13-Nov-2020

ବଲାଙ୍ଗିର,(ସନ୍ତୋଷ କୁମାର ଠ।କୁର)- ଆଜି ପବିତ୍ର ଧନନ୍ତ୍ୱରୀ ପୂଜା ଓ ବିଶ୍ୱ ଆୟୁର୍ବେଦ ଦିବସ ଅବସରରେ ବଲାଙ୍ଗୀର ସଦର ବ୍ଲକ ଅନ୍ତର୍ଗତ ରାମଚନ୍ଦ୍ରପୁର ସରକାରୀ ଡାକ୍ତରଖାନା ପରିସରରେ ରୋଗୀ କଲ୍ୟାଣ କମିଟିର ଏକ ବୈଠକ ଅନୁଷ୍ଠିତ ହୋଇଥିଲା । ଜିଲ୍ଲା ପରିଷଦ ସଭ୍ୟ ସୁଶୀଲ କୁମାର ଚାନ୍ଦଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଏନ୍‌ଆର୍‌ଏଚ୍‌ଏମ୍ ର ଡିପିଏମ୍ ମୃତ୍ୟୁଞ୍ଜୟ ମୁଣ୍ଡ ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ଦେଓଗାଁ ଚିକିତ୍ସା ଅଧିକାରୀ ଡ. ସୁରେନ୍ଦ୍ର ପାରକିଆ, ବନ୍ଧପଡା ହାଇସ୍କୁଲର ପ୍ରଧାନଶିକ୍ଷକ ସଂକୀର୍ତ୍ତନ ବାଗ ପ୍ରମୁଖ ଅତିଥି ଭାବରେ ଯୋଗ ଦେଇ ଲୋକ ମାନଙ୍କୁ ସ୍ୱାସ୍ଥ୍ୟ ସଚେତନ କରାଇଥିଲେ । ଏହି ଅବସରରେ ଡାକ୍ତରଖାନ ପରିସରରେ ଏକ ଯୋଗ ଅଭ୍ୟାସ ଲନ୍ ଓ ଔଷଧୀୟ ବୃକ୍ଷ ଉଦ୍ୟାନକୁ ମୁଖ୍ୟ ଅତିଥି ଲୋକାର୍ପିତ କରିଥିଲେ ।

ରାମଚନ୍ଦ୍ରପୁରର ଯୁବ ସଂଗଠକ ମନୋଜ ପଟେଲଙ୍କୁ ସମ୍ମାନିତ କରାଯାଇଥିଲା । ଦେଓଗାଁ ବ୍ଲକ ପ୍ରୋଗ୍ରାମ ଅଫିସର କୁମୁଦ ରଂଜନ  ନାୟକ  କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ ରାମଚନ୍ଦ୍ରପୁର ଆୟୁଷ ଡାକ୍ତର ଲଳିତ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ । ବନ୍ଧପଡା ଆୟୁଷ ଡାକ୍ତର ଡା. ସୁମିତ୍ରା ଦାଶ, ଫାର୍ମାସିଷ୍ଟ ରାଜୁ ମେହେର, ରମେଶ ମହାକୁର, ମହିଳା ସ୍ଵାସ୍ଥ୍ୟ କର୍ମୀ ଦମୟନ୍ତୀ ବାରିକ, ରିଙ୍କି ତ୍ରିପାଠୀ, ସନ୍ତୋଷ ଚନ୍ଦନ, ଧୃବ ବାଗ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିବା ସହ ନିଜସ୍ୱ ମତାମତ ଉପସ୍ଥାପନ କରିଥିଲେ ।