06-May-2025

ସମ୍ବଲପୁର : (ସଂଜୀବ ପାଣିଗ୍ରାହୀ) -  ନନ୍ଦପଡା, ଝାଡୁଆପଡ଼ା ଓ ମୁଦିପଡ଼ାକୁ ନେଇ ଗଠିତ ସମ୍ବଲପୁର ଶୀତଳଷଷ୍ଠୀ ଯାତ୍ରା ମିଳିତ ସମନ୍ବୟ ସମିତିର କର୍ମକର୍ତ୍ତାମାନେ ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ତାଙ୍କ କାର୍ଯ୍ୟାଳୟରେ ଭେଟିଛନ୍ତି। ଶୀତଳଷଷ୍ଠୀ ଯାତ୍ରା ସମୟରେ ସମ୍ବଲପୁର ଆସିବା ପାଇଁ ସେମାନେ ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରିଛନ୍ତି ମୁଖ୍ୟମନ୍ତ୍ରୀ ମଧ୍ୟ ଶୀତଳଷଷ୍ଠୀ ଯାତ୍ରା ସମୟରେ ସମ୍ବଲପୁର ଗସ୍ତରେ ଆସିବା ପାଇଁ ସମନ୍ବୟ ସମିତିର କର୍ମକର୍ତ୍ତାମାନଙ୍କୁ ପ୍ରତିଶ୍ରୁତି ଦେଇଥିବା ଜଣାପଡ଼ିଛି। ସେମାନେ ଏହା ପୂର୍ବରୁ ଆଇନ ମନ୍ତ୍ରୀ ପୃଥୀରାଜ ହରିଚନ୍ଦନଙ୍କୁ ଭେଟି ଶୀତଳଷଷ୍ଠୀ ଯାତ୍ରା ପାଇଁ ଦେବୋତ୍ତର ବିଭାଗ ପକ୍ଷରୁ ଆର୍ଥିକ ସହାୟତା ଦେବା ପାଇଁ ଅନୁରୋଧ କରିଛନ୍ତି। ଗତବର୍ଷ ଏବଂ ଚଳିତ ବର୍ଷର ଆର୍ଥିକ ସହାୟତା ଏକ ସଂଗରେ ପ୍ରଦାନ କରିବା ନିମନ୍ତେ ଆଇନ ମନ୍ତ୍ରୀ ପ୍ରତିଶ୍ରୁତି ଦେଇଥିବା କହାଯାଇଛି। ସମ୍ବଲପୁର ବିଧାୟକ ଜୟନାରାୟଣ ମିଶ୍ରଙ୍କ ନେତୃତ୍ବରେ ମୁଖ୍ୟମନ୍ତ୍ରୀ ଓ ଆଇନମନ୍ତ୍ରୀଙ୍କୁ ରେଟିଥିବା ଏହି ପ୍ରତିନିଧି ଦଳର ସମନ୍ବୟ ସମିତିର ସଭାପତି ସୁଶାନ୍ତ ପୁରୋହିତ, କାର୍ଯ୍ୟକାରୀ ସଭାପତି ଅମୂଲ୍ୟ ମିଶ୍ରଙ୍କ ସହିତ ସରୋଜ ଦଲପତ, ସମୀର ବାବୁ, ମୁନୀଲ ଦାଶ, ଭୋଳାଶଙ୍କର ମହତମ, ବିନୋଦ ପଣ୍ଡା, ଶୁଭେନ୍ଦୁ ମିଶ୍ର, ବାବୁଲୁ ମିଶ୍ର ପ୍ରମୁଖ ସାମିଲ ଥିଲେ ।