09-Aug-2025

କାଲିମେଳା(ସନ୍ତୋଷ କୁମାର ପଣ୍ଡା): ଏହା ଏକ ଐତିହାସିକ ପଦକ୍ଷେପରେ, ମାଲକାନଗିରି ବନ ବିଭାଗ ଦ୍ଵାରା ପ୍ରଥମଥର ପାଇଁ ଭାରତୀୟ ଫ୍ଲାପଶେଲ କଇଁଛ ସମ୍ବନ୍ଧୀୟ ଶିକାର ମାମଲା ରେଜିଷ୍ଟର କରିଛି, ଯାହା କଇଁଛ ଅବୈଧ ବନ୍ୟଜୀବ ବ୍ୟବସାୟ ବିରୋଧରେ ତାଙ୍କର ଲଢ଼ାଇରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।ଫରେଷ୍ଟର ମୁରଳୀଧର ଅନୁଗୁଳିଆ, ମୋଟୁ  ସେକ୍ସନ ଏବଂ ରେଭେନ୍ୟୁ ଇନ୍ସପେକ୍ଟର ସୁରେଶ ପୁଜାରୀ, ମୋଟୁ ତହସିଲ ଏବଂ ମୋଟୁ ବନ ବିଭାଗ ନେତୃତ୍ୱରେ ଏକ ମିଳିତ ଅଭିଯାନରେ, ଆନ୍ଧ୍ରପ୍ରଦେଶର ସିଲେରୁ ନଦୀରେ ମାଛ ଧରିବା ପାଇଁ ବ୍ୟବହୃତ କଣ୍ଟା (ହୁକ୍) ଦ୍ୱାରା 18ଟି ଭାରତୀୟ ଫ୍ଲାପଶେଲ କଇଁଛ ଙ୍କୁ ଶିକାର କରି ଏମ୍.ପି.ଭି-୮୧କୁ ନେଇଯାଉଥିବା ବେଳେ ଗୋଟିଏ ଅଭିଯୁକ୍ତଙ୍କୁ ଧରିବାରେ ସଫଳ ହୋଇଛନ୍ତି। ମୋଟୁ–କୋଣ୍ଟା ବ୍ରିଜରେ ବ୍ରିଜ଼ ଠାରେ ଏହି ଅଭିଯୁକ୍ତ କୁଗିରଫକରିବା ସହ ଗୋଟିଏ  ମୋଟରସାଇକେଲ୍ ଅଭିଯୁକ୍ତଙ୍କ ଠାରୁ ଜବତ କରାଯାଇଛି।ତଦନ୍ତ ଅଧିକାରୀଣି ଶ୍ରୀମତୀ ମନସୁନ୍ ଖେମୁଣ୍ଡୁ,  ACF ଯଥୋଚିତ ତଦନ୍ତ ପରେ ଏହାକୁ ଭାରତୀୟ ଫ୍ଲାପଶେଲ କଇଁଛ ଶିକାର ଏବଂ ଅବୈଧ ବ୍ୟବସାୟ ମାମଲା ବୋଲି ନିଶ୍ଚିତ କରିଛନ୍ତି। ଅଭିଯୁକ୍ତ ଏମ୍.ପି.ଭି-୮୧ ଗାଁର ବିପନ ରାୟ ହୋଇଥିବା ବେଳେ ମୋଟୁ ବନ ବିଭାଗ ଅଧୀନରେ, ବନ୍ୟଜୀବ ସୁରକ୍ଷା ଅଧିନିୟମ ଉଲ୍ଲଂଘନ, ଯାହାରେ ସେଡୁଲ୧ପ୍ରଜାତିର ଶିକାର ଏବଂ ବ୍ୟବସାୟ କରୁଥିବା ଯୋଗୁଁ  ଜେଏମ୍ଏଫସି-୭୯ କୋର୍ଟ ତରଫରୁ କୋର୍ଟ ଚାଲାଣ କରିବା ସହ ମାଲକାନଗିରି ହାଜତକୁ ପଠାଯାଇଛି।ଏହି ପ୍ରଥମ ପ୍ରକାରର ମାମଲା ବିଭାଗରେ ସୁସ୍ପଷ୍ଟ ସନ୍ଦେଶ ପ୍ରେରଣ କରିଛି ଯେ ଅବୈଧ ଶିକାର କେବେ ବି ସହନ କରାଯିବ ନାହିଁ। ମାଲକାନଗିରି ବନ ବିଭାଗ ବନ୍ୟଜୀବ ଅପରାଧ ଦମନ କରିବା ଏବଂ ଏପରି ଅପରାଧୀ ଚକ୍ରଗୁଡିକୁ ଧ୍ୱଂସ କରିବାରେ ପ୍ରତିବଦ୍ଧ।