01-Apr-2025

ରାୟଗଡ଼ା : ରାୟଗଡା ପୋଲିସର ପାତରଅନ୍ତର ନୀତିକୁ ନେଇ ଜିଲ୍ଲା ଟ୍ରକ ମାଲିକ ସଂଘର ପ୍ରତିବାଦ ଓ ଥାନା ସାମ୍ନାରେ ଧାରଣା, ରାସ୍ତା ଉପରେ ଅଟକି ରହିଥିଲା ଶହ ଶହ ଟ୍ରକ୍। ଆନ୍ଧ୍ରକୁ ଯିବା ରାସ୍ତା ଅବରୋଧ ହୋଇଥିବାରୁ ବ୍ୟବସାୟ ବାଣିଜ୍ୟ ଉଦ୍ଦେଶ୍ୟରେ ଯିବା ଆସିବା କରିବା ଅନେକ ଗାଡ଼ି ରାସ୍ତା ଉପରେ ଦିର୍ଘ ସମୟ ଧରି ଅଟକି ରହିଥିଲା। ରାୟଗଡାର ଟ୍ରକ ମାଲିକ ସଂଘର ସଭାପତି ଭେଙ୍କେଟେଶ୍ବର ରାଓ ଓରଫ୍ କୋଣ୍ଡା ବାବୁଙ୍କ ଡ୍ରାଇଭରକୁ ରାୟଗଡା ଟାଉନ୍ ଥାନା ପୁଲିସ ଏକ ମାମଲାରେ ଗିରଫ କରିବା ନେଇ ଏହି ରାସ୍ତାରୋକ ହୋଇଥିଲା।  ଗିରଫ୍ ଡ୍ରାଇଭର ହେଲେ ୟୁ.ଗୈରୀଶଙ୍କର। ଏହାର ପ୍ରତିବାଦରେ ଶତାଧିକ ଲୋକ ଟାଉନ୍ ଥାନାକୁ ଘେରାଉ କରିବା ସହ ଭିକ୍ଷଭ ପ୍ରଦର୍ଶନ କରିଥିଲେ। ପୂର୍ବରୁ ଡ୍ରାଇଭରNଙ୍କ ନାମରେ ଥିଲା ଜାମିନ ବିହୀନ ଗିରଫ୍ ପରୱାନା।  ଭୋର ସକାଳୁ ଗୈରୀଶଙ୍କର ନାମକ ଡ଼୍ରାଇଭର କୁ ପୁଲିସ ଗିରଫ କରିବା ପରେ କୋଣ୍ଡା ବାବୁଙ୍କ ସମର୍ଥକ ମାନେ ଥାନା ଆଗରେ ଖଲାସ ପାଇଁ ଅଡି ବସିଥିଲେ। ଅନ୍ୟପକ୍ଷେ ଜିଲା ବିଜେଡ଼ି ସଭାପତି ଏନ୍. ଭାଷ୍କର ରାଓଙ୍କ ବିରୋଧରେ ମାଓବାଦୀଙ୍କ ସହିତ ସମ୍ପର୍କ ଥିବା ଓ ଜାତିଆଣ ମାମଲା ରହିଛି।  କିନ୍ତୁ, ତାଙ୍କୁ ଗିରଫ ନକରି ପୁଣି ସୁରକ୍ଷା ଯୋଗାଉଛି ପୁଲିସ୍। ମାତ୍ର ସଧାରଣ ଡ୍ରାଇଭରଙ୍କୁ ଅମାନୁଷିକ ଭାବେ ଟଣା ଓଟରା କରି ଗିରଫ କରିଛି ବୋଲି ଟ୍ରକ ମାଲିକ ସଂଘର ସଭାପତି ୱାୟି ଭେଙ୍କେଟେଶ୍ବର ରାଓ ଓରଫ୍ କୋଣ୍ଡାବାବୁ ଅଭିଯୋଗ କରିଛନ୍ତି। ଧନୀ ଲୋକଙ୍କ ପାଇଁ ଅଲଗା ଆଇନ, ଗରୀବ ଙ୍କ ପାଇଁ ଅଲଗା ଆଇନ୍ କି ବୋଲି ପ୍ରଶ୍ନ କରିଛନ୍ତି କଣ୍ଡାବାବୁ। ଏଥିସହ ଭାସ୍କର ରାଓ ବହୁତ୍ ବଡ଼ ଭୁଲ୍ କରିଛନ୍ତି। ତାଙ୍କୁ ପୁଲିସ୍ ଛୁଇଁ ମଧ୍ୟ ପାରୁନି କାହିଁକି

ବୋଲି ପ୍ରତିକ୍ରିୟାରେ କହିଛନ୍ତି।
ଡ୍ରାଇଭରକୁ ଛଡାଯିବ ଓ ଭାଷ୍କର ରାଓଙ୍କ ଗିରଫ କରାଯିବା ପରେ ସମାଧାନ ହେବ ବୋଲି ସେ ଶୁଣାଇ ଇଛନ୍ତି। ରାସ୍ତାରେ ଧାରଣା ଦେବା ଫଳରେ ରାସ୍ତା ଜାମ୍ ହୋଇ ଗାଡି ଚଳାଚଳ ବାଧାପ୍ରପ୍ତ ହୋଇଥିଲା। ରାଞ୍ଚି ବିଜୟୱାଡା କରିଡର ରାସ୍ତାର ଉଭୟ ପାର୍ଶ୍ଵରେ ଶତାଧିକ ଚାରି ଚକିଆ ଯାନ ଘଣ୍ଟା ଘଣ୍ଟା ଧରି ଠିଆ ହୋଇ ରହିଥିଲା । ଅନ୍ଯପଟେ ରାସ୍ତା ଜାମ୍ ଥିବା ଯୋଗୁଁ ଜିଲ୍ଲା ମୁଖ୍ଯ ଚିକିତ୍ସାଳୟକୁ କୈଣସି ଆମ୍ବୁଲାନ୍ସ ଯାତାୟତ କରିପାରି ନ ଥିଲା । ଥାନା ଆଗରେ ଧାରଣାରେ ବସିଥିଲେ ଶତାଧିକ ସମର୍ଥକ। ଅନ୍ଯପଟେ ଏହି ଘଟଣାରେ ପୁଲିସ ଅଧିକାରୀଙ୍କ ପ୍ରତିକ୍ରିୟା ମିଳି ପାରିନାହିଁ ।