-+91-9937148622 |
prerana_bgr@rediffmail.com |
Thursday 18th April 2024 |
R.N.I. Regd No. ODIODI/2010/46693
Breaking News
13-Mar-2021
ନୟାଗଡ଼ (ପ୍ରଦୀପ କୁମାର ପଣ୍ଡା) : ସରକାର ଙ୍କ ଭିନ୍ନ ପ୍ରୟାସ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ କୃଷି ଭିତିକ ସଚେତନତା ବାର୍ତ୍ତା ପ୍ରଦାନ କରାଯାଉଛି ଗ୍ରାମାଞ୍ଚଳରେ | ବିଲୁପ୍ତ ପ୍ରାୟ ପାଲା, ଦାସକାଠିଆ, ପଥପ୍ରାନ୍ତ ନାଟକ ଭଳି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଦେଖିବାକୁ ଗ୍ରାମେ ଗ୍ରାମେ ଜମୁଛି ଭିଡ | ନୟାଗଡ଼ ଜିଲ୍ଲା ନୂଆଗାଁ ବ୍ଲକର ବାହାଡାଝୋଲା, ହରିପୁର ଏବଂ ବେରୁଆବାରି ପଞ୍ଚାୟତ ର ବିଭିନ୍ନ ଗ୍ରାମରେ ଗଡ଼ିଲାଣି କୃଷି ରଥ | ଏହି ରଥକୁ ନୂଆଗାଁ ବ୍ଲକର ଭାଇସ ଚେୟାରମ୍ୟାନ ପୁଷ୍ପାଞ୍ଜଳି ସାହୁ ଆନୁଷ୍ଠାନିକ ଭାବେ ଉଦଘାଟନ କରିଥିବା ବେଳେ ସେଠାରେ ପଞ୍ଚାୟତ ର ଲୋକପ୍ରତିନିଧି ମାନେ ଉପସ୍ଥିତ ଥିଲେ | ଏହି ରଥ ଉକ୍ତ ତିନୋଟି ପଞ୍ଚାୟତ ର ବିଭିନ୍ନ ଗ୍ରାମରେ ପଂହଁଚି କୃଷି ଭିତ୍ତିକ ସଚେତନତା ବାର୍ତ୍ତା ବାଣ୍ଟିବାରେ ସଫଳ ଲାଭ କରିଛି | ଦାସକାଠିଆ କାର୍ଯ୍ୟକ୍ରମ ମାଧ୍ୟମରେ ଅତ୍ୟାଧୁନିକ କୃଷି ପ୍ରଣାଳୀ, ବିଭିନ୍ନ ବୈଜ୍ଞାନିକ ଯନ୍ତ୍ରପାତି ର ବ୍ୟବହାର ଏବଂ ଉପକାରିତା, ଉନ୍ନତ ମାନର ସାର ଓ ବିହନ ଉପଯୋଗ ସହିତ ସରକାରୀ ସହାୟତା ବିଷୟରେ ଜନସଧାରଣ ଙ୍କୁ ବୁଝାଇଦିଆଯାଇଥିଲା | ଏହି ଦାସକାଠିଆ କାର୍ଯ୍ୟକ୍ରମ ଦେଖିବାକୁ ବେଶ ଭିଡ ଜମିଥିଲା | ଗ୍ରାମ କୃଷି କର୍ମଚାରୀ ସୁଶାନ୍ତ କୁମାର ଯାନୀ ଏବଂ ସହକାରୀ ବୈଷୟିକ ପରିଚାଳକ ବଦ୍ରିନାରାୟଣ ସ୍ୱାଇଁ ଉକ୍ତ କାର୍ଯ୍ୟକ୍ରମ ତଥା କୃଷି ରଥର ପରିଚାଳନା କରିଥିଲେ |