19-Oct-2021

ଲୋଇସିଂହା, (ବିନୋଦ କୁମାର ଦୀପ ): ଲୋଇସିଂହା ଅଞ୍ଚଳର ଜଣେ ମେଧାବୀ ଛାତ୍ରୀଙ୍କ ଉଚ୍ଚଶିକ୍ଷା  ଲାଗି ଅର୍ଥ ସାଜିଛି ବାଧକ l ଲୋଇସିଂହାର ଡେ଼ଲିମାର୍କେ   ଟ ବସ୍ତି ଅଂଚଳରେ ରହନ୍ତି କରମ ମେହେର (୫୧) ପତ୍ନୀ ମଥୁରା ମେହେରଙ୍କ ସହ ପୁଅ ଓ ଝିଅ ଦୁଇ ସନ୍ତାନ l କରମ ମେହେରଙ୍କ ଝିଅ ଆଶା ମେହେର(୨୦) ଜଣେ ମେଧାବୀ ଛାତ୍ରୀ ଅଟନ୍ତି l ତାଙ୍କ ଶିକ୍ଷଗତ ଯୋଗ୍ୟତାକୁ ନଜର ଦେଲେ ଦଶମ ଶ୍ରେଣୀରେ ୭୮%, +୨ ରେ ୭୭% ଓ ଲୋଇସିଂହା ମହାବିଦ୍ୟାଳୟରେ ଗ୍ରାଜୁଏସନ ରେ ୮୯  % ରଖି ବର୍ତମାନ ଚଳିତ ବର୍ଷ ସିପିଇଟି  କମନ ପିଜି ଏଣ୍ଟ୍ରାନ୍ସ ଟେଷ୍ଟ ରେ ଓଡିଶାରେ ପଞ୍ଚମ ସ୍ଥାନ ଓ ଜଣେ ଏସଟି ଛାତ୍ରୀ ହିସାବରେ ଓଡିଶାରେ ପ୍ରଥମ ସ୍ଥାନ ଅକ୍ତିଆର କରିଛନ୍ତି l ଅଧ୍ୟବସାୟ ଓ ଆତ୍ମବିଶ୍ଵାସ ବଳରେ ଗରିବ ଘର ର ଝିଅ ଆଶା ନିଜର କମାଲ ଦେଖlଛନ୍ତି l କେବଳ ଲୋଇସିଂହା ଅଂଚଳ ନୁହେଁ ବଲାଙ୍ଗୀର ଜିଲ୍ଲା ପାଇଁ ଏହା ଗୌରବର ବିଷୟ l ଆଶାଙ୍କ ବାପା କରମ ମେହେର ଜଣେ ଖବରକାଗଜ  ବିତରକ ସହ ଦିନ ମଜୁରିଆ l  ଏବେ ଆଶାଙ୍କ ଉଚ୍ଚଶିକ୍ଷା ଲାଗି ଅର୍ଥ ସାଜିଛି ବାଧକ l ମେଧାବୀ ଛାତ୍ରୀ ଆଶା ପ୍ରତି ଦୃଷ୍ଟିଦେଇ ଜିଲ୍ଲା ପ୍ରଶାସନ ସହଯୋଗର ହାତ ବଢ଼ାଇଲେ ଆଶା ଏକ ଉଜ୍ୱଳ ଭବିଷ୍ୟତ ଆଡକୁ ଗତି କରିପାରିବେ l