29-Jul-2025

ଅମ୍ବାଭୋନା(ପ୍ରେରଣା ଖବର): ବରଗଡ ଜିଲ୍ଲା ଅନ୍ତର୍ଗତ ପଶ୍ଚିମ ଓଡିଶା ର ପ୍ରସିଦ୍ଧ ଶୈବ ପୀଠ ବାବା କେଦାରନାଥଙ୍କ ମନ୍ଦିର ପ୍ରାଙ୍ଗଣରେ ଲକ୍ଷାଧିକ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା। ଅନେକ ଦୂରଦୁରାନ୍ତରୁ ଶିବ ଭକ୍ତ ମାନେ ତଥା କାଉଡିଆ ମାନେ ବୋଲବମ ଧ୍ଵନି ରେ ନାରା ଦେଇ କେଦାରନାଥ ବାବାଙ୍କୁ ଜଳ ଲାଗି ପାଇଁ ଆସିଥିଲେ। ଅମ୍ବାଭୋନାର ଏହି ବାରପାହାଡ଼

ଘେରା ଜଙ୍ଗଲର ମନୋରମ ଦୃଶ୍ୟ ଭିତରେ ବାବାଙ୍କ ସୁନ୍ଦର ମନ୍ଦିର ବହୁତ ସୁନ୍ଦର ଦେଖାଯାଏ। ଏଠାରେ ମାନସିକ ପୂରଣ ହେବା ନେଇ ଭକ୍ତଙ୍କ ମଧ୍ୟରେ ଅନେକ ବିଶ୍ୱାସ ରହିଥିବାରୁ ବହୁତ ଭିଡ଼ ପରିଲକ୍ଷିତ ହୁଏ। ଏପରି ସ୍ଥଳେ ଅନେକ ସ୍ବେଛାସେବୀ ସଂଗଠନ ମାନେ ରାସ୍ତାର ବିଭିନ୍ନ ସ୍ଥାନରେ  ଭକ୍ତ ମାନଙ୍କ ପାଇଁ ପ୍ରସାଦ ସେବାର ବ୍ୟବସ୍ଥା କରିଥାନ୍ତି। ସେହିପରି ଅମ୍ବାଭୋନା ପ୍ରଖଣ୍ଡ ବଜରଙ୍ଗ ଦଳର ସଦସ୍ୟ ମାନେ ମଧ୍ୟ

ମନ୍ଦିର ପରିସରରେ ଭକ୍ତ ମାନଙ୍କୁ ଉପମା, ଚା ଓ ବିସ୍କୁଟ ବଣ୍ଟନ କରିଥିଲେ। ଅମ୍ବାଭୋନା ବଜରଙ୍ଗ ଦଳର ସଭାପତି ଡମ୍ବରୁ ମେହେରଙ୍କ ନେତୃତ୍ତ୍ୱରେ ଉପମା,ଚା ଓ ବିସ୍କୁଟ ବଣ୍ଟନ କରା ଯାଇଥିବା ବେଳେ ବଜରଙ୍ଗ ଦଳ ର ସକ୍ରିୟ ସଦସ୍ୟ ଦୁଷ୍ମନ୍ତ, ଟିକେଶ, ତରୁଣ, ଶିବା, ରଞ୍ଜନ, ଅରୁଣ, ସୁରେନ୍ଦ୍ର, ସୋନୁ, ଜୟାନନ ଓ ଜୟନ୍ତ ଆଦି ଏହି ସେବା ରେ ସାମିଲ ହୋଇ ସହଯୋଗ କରିଥିଲେ।