25-Sep-2021

ବିନିକା(ହିମାଂଶୁ ଶେଖର ପୁଟେଲ) ବିନିକା ସିଦ୍ଧାର୍ଥ ଜୁନିଅର କଲେଜ ଓ ଡିଗ୍ରୀ କଲେଜରେ ଜାତୀୟ ସେବା ଯୋଜନା(ଏନଏସଏସ ଡେ) ପାଳନ ହୋଇଯାଇଛି l ପ୍ରାରମ୍ଭରେ କଲେଜ ଅଧ୍ୟକ୍ଷା ରେଖା ପ୍ରଧାନଙ୍କ ନେତୃତ୍ୱରେ ଅଧ୍ୟୟନରତ ଛାତ୍ରଛାତ୍ରୀ ମାନେ ନିକଟସ୍ଥ କୋଲପଡା ଗ୍ରାମକୁ ଯାଇ କରୋନା ତୃତୀୟ ଲହର ପୂର୍ବରୁ ଛୋଟ ଶିଶୁ ଙ୍କ ଠୁଁ ବଡ଼ ପର୍ଯ୍ୟନ୍ତ ସମସ୍ତଙ୍କୁ ମାକସ ପିନ୍ଧିବାକୁ ଦେଇ ସଚେତନ କରିଥିଲେ l ଏହି ପରିପ୍ରେକ୍ଷୀରେ ଗ୍ରାମର ଲୋକଙ୍କୁ ଶୁଖିଲା ଖାଦ୍ୟ, ସାବୁନ,ସର୍ଫ ଆଦି ବଣ୍ଟନ କରାଯାଇଥିଲା l ପରେ ଅଧ୍ୟକ୍ଷା ଶ୍ରୀମତୀ ପ୍ରଧାନଙ୍କ ସଭାପତିତ୍ବରେ ଅନୁଷ୍ଠିତ ଏକ ସଭାରେ ଓଡ଼ିଆ ବିଭାଗ ବରିଷ୍ଠ

ଅଧ୍ୟାପକ ନିରଞ୍ଜନ ପାଣ୍ଡିଆ ମୁଖ୍ୟ ଅତିଥି,ବିନିକା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରର ଆୟୁଷ ଡାକ୍ତର ଉମାକାନ୍ତ ମହାନନ୍ଦ ମୁଖ୍ୟବକ୍ତା,ସ୍ବାସ୍ଥ୍ୟକର୍ମୀ ମିନାକ୍ଷୀ ନାୟକ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ l ରେଡକ୍ରସ କାଉନସିଲର ପ୍ରୀତି ରଞ୍ଜନ ସାହୁ ସଭାକୁ ସଂଯୋଜନା କରିଥିବା ବେଳେ ଏନଏସଏସ ପ୍ରୋଗ୍ରାମ ଅଫିସର ରୋହିତ ଧରୁଆ ଧନ୍ୟବାଦ ଅର୍ପଣ କରିଥିଲେ l ସେହିପରି ସିଦ୍ଧାର୍ଥ ଡିଗ୍ରୀ କଲେଜ ସଂସ୍କୃତ ଅଧ୍ୟାପକ ହରିଶ୍ଚନ୍ଦ୍ର ହୋତା ଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ବରିଷ୍ଠ ଇତିହାସ ବିଭାଗ ଅଧ୍ୟାପକ ଗୋପାଳ କୃଷ୍ଣ ଦାଶ,ଇଂରାଜୀ ବିଭାଗର ବାଣୀ ପ୍ରସାଦ ବିଶ୍ଵାଳ,ରାଜନୀତି ବିଜ୍ଞାନ ବିଭାଗ ର ରୁଦ୍ର ନାରାୟଣ ଦାଶ ପ୍ରମୁଖ ଯୋଗଦେଇ ଜାତୀୟ ସେବା ଯୋଜନା ପାଳନର ଉଦ୍ଦେଶ୍ୟ ଉପରେ କହିଥିଲେ l