24-Aug-2021

ବଲାଙ୍ଗିର,(ପ୍ରେରଣା ଖବର)- ଜିଲ୍ଲା ଯାଦବ ସମାଜ ତରଫରୁ ସ୍ଥାନୀୟ ସର୍କିଟ ହାଉସ ଠାରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ଏକ ଦାବିପତ୍ର ପ୍ରଦାନ ସହ ଉପଢୈାକନ ଓ ମାନପତ୍ର ଦେଇ ସମ୍ମାନିତ କରିଥିଲେ । ସଭାପତି ପଙ୍କଜ ସେଲମାଙ୍କ ନେତୃତ୍ୱରେ ଏକ ୫ ଜଣିଆ ଟିମ୍ ଜିଲ୍ଲା-ମୁଖ୍ୟ ଉପଦେଷ୍ଟା ଛବିଳ ବଗର୍ତ୍ତି, ଦୁତିବାହନ ଚନ୍ଦନ, ପୌରାଂଚଳ ସହସମ୍ପାଦକ ଅଷ୍ଟମୀ ବଗର୍ତ୍ତି ଓ ପ୍ରଶାନ୍ତ ମହାକୁର  ଏକ ୪ ଦଫା ଦାବିପତ୍ର

ପ୍ରଦାନ କରିଥିଲେ । ବଲାଙ୍ଗିର-ଖୋର୍ଦ୍ଧା ରୋଡ ରେଳପଥକୁ ଶିଘ୍ର ସମାପ୍ତ କରିବା, ବଲାଙ୍ଗିର - ପ୍ରୟାଗରାଜ ବନାରସକୁ ଟ୍ରେନ ଚଳାଇବା, ଏକ ସ୍ୱତନ୍ତ୍ର ଟ୍ରେନ ବିଛୁପାଲି ରୁ ବିଶାଖାପାଟଣାମ୍ ପର୍ଯ୍ୟନ୍ତ ଚଳାଇବା, ବଲାଙ୍ଗିର ରେଳ ଷ୍ଟେସନକୁ ଆଧୁନିକ କରଣ ଓ ଏକୋ ଫ୍ରେଣ୍ଡଲି ଷ୍ଟେସନ ଇତ୍ୟାଦି ପ୍ରସ୍ତାବ ଦାବିପତ୍ରରେ ସୂଚିତ କରାଯାଇଛି ।