18-Sep-2026

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ବାବୁପାଲି ପଞ୍ଚାୟତ ଅଧୀନ ବାଗଡିଆ ଗାଁରେ ମହାଆଡମ୍ବର ପୂର୍ଣ୍ଣ ଓ ଭକ୍ତିମୟ ପରିବେଶରେ ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା ପାଳିତ ହୋଇଛି। ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଗାଁବାସୀଙ୍କ ପକ୍ଷରୁ ଧୁମଧାମରେ ଏହି ପୂଜାର ଆୟୋଜନ କରାଯାଇଥିଲା।
ପାରମ୍ପରିକ ରୀତିନୀତି ଓ ବିଧିବିଧାନ ଅନୁସାରେ ପୂଜାର୍ଚ୍ଚନା କରାଯାଇଥିବା ବେଳେ ଏଥିରେ ପୂଜକ ଭାବେ ଲଳିତ ମିଶ୍ର ଏବଂ ପୂଜା କର୍ତ୍ତା ଭାବେ ଗଣେଶ୍ୱର ରାୟ ଦାୟିତ୍ୱ ତୁଲାଇଥିଲେ।
ବିଶ୍ୱକର୍ମା ପୂଜାକୁ ସଫଳ କରିବାରେ ରୁବୁଲ କୁମାର ବାରିକ,ରାକେଶ କୁମାର ବାରିକ,ନରେନ୍ଦ୍ର ପାଣ୍ଡେ,ଅଶ୍ୱିନୀ ବାରିକ,ମିଥୁନ ବାରିକ,ବ୍ୟାସଦେବ ରାୟ, ଭୀମସେନ ଭୁଏ,ଆଲୋକ ଭୁଏ, ଜିତେନ୍ଦ୍ର ରାୟ,ଉତ୍ତମ ବାରିକ, ବୃନ୍ଦାବନ ବାରିକ,ବବୁଲୁ ପାଣ୍ଡେ, ପିଣ୍ଟୁ ପାଣ୍ଡେ,ଶ୍ୟାମ ପାଣ୍ଡେ, ଋଷୁବ ଭୋଏ,ଜୟନ୍ତ ସେଠ, ମିଳନ ବାରିକ,ଭକ୍ତ ରାୟ, ରବୀନ୍ଦ୍ର ବାରିକ,କୀର୍ତ୍ତନ ବାରିକ ଓ ଜଗବନ୍ଧୁ ରାୟ,ସରୋଜ ପୋଡ଼ଙ୍କ ସମେତ ଗାଁବାସୀ ସହଯୋଗ କରିଥିଲେ।
ପୂଜା ଅବସରରେ ଗାଁବାସୀଙ୍କ ପାଇଁ ପୂଜା କମିଟି ପକ୍ଷରୁ ପ୍ରସାଦ ସେବନର ବ୍ୟବସ୍ଥା ମଧ୍ୟ କରାଯାଇଥିଲା। ଚଳିତ ବର୍ଷ ବାଗଡିଆ ଗାଁରେ ବିଶ୍ୱକର୍ମା ପୂଜାକୁ ପାଞ୍ଚ ବର୍ଷ ପୂରଣ ହୋଇଥିବାରୁ ଉତ୍ସବକୁ ନେଇ ଗାଁବାସୀଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଥିଲା।
ଲୋକଙ୍କ ମନୋରଞ୍ଜନ ପାଇଁ ଛୋଟ ଛୋଟ ପିଲାମାନଙ୍କ ଦ୍ୱାରା ଗୀତ ଓ ନୃତ୍ୟ ପରିବେଷଣର ଆୟୋଜନ କରାଯାଇଥିଲା। ପିଲାମାନଙ୍କ ଚମତ୍କାର ପରିବେଷଣ ଉପସ୍ଥିତ ଦର୍ଶକଙ୍କ ମନ ମୋହିଥିଲା।
ଭକ୍ତି,ଉତ୍ସାହ ଓ ଭାଇଚାରାର ପରିବେଶ ମଧ୍ୟରେ ବାଗଡିଆ ଗାଁରେ ବିଶ୍ୱକର୍ମା ପୂଜା ହୋଇଥିବା ବେଳେ ଆଗାମୀ ଦିନରେ ମଧ୍ୟ ଏହି ପରମ୍ପରାକୁ ଆହୁରି ଧୁମଧାମରେ ପାଳନ କରାଯିବ ବୋଲି ଗାଁବାସୀ ଆଶା ପ୍ରକାଶ କରିଛନ୍ତି।ସେହିପରି ବ୍ଲକର ବିଭିନ୍ନ ସ୍ଥାନରେ ଦେବଶିଳ୍ପୀଙ୍କ ପୂଜା ମହାସମାରୋହରେ ପାଳିତ ହୋଇଯାଇଛି।