24-Jun-2025

ଲୋଇସିଂହା, (ବିନୋଦ ଦୀପ) ସ୍କୁଲରେ ନାଁ ଆବଶ୍ୟକୀୟ ଶିକ୍ଷକ ଅଛନ୍ତି ନା ଆବଶ୍ୟକ ଶ୍ରେଣୀଗୃହ । ଅବ୍ୟବସ୍ଥାରେ ଚାଲିଛି ଛାତ୍ରଛାତ୍ରୀଙ୍କ ଭବିଷ୍ୟତ ଗଢ଼ା ।  ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଉପାନ୍ତ ରେ ଥିବା ତାଳଜୁରୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ଅବସ୍ଥା ଏପରି । ଶିକ୍ଷା ବ୍ୟବସ୍ଥାରେ ଉନ୍ନତି ପାଇଁ ରାଜ୍ୟ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ଆବଶ୍ୟକ ଶ୍ରେଣୀଗୃହ, ଶିକ୍ଷକ ଓ ଡିଜିଟାଲ ଶ୍ରେଣୀ ଗୃହ ନିର୍ମାଣ କରାଯାଉଛି ବୋଲି ଡିମ ଡିମ ପିଟୁଛନ୍ତି । ମାତ୍ର ତାଳଜୁରୀ ସରକାରୀ ଉଚ୍ଚ ପ୍ରାଥମିକ  ବିଦ୍ୟାଳୟରେ ଆବଶ୍ୟକୀୟ ଶିକ୍ଷକ ଓ ଶିକ୍ଷୟତ୍ରୀ ନଥିବା ବେଳେ ଆବଶ୍ୟକୀୟ ଶ୍ରେଣୀଗୃହ ଅଭାବ ରୁ ଗୋଟିଏ ଶ୍ରେଣୀ ଗୃହ ରେ ଦୁଇଟି ଶ୍ରେଣୀ ର ଛାତ୍ରଛାତ୍ରୀ ପଢୁଛନ୍ତି । ଯାହାଫଳରେ ଶିକ୍ଷକ ଓ ଛାତ୍ରଛାତ୍ରୀ ମାନଙ୍କୁ ବହୁତ ଅସୁବିଧା ର ସମ୍ମୁଖୀନ ହେବାକୁ ପଡୁଛି।ଏଭଳି ଅବ୍ୟବସ୍ଥା ନେଇ ବିଦ୍ୟାଳୟ ପରିଚାଳନା କମିଟି ତରଫରୁ ବ୍ଲକ ଗୋଷ୍ଠୀ ଶିକ୍ଷାଧିକାରୀ ଙ୍କ ଠାରେ ଅଭିଯୋଗ ହୋଇଛି। ସୂଚନା ଅନୁସାରେ, ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ତାଳଜୁରୀ ଉଚ୍ଚ ପ୍ରାଥମିକ ବିଦ୍ୟାଳୟ ରେ ରେ ପ୍ରଥମ ରୁ ଅଷ୍ଟମ  ଶ୍ରେଣୀରେ ପ୍ରାୟ ୧୫୧ ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି ।

ସ୍କୁଲ ରେ ବର୍ତମାନ ୧୦ ଜଣ ଶିକ୍ଷକ ଥିଲେ ମଧ୍ୟ ପାଞ୍ଚ ଜଣ ଶିକ୍ଷକ ଡେପୁଟେସନ ରେ ଯାଇ ବର୍ଷ ବର୍ଷ ଧରି ଅନ୍ୟ ସ୍କୁଲ ରେ ପାଠ ପଢ଼ାଉଛନ୍ତି।ସ୍କୁଲ ର ପ୍ରଧାନ ଶିକ୍ଷକ ସରକାରୀ କାମ ରେ ବ୍ୟସ୍ତ ରହୁଛନ୍ତି। ଫଳରେ ୪ ଜଣ ଶିକ୍ଷକ ରେ ପାଠ ପଢେଇବା ଅସମ୍ଭବ ହୋଇପଡୁଛି। ପୁଣି ତାଳଜୁରୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ଓ ଶ୍ରେଣୀ ଗୃହ ର ଅଭାବ ରୁ ଗୋଟିଏ ଶ୍ରେଣୀ ଗୃହ ରେ ୨ ଟି ଲେଖାଏଁ କ୍ଲାସ ହେଉଥିବା ବେଳେ ୨ ଟି କ୍ଲାସ ରେ ଜଣେ ଶିକ୍ଷକ ଛାତ୍ରଛାତ୍ରୀମାନଙ୍କୁ ପାଠ ପଢାଉଥିବା ନେଇ ବିଦ୍ୟାଳୟ କମିଟି ତରଫରୁ ବିଇଓ ଙ୍କ ଠାରେ ଲିଖିତ ଅଭିଯୋଗ ହୋଇଛି। ବିଇଓ ଙ୍କ ଅନୁପସ୍ଥିତ ରେ ଏବିଇଓ ଟଙ୍କଧର ଭୋଇ ବିଦ୍ୟାଳୟ କମିଟି ର ସଦସ୍ୟ ଙ୍କ ଠାରୁ ଅଭିଯୋଗ ପତ୍ର ଗ୍ରହଣ କରିବା ସହ ସରକାର ଙ୍କ ଗାଇଡ଼ ଲାଇନ ଅନୁଯାୟୀ ଯଥାଶୀଘ୍ର ସମସ୍ୟା ର ସମାଧାନ କରାଯିବ ବୋଲି କହିଥିଲେ।