25-Jun-2025

ଆଗଲପୁର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଭରସୁଜା ପଞ୍ଚାୟତ ସଭାଗୃହ ଠାରେ ପଞ୍ଚାୟତ ସ୍ତରୀୟ ଜନ ଶୁଣାଣି ଶିବିର ଅନୁଷ୍ଠିତ ହୋଇଥିଲା  l ଏହି ଶିବିର ରେ ଗ୍ରାମ ର ଦଳିତ୍ ବସ୍ତି ର ମହିଳା ଓ ପୁରୁଷ ମାନେ ଗାଧୋଇବା ପାଇଁ ପାହାଚ ନିର୍ମାଣ ପାଇଁ ଲିଖିତ ଅଭିଯୋଗ କରିଥିଲେ ।ସୂଚନା ଥାଉ କି ଖଜୁରୀ କଣ୍ଟା ରେ ଉଭୟ ପୁରୁଷ ମହିଳା ଙ୍କ ପାଇଁ ଗୋଟିଏ ଘାଟ ବହୁ ଦିନରୁ ରହିଆସିଛି l ଉଭୟ ପୁରୁଷ ଓ ମହିଳା ମାନଙ୍କ ପାଇଁ ଗୋଟିଏ ଘାଟ ଥିବାରୁ ତାଙ୍କୁ ଗାଧୋଇବାରେ ବହୁତ ଅସୁବିଧା ହେଉଛି। ଘାଟରେ ମହିଳା ଗାଧୋଉଥିଲେ ପୁରୁଷଙ୍କୁ ଘଣ୍ଟା ଘଣ୍ଟା ଛିଡ଼ା ହେବାକୁ ପଡୁଛି l ଫଳରେ ଅସୁବିଧା ର ସମ୍ଭୁଖିନ ହେବାକୁ ପଡୁଛି ବୋଲି ୱାର୍ଡ ସଭ୍ୟ ପ୍ରଶାନ୍ତ ବାଗ ଓ ମହିଳା ମାନେ ଅଭିଯୋଗ କରିଛନ୍ତି l ଏ ବିଷୟରେ ବାରମ୍ବାର କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ବଳରାମ ଧରୁଆ ଙ୍କୁ ଲିଖିତ ଅଭିଯୋଗ କରିଥିଲେ କିଛି ସୁଫଳ ମିଳି ନଥିବା ପଡା ବାସି ଅଭିଯୋଗ କରିଛନ୍ତି। କାର୍ଯ୍ୟନିର୍ବାହୀ ଅଧିକାରୀ ତାଙ୍କୁ ଅଣଦେଖା କରୁଥିବାର ସେମାନେ ଅଭିଯୋଗ କରିଛନ୍ତି। ସରପଞ୍ଚ ଙ୍କୁ ମଧ୍ୟ ଲିଖିତ ଅଭିଯୋଗ କରିଥିଲେ ମଧ୍ୟ କିଛି କାମ ହୋଇନାହିଁ l

ପଡା ର ମହିଳା ଓ ପୁରୁଷ ମାନେ ପି ଇ ଓ ଙ୍କ ଉପରେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି l ଏ ନେଇ ଦଳିତ ପଡା ର  ବିତ୍ରଲେଖା ସୁନା , ବଣ୍ଟି ଦୀପ , ସୁକେଶିନି ବାଗ , ଲୋଚନ। ସୁନା , କମଳା ସୁନା , ସେବତୀ ନନ୍ଦ , ଶିବ ସୁନା , ଶାନ୍ତନୁ ନନ୍ଦ , ବେଲାର ବାରିକ , କବିରାଜ ବାରିକ ପ୍ରମୁଖ ନୂତନ ଗାଧୁଆ ଘାଟ ନିର୍ମାଣ ପାଇଁ ଦାବି କରିଛନ୍ତି । ନଚେତ୍ ଆଗାମୀ ଦିନରେ ବ୍ଲକ ସମ୍ବୁଖ ରେ ଧାରଣା ଦେବେ ବୋଲି ଚେତାବନୀ ଦେଇଛନ୍ତି । ସେହିପରି ଗାଈ ଗୁହାଳ ନିର୍ମାଣ କରିଥିଲେ ହେ 2022 -2023 ର ବିଲ ପାଇବାରୁ ବଞ୍ଚିତ ହୋଇଥିବା ଗ୍ରାମ ର ଭୂମି ସାହୁ , ବାସ ପୁଟେଲ , ଜୟକୁମାରି ସାହୁ , ଲକ୍ଷ୍ମୀ ସାହୁ ଅଭିଯୋଗ କରି ଛନ୍ତି । ଗ୍ରାମ ପଞ୍ଚାୟତ ନିର୍ବାହୀ ଅଧିକାରୀ ଙ୍କ ମନମୁଖୀ କାର୍ଯ୍ୟ ଯୋଗୁଁ  ବିଲ ପାଇ ପାରୁ ନାହିଁ ବୋଲି କହିବା ସହିତ ସେମାନେ ଲିଖିତ ଅଭିଯୋଗ କରିଥିବା ପ୍ରକାଶ କରିଛନ୍ତି l