-+91-9937148622 |
prerana_bgr@rediffmail.com |
Friday 29th March 2024 |
R.N.I. Regd No. ODIODI/2010/46693
Breaking News
20-Feb-2021
ଉଲୁଣ୍ଡା(ଗୌର ଚନ୍ଦ୍ର ପରିଛା): ଉଲୁଣ୍ଡା ବ୍ଲକ କୋଟସମଲାଇ ପାତାଲି ଶ୍ରୀ କ୍ଷେତ୍ରରେ ଚାଲିଥିବା ୧୬ ତମ ପାତାଲି ମହୋତ୍ସବ ଗତକାଲି ଉଦଯାପିତ ହୋଇଯାଇଛି । ପ୍ରଥମେ କଳଶ ଯାତ୍ରା କରାଯାଇ ସ୍ଥାପନ କଲାପରେ ପଣ୍ଡିତ ଦେବାର୍ଚନ ଦାସ, ବିଦ୍ୟାଧର ଦାସ, ଗୌରୀ ଶଙ୍କର ମିଶ୍ର, ଗୌର ନନ୍ଦ ପ୍ରମୁଖ ପୁଜାର୍ଚନା କରିଥିଲେ । ପରେ ୫୬ ପ୍ରହର ନାମଯଜ୍ଞ ୭ଦିନ ଧରି ଅନୁଷ୍ଠିତ ହୋଇଥିଲା । ଛଲିଆ ପାହାଡ ସ୍ଥିତ ଶ୍ରୀ ଜଗନ୍ନାଥଙ୍କ ପୀଠରେ ଭଗବାନ ଷଡଙ୍ଗୀ ନିଜ ସାଥିଙ୍କ ସହ ଓଡିଆ ଭାଗବତ ପାରାୟଣ କରିଥିଲେ । ଭାଗବତ କର୍ତା ଭବାରେ ଚିତରଂଜନ ପାଢୀ ଏବଂ ତାଙ୍କ ପତ୍ନୀ ଗୌରୀ ପାଢୀ ଦାୟିତ୍ୱ ତୁଲାଇଥିଲେ । ପ୍ରତ୍ୟହ ଅପରାହ୍ନରେ ଧର୍ମସଭା ଆୟୋଜନ କରାଯାଉଥିବା ବେଳେ ସଂଧ୍ୟା ସମୟରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଉଥିଲା । ଶୁକ୍ରବାର ସକାଲୁ ପୁର୍ଣ୍ଣାହୁତୀ ପରେ ନଗର କିର୍ତନ, ଦହି ଭାଣ୍ଡ, ଭଂଜନ କରାଯାଇଥିଲା । ମହଦା ମହିଳା ସଂର୍କୀତନ ଏବଂ କୋଟସମଲାଇ ମଧ୍ୟରେ ବୈଠକୀ ଅନୁଷ୍ଠିତ ହୋଇଥିଲା । ସଂଯୋଜକ ପୁର୍ଣ୍ଣଚନ୍ଦ୍ର ପାଢୀଙ୍କ ତତ୍ୱାବଧାନରେ ଆୟୋଜିତ ଉଦଯାପନୀ ଉତ୍ସବରେ ସମାଜସେବୀ ମୂରଲୀଧର ଭୋଇ, ସମ୍ମାନୀତ ଅତିଥି ଭାବରେ ନରସିଂହ ପଧାନ, ଜାନକୀରାମ ଦେହେରୀ ଯୋଗଦେଇଥିଲେ । ଭକ୍ତ ମାନଙ୍କ ସୁରକ୍ଷା ପାଇଁ ଆରକ୍ଷୀ ବାହିନୀ, ଦମକଲା ବାହିନୀ, ସ୍ୱାସ୍ଥ୍ୟ ବିଭାଗ, ଜଲ ଓ ପରିମଳ ବିଭାଗ ତରଫରୁ ବ୍ୟାପକ ବ୍ୟବସ୍ଥା କରାଯାଇଥିଲା । ଆୟୋଜକ ଟ୍ରଷ୍ଟର ସମସ୍ତ ସଦସ୍ୟ ସହଯୋଗ କରିଥିଲେ ।