12-Oct-2026

ଟିଟିଲାଗଡ(ପ୍ରେରଣା ଖବର)-  ଏବେ ଚାଲିଛି ଜଗତ ଜନନୀ ମା ଦୁର୍ଗାଙ୍କ ନବରାତ୍ରୀ ପୂଜା। ତେବେ ଏହି ପରିପ୍ରେକ୍ଷୀରେ ନୂତନ ଜନ୍ମିତ ଶିଶୁ ମାନଙ୍କୁ ଲାୟନ୍ସ କ୍ଲବ ତରଫରୁ ଏକ ଉପହାର କିଟ ପ୍ରଦାନ କରାଯାଇଛି। ସୋମବାର ଦିନ ସନ୍ଧ୍ୟାରେ ଟିଟିଲାଗଡ ଲାୟନ୍ସ କ୍ଲବ୍ ତରଫରୁ ସ୍ଥାନୀୟ ମାତୃ ଓ ଶିଶୁ ମଙ୍ଗଳ ଡାକ୍ତରଖାନା ପରିସରରେ ନବଜାତ ଶିଶୁମାନଙ୍କ ପାଇଁ ଏକ 'କିଲକାରୀ କିଟ୍' ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। 
​କ୍ଲବ୍‌ର ମୂଳମନ୍ତ୍ର"ଆମେ ସେବା କରୁ ଆଗେଇ ନେଇ ଏହି ମହତ ସେବା କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏହି ଅବସରରେ ଡାକ୍ତରଖାନାରେ ଜନ୍ମିତ ନବଜାତ ଶିଶୁ ଓ ସେମାନଙ୍କ ମାଆମାନଙ୍କୁ ଆବଶ୍ୟକୀୟ ଶିଶୁ ସୁରକ୍ଷା ସାମଗ୍ରୀ ତଥା କିଲକାରୀ କିଟ୍ ପ୍ରଦାନ କରାଯାଇଛି। ଏହି କାର୍ଯ୍ୟକ୍ରମରେ ଟିଟିଲାଗଡ ଉପଖଣ୍ଡ ଚିକିତ୍ସାଳୟର ଏସ ଡି ଏମ ଓ ଶ୍ରୀମତୀ କିରଣମୟୀ ପଣ୍ଡା, ଲାୟନ୍ସ କ୍ଲବ୍‌ର ସମ୍ପାଦକ ଆବାସ ଖାଁ, କୋଷାଧକ୍ଷ ଶ୍ରୀରାମ ଅଗ୍ରୱାଲ, କ୍ଲବର ମାର୍କେଟିଙ୍ଗ ଚେୟାରପର୍ସନ ଲାୟନ ସଞ୍ଜୟ କୁମାର ନାୟକ, ଲାୟନ ଅଜିତ ପାତ୍ର, ବିନାୟକ ଦାସ, ଲିଓ ସୁଭଦିପ ସାମନ୍ତ, ସୁଶୀଲ ଗୋଏଲ , ଟିଟିଲାଗଡ ଉପଖଣ୍ଡ ଚିକିତ୍ସାଳୟର ବାପି ବୋଷ ଓ ଅନ୍ୟ କର୍ମଚାରୀ ମାନେ ଉପସ୍ଥିତ ଥିଲେ। ଏହି ସେବା ମନୋଭାବ ସହ ଆଗାମୀ ଦିନରେ ଏଭଳି ଜନହିତକର କାର୍ଯ୍ୟ ଜାରି ରହିବ ବୋଲି ଲାୟନ୍ସ କ୍ଲବ ପକ୍ଷରୁ କୁହାଯାଇଛି।