17-Aug-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା )
କାେଭିଡ ମହାମାରୀ ଯାେଗୁଁ ଦେଶ ତଥା ସାରା ଓଡିଶା ରାଜ୍ୟରେ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ  ହୋଇ ପଡିଛି। ସ୍କୁଲ ଯାଉଥିବା ଛାତ୍ର ଛାତ୍ରୀ ମାନେ ପାଠ ପଢିବାର ସୁଯୋଗ ପାଇ ନ ପାରି ପାଠ ପଢାରୁ ବଞ୍ଚିତ ହୋଇଛନ୍ତି।ଏହାକୁ ଦୃଷ୍ଟିରେ ରଖି ଆତ୍ମଶକ୍ତି ଟ୍ରଷ୍ଟ  ଇଣ୍ତିଆ , ମହିଲା ଶ୍ରମଜୀବି ମଞ୍ଚ ଓଡିଶା ,ଓଡିଶା ଶ୍ରମଜୀବି ମଞ୍ଚ ଓଡିଶା ଓ ନାଗରିକ ବିକାଶ  ସଂଗଠନ କଳାହାଣ୍ଡି ଙ୍କ ଦ୍ବାରା ଗତ ଜୁଲାଇ ୨୦୨୦ ବର୍ଷ ରେ ମିଶନ ୩,୫,୮, କାର୍ଯ୍ୟକ୍ରମ ଆରମ୍ଭ କରାଯାଇଥିଲା ।ପରବର୍ତ୍ତୀ ସମୟରେ ଫେବ୍ରୁଆରି ୨୦୨୧ ରେ କଳାହାଣ୍ଡି  ଜିଲ୍ଲାର  କୋକସରା ବ୍ଲକର ବିଭିନ୍ନ ଗ୍ରାମରେ ରେମିଡାଲ୍ କ୍ଳାସ୍ ଖୋଲାଯାଇ ସ୍ବେଚ୍ଛାସେବୀ ମାନଙ୍କ ଦ୍ବାରା ଶିକ୍ଷାଦାନର ବ୍ୟବସ୍ଥା କରାଯାଇଥିଲା ଓ ପରେ ଛାତ୍ରଛାତ୍ରୀ ମାନଙ୍କ ଶିକ୍ଷାର ଗୁରୁତ୍ବ କୁ ଉପଲବଧି କରି ମିଶନ ୧ଲକ୍ଷ ଭଲି ଏକ ବଳିଷ୍ଠ ପଦକ୍ଷେପ୍ ନିଆଯାଇଥିଲା।

ପ୍ରତି ଗ୍ରାମରେ ସ୍ବେଚ୍ଛାସେବୀମାନଙ୍କ ମାଧ୍ୟମରେ ଓଡିଶାରେ ଏକଲକ୍ଷ ଛାତ୍ରଛାତ୍ରୀଙ୍କୁ ଶିକ୍ଷାଦାନର ବ୍ୟବସ୍ଥା  କରାଯାଇଥିଲା ମୋ ଚାଟଶାଳୀ ଅଧିନରେ। ବର୍ତ୍ତମାନର ଆବଶ୍ୟକତା କୁ ଲକ୍ଷ୍ୟ କରି ସାରା ରାଜ୍ୟରେ ୫ ଲକ୍ଷ୍ୟ ଛାତ୍ରଛାତ୍ରୀଙ୍କୁ ମିଶନ ଚାଟଶାଳୀ ମାଧ୍ୟମରେ  ଶିକ୍ଷା ପ୍ରଦାନ କରାଯିବାର ଯୋଜନାର ଶୁଭାରମ୍ଭ ସାମ୍ବାଦିକ ସମ୍ମିଳନୀ ମାଧ୍ୟମରେ  କରାଯାଇଅଛି । ଏହି  ସାମ୍ବାଦିକ ସମ୍ମିଳନୀରେ ମୁଖ୍ୟ ଅତିଥି ଭାବେ କାଉଡୋଳା ଗ୍ରାମପଞ୍ଚାୟତର ନାଏବ୍   ସରପଞ୍ଚ ଶ୍ରୀଯୁକ୍ତ ଦେବିସିଂ  ତାଣ୍ଡି, ସମିତି ସଭ୍ୟ ଶ୍ରୀଯୁକ୍ତ ସାଧୁ ବେମାଲ୍ ସ୍ଵେଛାସେଵି ଶ୍ରୀଯୁକ୍ତ ଲଛମନ୍ ଭାଟି ସମେତ ସମ୍ବାଦୀକ କର୍ମକର୍ତ୍ତାମାନେ ମଧ୍ୟ ଯୋଗ ଦେଇଥିଲେ  । ଏବଂ ଉକ୍ତ କାର୍ଯ୍ୟକ୍ରମକୁ  ନାଗରିକ ବିକାଶ ସଂଗଠନ କଳାହାଣ୍ଡି କର୍ମକର୍ତ୍ତା ଉପେନ୍ଦ୍ର ସୁନାନୀ, ତ୍ରିନାଥ ବେଶ୍ରା, ହେମାମାଳିନୀ ନାଏକ, ଏବଂ ମୁକ୍ତା ଠାକୁର ଯୋଗଦେଇ କାର୍ଯ୍ୟକ୍ରମକୁ ସୁଚାରୁରୂପେ ପରିଚାଳନା କରିଥିଲେ।