08-Oct-2026

ଟିଟିଲାଗଡ଼(ପ୍ରେରଣା ଖବର):ପିପଲପଦର ସ୍ଥିତ ଉପଖଣ୍ଡ ସ୍ତରୀୟ ସରକାରୀ ଡାକ୍ତରଖାନାର ସମ୍ମିଳନୀ କକ୍ଷରେ ଟିବି ମୁକ୍ତ ଭାରତ ଅଭିଯାନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଟିଟିଲାଗଡ ବିଧାୟକ ଶ୍ରୀଯୁକ୍ତ ନବୀନ ଜୈନ ଯୋଗ ଦେଇଥିଲେ। ଟିଟିଲାଗଡ ନିର୍ବାଚନ ମଣ୍ଡଳୀର ତିନି ଗୋଟି ବ୍ଲକ ଗୁଡଭେଲା , ସଇଁତଲା ଓ ଟିଟିଲାଗଡ଼ର ୧୧ ଟି ପଞ୍ଚଯାତ ଟିବି ମୁକ୍ତ ଅଟେ ,ଯକ୍ଷ୍ମା ଭଳି ଗୁରୁତର ରୋଗକୁ ମୂଳୋତ୍ପାଟନ କରିବା ସହ ପ୍ରତ୍ୟେକ ଲୋକଙ୍କ ପାଖରେ ଉତ୍ତମ ସ୍ୱାସ୍ଥ୍ୟସେବା ପହଞ୍ଚାଇବା ଦିଗରେ ଏଭଳି ପଦକ୍ଷେପ ଏକ ଦୃଢ଼ ଏବଂ ସ୍ୱାଗତଯୋଗ୍ୟ ପ୍ରୟାସ।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଜୀଙ୍କ “ସ୍ୱସ୍ଥ ଭାରତ”ର ସଂକଳ୍ପକୁ ସାକାର କରିବା ପାଇଁ ଆମେ ସମସ୍ତେ ମିଳିତ ଭାବେ ଆଗେଇବା ଏଵଂ ଜନସାଧାରଣଙ୍କ ସ୍ୱାସ୍ଥ୍ୟ, ସୁରକ୍ଷା ଓ କଲ୍ୟାଣ ହିଁ ଆମର ଲକ୍ଷ୍ୟ ବୋଲି କହିଛନ୍ତି ବିଧାୟକ ଶ୍ରୀଯୁକ୍ତ ନବୀନ ଜୈନ। ଏହି କାର୍ଯ୍ୟକ୍ରମରେ ଏସଡିଏମଓ ଇନ ଚାର୍ଜ ତଥା ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ଡାକ୍ତର ବଳରାମ ସାହୁ, ନିଶ୍ଚେତକ ବିଶେଷଜ୍ଞ ଡାକ୍ତର ଓଁକାର ହୋତା, ମେଡିକାଲ ଅଫିସର ଡାକ୍ତର ରଞ୍ଜିତ ରାଉତ , ହସ୍ପିଟାଲ ମ୍ୟାନେଜର ଅର୍ପିତା ବେହେରା ଓ ଡାକ୍ତରଖାନାର ସମସ୍ତ କର୍ମଚାରି ମାନେ ଉପସ୍ଥିତ ଥିଲେ।