09-Oct-2026

ଭୁବନେଶ୍ୱର/ସୁନ୍ଦରଗଡ଼/କଟକ(କାଞ୍ଚନପ୍ରଭା ନନ୍ଦ): ଅକ୍ଟୋବର ୯: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ ରେ ସୁନ୍ଦରଗଡ଼ର ଉପନିର୍ଦ୍ଦେଶକ, ମୃତ୍ତିକା ସଂରକ୍ଷଣ ତଥା ୱାଟରସେଡ୍ ପ୍ରକଳ୍ପ ନିର୍ଦ୍ଦେଶକ ପ୍ରସନ୍ନ କୁମାର ପାତ୍ରଙ୍କ ସହ ସମ୍ପୃକ୍ତ ୮ଟି ସ୍ଥାନରେ ଶୁକ୍ରବାର ଓଡ଼ିଶା ଭିଜିଲାନ୍ସ ପକ୍ଷରୁ ଏକକାଳୀନ ଚଢ଼ାଉ ଆରମ୍ଭ ହୋଇଛି।ଭିଜିଲାନ୍ସର ଏକାଧିକ ଟିମ୍‌ ଏହି ଚଢ଼ାଉରେ ସାମିଲ ହୋଇଛନ୍ତି। ଏଥିରେ ଜଣେ ଅତିରିକ୍ତ ଏସ୍‌ପି, ୪ ଜଣ ଡିଏସ୍‌ପି, ୧୩ ଜଣ ଇନ୍ସପେକ୍ଟର, ୫ ଜଣ ଏଏସ୍‌ଆଇ ଓ ଅନ୍ୟ ସହାୟକ କର୍ମଚାରୀ ନିୟୋଜିତ ହୋଇଛନ୍ତି। ସୁନ୍ଦରଗଡ଼ର ସ୍ୱତନ୍ତ୍ର ଭିଜିଲାନ୍ସ ଅଦାଲତଙ୍କ ସର୍ଚ୍ଚ ୱାରେଣ୍ଟ ବଳରେ ଏହି ତଲାସୀ ଅଭିଯାନ ଚାଲିଛି।ଏହି ୮ଟି ସ୍ଥାନରେ ଚଢ଼ାଉ୧. ଭୁବନେଶ୍ୱରର ନୟାପଲ୍ଲୀସ୍ଥିତ ଶ୍ରାବଣୀ ରେସିଡେନ୍ସିର ଦ୍ୱିତୀୟ ମହଲାରେ ଥିବା ଫ୍ଲାଟ୍‌ ନମ୍ବର ୮।୨. ଭୁବନେଶ୍ୱରର ମଞ୍ଚନାଥ ଭିଲ୍ଲା, ଫେଜ୍‌-୨, ଏମ୍‌-୧୦୫ରେ ଥିବା ଦୁଇ ମହଲା ବିଶିଷ୍ଟ ଆବାସିକ କୋଠା।୩. ସେହି ଅଞ୍ଚଳର ଏମ୍‌-୧୧୦ରେ ଥିବା ଅନ୍ୟ ଏକ ଦୁଇ ମହଲା ବିଶିଷ୍ଟ ଆବାସିକ କୋଠା।୪. ମଞ୍ଚନାଥ ଭିଲ୍ଲାର ଏମ୍‌-୧୧୫ରେ ଥିବା ଆଉ ଏକ ଦୁଇ ମହଲା ବିଶିଷ୍ଟ ଘର।୫. ଭୁବନେଶ୍ୱରର ବାଲିଅନ୍ତା ଅଞ୍ଚଳରେ ଥିବା ଆବାସିକ ଘର।୬. ସୁନ୍ଦରଗଡ଼ସ୍ଥିତ ଉପନିର୍ଦ୍ଦେଶକ, ମୃତ୍ତିକା ସଂରକ୍ଷଣ ତଥା ୱାଟରସେଡ୍ ପ୍ରକଳ୍ପ ନିର୍ଦ୍ଦେଶକଙ୍କ ସରକାରୀ କାର୍ଯ୍ୟାଳୟରେ ଥିବା ତାଙ୍କ କୋଠରୀ।୭. ସୁନ୍ଦରଗଡ଼ ସହରରେ କାର୍ଯ୍ୟାଳୟ ସମ୍ମୁଖରେ ଥିବା ତାଙ୍କ ସରକାରୀ କ୍ୱାର୍ଟର୍ସ।୮. କଟକ ଜିଲ୍ଲାର ବାଙ୍କୀ ଥାନା ଅନ୍ତର୍ଗତ ଚର୍ଚ୍ଚିକା ଗ୍ରାମରେ ଥିବା ତାଙ୍କ ଶ୍ୱଶୁର ଘର।ବର୍ତ୍ତମାନ ସୁଦ୍ଧା ଚଢ଼ାଉ ଓ ତଲାସୀ ଅଭିଯାନ ଜାରି ରହିଛି। ତଲାସୀ ସମୟରେ କେତେ ପରିମାଣର ସମ୍ପତ୍ତି ଓ ଅନ୍ୟାନ୍ୟ ସାମଗ୍ରୀ ଠାବ ହୋଇଛି, ସେ ସମ୍ପର୍କରେ ଭିଜିଲାନ୍ସ ପକ୍ଷରୁ ପରବର୍ତ୍ତୀ ସମୟରେ ବିସ୍ତୃତ ତଥ୍ୟ ଦିଆଯିବାର ସମ୍ଭାବନା ରହିଛି ।