11-Oct-2026

ବଲାଙ୍ଗୀର (ପ୍ରେରଣା ଖବର): ଇସ୍କନ ମନ୍ଦିରରେ ସିଭିଲ ସୋସାଇଟିର ନୂଆଁଖାଇ ଭେଟଘାଟ♦️ଆଧ୍ୟାତ୍ମିକ ପରିବେଶରେ ଏକାଠି ହେଲେ ଶ୍ରୀକୃଷ୍ଣ ପ୍ରେମୀ
ପଶ୍ଚିମ ଓଡ଼ିଶାର ମହାନ ଗଣପର୍ବ ନୂଆଁଖାଇ। ଏହି ପର୍ବ ଆମ ସଂସ୍କୃତି, ପରମ୍ପରା ଓ ଭାଇଚାରାର ପ୍ରତୀକ। ନୂଆଁଖାଇର ଏହି ମହାନ ପରମ୍ପରାକୁ ଆଧ୍ୟାତ୍ମିକତା ଓ ଆତ୍ମୀୟତାର ସହ ଯୋଡ଼ି ବଲାଙ୍ଗିର ସହରସ୍ଥିତ ଇସ୍କନ ମନ୍ଦିର ପରିସରରେ ସିଭିଲ ସୋସାଇଟି ପକ୍ଷରୁ ଆୟୋଜିତ ହୋଇଯାଇଛି ନୂଆଁଖାଇ ଭେଟଘାଟ।ବଲାଙ୍ଗିର ଇସ୍କନ ସୋସାଇଟୀ ର ମହାପ୍ରବନ୍ଧକ ଦିନାନାଥ ସଚିପୁତ୍ର ଦାସ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କାର୍ଯ୍ୟକ୍ରମ ସୁପରିଚାଳନା ହୋଇଥିଲା।
ପୂର୍ବତନ ଶିକ୍ଷକ ତଥା ସିଭିଲ ସୋସାଇଟିର ଆବାହକ

 ମନୋରଞ୍ଜନ ସାହୁଙ୍କ ଆବାହକତ୍ୱରେ ଆୟୋଜିତ ଏହି ଭେଟଘାଟରେ ଶତାଧିକ ଶ୍ରୀକୃଷ୍ଣ ପ୍ରେମୀ ଯୋଗଦେଇଥିଲେ। ଭକ୍ତିମୟ ଓ ଆଧ୍ୟାତ୍ମିକ ପରିବେଶ ମଧ୍ୟରେ ଆୟୋଜିତ ଏହି ମହାମିଳନରେ ନୂଆଁଖାଇର ଶୁଭେଚ୍ଛା ବିନିମୟ ସହ ସାମାଜିକ ଏକତା, ସଦ୍‌ଭାବ ଓ ଭାଇଚାରାର ଭାବନା ପ୍ରତିଫଳିତ ହୋଇଥିଲା।
କାର୍ଯ୍ୟକ୍ରମରେ ନିମନ୍ତ୍ରିତ ଅତିଥି ଭାବେ ଡାକ୍ତର ପ୍ରଫେସର ଦତ୍ତେଶ୍ୱର ହୋତା, ସଭାପତି ଇଞ୍ଜିନିୟର ବେଲାର ସିଂ ଭୋଇ, ଧର୍ମବ୍ରତ ରଥ, ନରେନ୍ଦ୍ର ନାଥ ମିଶ୍ର, ସ୍ୱରୂପା ଠାକୁର,ଦିବାକର ହୋତା,ରବିନାରାୟଣ ସାହୁ,ପ୍ରସନ୍ନ ମିଶ୍ର,ମନୋରଞ୍ଜନ ପୁରୋହିତ, ଦୁର୍ବାଦଳ

ମହାକୁର,ଜ୍ଞାନରଞ୍ଜନ ପଣ୍ଡା,ସୁବୋଧ ନାଗ,ସୁବାସ ଶତପଥୀ,ମହେନ୍ଦ୍ର କୁମାର ଦର୍ଜୀ,ରଘୁନନ୍ଦନ ସିଂ,ଡାକ୍ତର ଅଶୋକ ସେଠୀ,ଅରୁଣ କୁମାର ନାଥ,ଦିନେଶ ଦାସ, ବିଶ୍ୱନାଥ ତ୍ରିପାଠୀ, ମନୋଜ ଜୈନ,ପବନ ସୋନି ଓ ଲଲିନ୍ଦ୍ର ବେହେରା ପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ସକ୍ରିୟ କରିଥିଲେ । ଏହି ଅବସରରେ ସ୍ୱାସ୍ଥ୍ୟ ସେବାରେ ବିଶେଷ ଅବଦାନ ପାଇଁ ଡ. ଦତ୍ତ୍ୱେଶ୍ୱର ହୋତା ଙ୍କୁ ବଲାଙ୍ଗୀର ଜିଲ୍ଲା ସିଭିଲ ସୋସାଇଟି ପକ୍ଷରୁ ମୁମେଣ୍ଟେ। ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା।
ଶେଷରେ ସିଭିଲ ସୋସାଇଟିର ବରିଷ୍ଠ ସଭ୍ୟ  ମନୋରଞ୍ଜନ ମିଶ୍ର ଧନ୍ୟବାଦ ଅର୍ପଣ କରିଥିଲେ।
ନୂଆଁଖାଇର ମହକ ସହ ଶ୍ରୀକୃଷ୍ଣଙ୍କ ଭକ୍ତିଭାବର ଏହି ମିଳନ ସମାଜରେ ଆଧ୍ୟାତ୍ମିକ ଚେତନା, ଆତ୍ମୀୟତା ଓ ସାମାଜିକ ସଦ୍‌ଭାବକୁ ଆହୁରି ସୁଦୃଢ଼ କରିବାର ଏକ ସୁନ୍ଦର ବାର୍ତ୍ତା ଦେଇଥିଲା।