜର ସ୍ୱାଧୀନତା ଅଧିକାର ବିଷୟରେ ଜାଣିପାରିବେ ସେଥିପାଇଁ ସମସ୍ତଙ୍କୁ ପରାମର୍ଶ ଦିଆଯାଇଥିଲା ।‌ ସେହିଭଳି ବୀରମହାରାଜପୁର ଅଞ୍ଚଳର ବିଭିନ୍ନ ଶିକ୍ଷାନୁଷ୍ଠାନ ସମ୍ବିଧାନ ଦିବସ ପାଳିତ ହୋଇଯାଇଛି।