04-Oct-2026

ଲୋଇସିଂହା, (ବିନୋଦ ଦୀପ) ଆଜି ଜିଲ୍ଲାସ୍ତରୀୟ ଫୁଟବଲ ଚାମ୍ପିୟନଶିପ୍‌ର ଅନ୍ତିମ ଦିବସ ତଥା ଉଦ୍‌ଯାପନୀ ଉତ୍ସବ ଅନୁଷ୍ଠିତ ହୋଇଯାଇଛି। ଅନ୍ତିମ ଦିବସରେ ଦୁଇଟି ବର୍ଗର ଫାଇନାଲ ମ୍ୟାଚ୍ ଖେଳାଯାଇଥିଲା l ପ୍ରଥମ ଫାଇନାଲ ମ୍ୟାଚ୍‌ରେ ୧୪ ବର୍ଷରୁ କମ୍ ବାଳକ ବିଭାଗରେ ଲୋଇସିଂହା ବ୍ଲକ ବଙ୍ଗୋମୁଣ୍ଡା ବ୍ଲକକୁ ପରାସ୍ତ କରି ଚାମ୍ପିୟନ ହୋଇଥିଲା। ସେହିପରି ଦ୍ୱିତୀୟ ଫାଇନାଲ ମ୍ୟାଚ୍‌ରେ ୧୭ ବର୍ଷରୁ କମ୍ ବାଳକ ବିଭାଗରେ ଲୋଇସିଂହା ବ୍ଲକ ଦେଓଗାଁ ବ୍ଲକକୁ ପରାସ୍ତ କରି ଚାମ୍ପିୟନ ହୋଇଥିଲା l ଏହା ପୂର୍ବରୁ ଅନୁଷ୍ଠିତ ୧୭ ବର୍ଷରୁ କମ୍ ବାଳିକା ବିଭାଗର ଫାଇନାଲ ମ୍ୟାଚ୍‌ରେ ଟିଟିଲାଗଡ଼ ବ୍ଲକ ବଙ୍ଗୋମୁଣ୍ଡା ବ୍ଲକକୁ ପରାସ୍ତ କରି ଚାମ୍ପିୟନ ହୋଇଥିଲା l ଉଦ୍‌ଯାପନୀ ଉତ୍ସବରେ ଲୋଇସିଂହା ତହସିଲଦାର ଶ୍ରୀ ଟିକୁନୁ ପୁଟା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ସୁଶ୍ରୀ ରୀନା କୁମାରୀ ବେହେରା ସଭାପତିତ୍ୱ କରିଥିବା ବେଳେ ଜିଲ୍ଲା ଶିକ୍ଷା କ୍ରୀଡ଼ା ସମ୍ପାଦିକା ଶ୍ରୀମତୀ ରଞ୍ଜିତା ମିଶ୍ର , ବ୍ଲକ କ୍ରୀଡ଼ା ସମ୍ପାଦିକା ଶ୍ରୀମତୀ ବିଦ୍ୟୁତ ପ୍ରଭା ମିଶ୍ର, ଶିଶୁ ବିଦ୍ୟାମନ୍ଦିର ର ପ୍ରଧାନଶିକ୍ଷକ ଶ୍ରୀଯୁକ୍ତ ଶିବପ୍ରସାଦ ବାରିକ, ହରେକୃଷ୍ଣ ମହତାବ ଉଚ୍ଚ ବିଦ୍ୟାଳୟ ର ପ୍ରଧାନଶିକ୍ଷକ ଶ୍ରୀଯୁକ୍ତ ସର୍ଜନ ନେଗୀ, ବାଳିକା ଉଚ୍ଚ ବିଦ୍ୟାଳୟ ର ପ୍ରଧାନଶିକ୍ଷକ ଶ୍ରୀଯୁକ୍ତ ସଦାନନ୍ଦ ଭୋଇ, ଜିଲ୍ଲା ଫୁଟବଲ କୋଚ୍ ପରାଶର ବାଗ, ସଭାପତି ଟ୍ରଷ୍ଟ ବୋର୍ଡ ଲୋଇସିଂହା ଷ୍ଟାଡିୟମ ଦିଲୀପ କୁମାର ବେହେରା, ଲୋଇସିଂହା ଥାନା ଅଧିକାରୀ ସିପୋରାସରାୟା ଲୁଗୁନ,ଯୋଗୀସର୍ଡା ହରିହର ଉଚ୍ଚ ବିଦ୍ୟାଳୟ ର ପ୍ରଧାନଶିକ୍ଷକ ଶ୍ରୀଯୁକ୍ତ ଡୋଳାମଣି ସାହୁ, ସହ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ରୁଦ୍ରଦେବ ଷଡ଼ଙ୍ଗୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଚମ୍ପିୟାନ ଦଳ ଓ ରନର୍ ଅପ୍ ଦଳ ଗୁଡ଼ିକୁ ଟ୍ରଫି ଓ ପ୍ରମାଣ ପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ତିନିଦିନ ଧରି ଚାଳିଥିବା ଏହି କାର୍ଯ୍ୟକ୍ରମ ରେ ମୋଟ ୪୫୦ ଜଣ ଖେଳାଳି,୫୦ ଜଣ ଟିମ୍ ମ୍ୟାନେଜର ଓ ୩୪ ଜଣ ଜିଲ୍ଲା ସ୍ତରୀୟ କର୍ମ କର୍ତ୍ତା ଯୋଗ ଦେଇ ଥିଲେ।ମଞ୍ଚ ପରିଚାଳନା କରିଥିଲେ ଶ୍ରୀଯୁକ୍ତ ପର୍ଶୁରାମ ସୁନା,ଵିଷନୁପ୍ରସାଦ ମିଶ୍ର, ଶାନ୍ତି ଲାଳ ନନ୍ଦ,ଓ ଜନତା ନାଗ। କାର୍ଯ୍ୟକ୍ରମ ପରିଚାଳନା ରେ ବ୍ଲକ ର ସମସ୍ତ ସିଆରସିସି, ପ୍ରଧାନଶିକ୍ଷକ, ସହକାରୀ ଶିକ୍ଷକ/ଶିକ୍ଷୟିତ୍ରୀ,ଖେଳ ଶିକ୍ଷକ, ଛାତ୍ର ଛାତ୍ରୀ, ବୁଦ୍ଧିଜୀବୀ, ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ର ସମସ୍ତ କର୍ମଚାରୀ, ସହଯୋଗ କରିଥିଲେ। ଉଦଯାପନୀ ଉତ୍ସବରେ ଶ୍ରୀଯୁକ୍ତ ଡୋଳାମଣି ସାହୁ ଧନ୍ୟବାଦ ଅର୍ପଣ କରିଥିଲେ l