13-Oct-2026

ଆଗଲପୁର, (ପ୍ରେରଣା ଖବର) ଆଜି ଆଗଲପୁର ବ୍ଲକ୍ ର ଆଗଲପୁର ଉଚ୍ଚ ପ୍ରାଥମିକ ବିଦ୍ୟାଳୟ ରେ କ୍ଲୁଷ୍ଟର ସ୍ତରୀୟ ସୁରଭି କାର୍ଯକ୍ରମ ବହୁ ଧୁମ୍ ଧାମରେ ପାଳିତ ହୋଇ ଯାଇଛି। ଆଜିର ଏହି ଉଦ୍ଘାଟନୀ କାର୍ଯ୍ୟକ୍ରମରେ ସ୍ଥାନୀୟ ସି ଆର୍ ସି ସି ଶ୍ରୀଯୁକ୍ତ ଚନ୍ଦ୍ରକାନ୍ତ ବେହେରା ଙ୍କ ସଭାପତିତ୍ବରେ ସଭା କାର୍ଯ ଆରମ୍ଭ କରା ଯାଇଥିଲା। ଆଗଲପୁର ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ଦିଲୀପ ବେହେରା ଓ ଗୁଡ଼ିମୁଣ୍ଡା ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ଶୁକ୍ରୁ ଧାରୁଆ ମଞ୍ଚ ପରିଚାଳନା କରିଥିଲେ। ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବରେ ଆଗଲପୁର ବିଜ୍ଞାନ ମହା ବିଦ୍ୟାଳୟ ର ଇଂରାଜୀ ଅଧ୍ୟାପକ ଶ୍ରୀ ରାଜେଶ୍ ରାଏ ଯୋଗ ଦେଇଥିଲେ। ଓ ଆଗଲପୁର ଉଚ୍ଚ ପ୍ରାଥମିକ ବିଦ୍ୟାଳୟ ପରିଚାଳନା କମିଟି ର ସଭାପତି ଶିବାନୀ ମେହେର ଯୋଗ ଦେଇଥିଲେ। ଛାତ୍ର ସଂସଦ ଙ୍କ ଦ୍ଵାରା ବିଭିନ୍ନ ପ୍ରତିଯୋଗିତା କରା ଯାଇଥିଲା। ପ୍ରତିଯୋଗିତା ରେ ବିଜୟୀ ହୋଇଥିବା ଛାତ୍ର ଛାତ୍ରୀ ଙ୍କୁ ପ୍ରଥମ ଦ୍ଵିତୀୟ ଓ ତୃତୀୟ ପୁରସ୍କାର ଡିଆ ଯାଇଥିଲା। ମାନପତ୍ର ଓ ଟ୍ରଫି ଦେଈ ଛାତ୍ର ଛାତ୍ରୀ ଙ୍କୁ ପୁରସ୍କୃତ କରା ଯାଇଛି।

ଛତ୍ର ଛାତ୍ରୀ ମାନଙ୍କ ଦ୍ଵାରା ସଙ୍ଗୀତ ଓ ନୃତ୍ତ ପ୍ରତିଯୋଗିତା ଅନୁଷ୍ଠିତ ହୋଇଛି। ବହୁ ସୁନ୍ଦର ଭାବରେ ଛାତ୍ର ଛାତ୍ରୀ ନିଜ ନିଜ ପ୍ରତିଭା ଦେଖାଇଥିଲେ l ଶେଷରେ ଉଦଯାପନୀ ଉତ୍ସବ ରେ ମୁଖ୍ୟ ଅତିଥି ଭାବରେ ଆଗଲପୁର ଥାନା ଅଧିକାରୀ ଶ୍ରୀ ସୁମିତ ଫିରୋଜ ଏକ୍କା ଯୋଗ ଦେଇଥିଲେ l ତାଙ୍କ ସହିତ ଆଗଲପୁର ଫାୟାର ଅଧିକାରୀ ଶ୍ରୀ ଲକ୍ଷ୍ମଣ ପଧାନ୍ ମଧ୍ୟ ଯୋଗ ଦେଇଥିଲେ l ମୁଖ୍ୟ ଅତିଥି ମାନେ ଛାତ୍ର ଛାତ୍ରୀ ଙ୍କୁ ପୁରସ୍କାର ବିତରଣ କରିଥିଲେ। କ୍ଲଷ୍ଟ୍ରର ର ସମସ୍ତ ବିଦ୍ୟାଳୟ ର ଶିକ୍ଷକ ଭାବେ ଉପସ୍ଥିତ ରହି ସାହାଯ୍ୟ ଓ ସହଯୋଗ କରିଥିଲେ। କାର୍ଯକ୍ରମ ଶେଷରେ ପ୍ରଧାନ ଶିକ୍ଷକ ଶ୍ରୀ ଦିଲୀପ ବେହେରା ଓ ସୁକ୍ରୁ ଧାରୁଆ ଧନ୍ୟବାଦ୍ ଅର୍ପଣ କରିଥିଲେ l