29-Jul-2025

ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ଭବାନୀପାଟଣା - ଖରିଆର ୧୬ ନମ୍ବର ରାଜ୍ୟ ରାଜପଥର ଜାମଖୁଣ୍ଟା ବୁଲାଣୀ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟି ଯାଇଛି। ସୋମବାର ମଧ୍ୟାହ୍ନରେ ବାଇକ୍ ନମ୍ବର ଓଡି ୨୬ ଏଚ ୩୩୪୭ ରେ ବାପପୁଅ ଦୁଇଜଣ ନିଜ ଘରକୁ ଫେରୁଥିଲେ। ତେବେ କୌଣସି କାରଣରୁ ଜାମଖୁଣ୍ଟା ବୁଲାଣୀ ନିକଟରେ ଦୁର୍ଘଟଣା ହୋଇ ଦୁଇଜଣଙ୍କ ମୃତ୍ୟୁ ଘଟିଛି। ସୁଚନାନୁଯାଇ ଖଡ଼ିଆଳ ଥାନା ଅନ୍ତର୍ଗତ ଖାସବାହାଲ ଗ୍ରାମର ଉପେନ୍ଦ୍ର ଶବର (୪୦) ଙ୍କ ନିଜ ପରିବାରର ଜଣେ ମୃତ୍ୟୁବରଣ କରିଥିବାବେଳେ ତାଙ୍କ

ଅନ୍ତ୍ୟେଷ୍ଟି କ୍ରିୟା ପାଇଁ ତାଙ୍କ ସମ୍ପର୍କୀୟ ଘରେ ରହି ପାଠ ପଢ଼ୁଥିବା ପୁଅ ହରିଓମ ଶବର (୧୨) କୁ କଳାହାଣ୍ଡି ଜିଲ୍ଲା କେଗାଁ ଥାନା ଅନ୍ତର୍ଗତ ଗୁରଜୁମ ଗ୍ରାମକୁ ଆଣିବାକୁ ଯାଇଥିଲେ। ତେବେ ଫେରିବା ସମୟରେ କୌଣସି କାରଣରୁ

ଦୁର୍ଘଟଣାର ଶିକାର ହୋଇ ଦୁଇ ବାପ ପୁଅଙ୍କ ମୃତ୍ୟୁ ଘଟିଯାଇଛି। ତେବେ ଖବର ପାଇ କ୍ଷତିପୂରଣ ଦାବିରେ ପରିବାର ବର୍ଗ  ରାସ୍ତାରୋକ କରିଥିଲେ। ସିନ୍ଧେକେଲା ପୋଲିସ ବୁଝାସୁଝା କରିଥିଲା। ବଙ୍ଗୋମୁଣ୍ଡା ତହସିଲଦାର ଘଟଣାସ୍ଥଳକୁ ପହଞ୍ଚି ୨୦ ହଜାର ଟଙ୍କା ର ସହାୟତା ଦେବାପରେ ରାସ୍ତାରୋକ ହଟିଥିଲା।