27-Aug-2021

ବିନିକା:(ହିମାଂଶୁ ଶେଖର ପୁଟେଲ)-ଭାରତୀୟ ରେଡ଼କ୍ରସ ସୋସାଇଟି ଓଡିଶା ରାଜ୍ୟ ଶାଖାର ଯୁବ ରେଡ଼କ୍ରସ ଅଧିକାରୀ ଡକ୍ତର ଅଜୟ କୁମାର ତ୍ରିପାଠୀ ବିନିକା ସିଦ୍ଧାର୍ଥ କଲେଜ ପରିଦର୍ଶନ କରିବାକୁ ଆସିଥିଲେ।ଏହି ଅବସରରେ ଡିଗ୍ରୀ କଲେଜ ଅଧ୍ୟକ୍ଷ ଧୀରେନ୍ଦ୍ର କୁମାର ନାୟକ ଓ ସିଦ୍ଧାର୍ଥ ଜୁନିୟର କଲେଜ ଅଧ୍ୟକ୍ଷା ଶ୍ରୀମତୀ ରେଖା ପଧାନଙ୍କ ମିଳିତ ଆନୁକୂଲ୍ୟରେ ସଭା ଅନୁଷ୍ଠିତ ହୋଇଥିଲା।ଏହି ସଭାରେ ମୁଖ୍ୟଅତିଥି ଭାବରେ ଡକ୍ତର ଅଜୟ କୁମାର ତ୍ରିପାଠୀ, ସମ୍ମାନନୀୟ ଅତିଥି ଭାବେ ରାଜ୍ୟ ଜୁନିୟର ରେଡ଼କ୍ରସ ଅଫିସର ଲକ୍ଷ୍ମଣ କୁମାର ସ୍ୱାଇଁ,ସୁବର୍ଣ୍ଣପୁର ଜିଲ୍ଲା ରେଡ଼କ୍ରସ ସଂଯୋଜକ ଉମାକାନ୍ତ ନାଗ,ସିଦ୍ଧାର୍ଥ ଡିଗ୍ରୀ କଲେଜ ଇତିହାସ ବିଭାଗ ମୁଖ୍ୟ ଗୋପାଳକୃଷ୍ଣ ଦାଶ ଯୋଗ ଦେଇଥିଲେ। ଉକ୍ତ ସଭାରେ ଉଭୟ ଡିଗ୍ରୀ ଓ ଜୁନିୟର କଲେଜ ଅଧ୍ୟକ୍ଷ ଏବଂ ଅଧ୍ୟକ୍ଷା ମୁଖ୍ୟଅତିଥିଙ୍କୁ ମାନପତ୍ର ଦେଇ ସମ୍ମାନିତ କରିଥିଲେ। ସମାଜ ସେବାରେ ନିଜକୁ ନିୟୋଜିତ କରିବା ସହ ଜଣେ ଭଲ ମଣିଷ ହୋଇ ବଞ୍ଚିବା ପାଇଁ ସମସ୍ତଙ୍କୁ ଆହ୍ୱାନ ସହ ରକ୍ତଦାନର ମହତ୍ୱ ଉପରେ ମୁଖ୍ୟ ଅତିଥି ଡକ୍ଟର ତ୍ରିପାଠୀ ଆଲୋକପାତ

କରିଥିଲେ।ଏହି ସଭାକୁ ସିଦ୍ଧାର୍ଥ ଡିଗ୍ରୀ କଲେଜର ଯୁବ ରେଡ଼କ୍ରସ କାଉନସିଲର ତଥା ଅର୍ଥନୀତି ଅଧ୍ୟାପକ ଶ୍ରୀ ବିଶ୍ଵନାଥ ମିଶ୍ର ପରିଚାଳନା କରିଥିବାବେଳେ ଶେଷରେ ସିଦ୍ଧାର୍ଥ ଜୁନିୟର କଲେଜ ରେଡକ୍ରସ କାଉନସିଲର ପ୍ରିତିରଞ୍ଜନ ସାହୁ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ଅଧ୍ୟାପକ ଧନେଶ୍ୱର ସାହୁ , ସପ୍ତସାଗର ପଧାନ,ନିରଞ୍ଜନ ପାଣ୍ଡିଆ,ଭଗବାନ ସାହୁ,ମାନସ ରଞ୍ଜନ ମିଶ୍ର , ମହିଳା କାଉନସିଲର ତଥା ଶିକ୍ଷା ବିଭାଗ ଅଧ୍ୟାପିକା ବିଘେନଶ୍ୱରୀ ପୁଝାରି(ରୁବି) ଓ ଗରିବ ସାଲମା ସହଯୋଗ କରିଥିଲେ। କାର୍ଯ୍ୟକ୍ରମରେ ଉଭୟ କଲେଜର ଅଧ୍ୟୟନରତ ଛାତ୍ରଛାତ୍ରୀ ଓ ସମସ୍ତ ଷ୍ଟାଫ ଉପସ୍ଥିତ ଥିଲେ l