11-Sep-2026

(ହିମାଂଶୁ ଶେଖର ପୁଟେଲ )
ଜିଲ୍ଲାରେ ଏକ ସ୍ୱତନ୍ତ୍ର ଟିମ ଗଠନ କରି ବିଭିନ୍ନ ଜାଗା ରେ ଚଢ଼ାଉ କରାଯାଇଛି।  ସୁବର୍ଣ୍ଣପୁର ବସଷ୍ଟାଣ୍ଡ,ବଜାର ଜନଗହଳି ପୂର୍ଣ୍ଣ ସ୍ଥାନ  ଏବଂ ଉଲୁଣ୍ଡା ସହରର ଭିକ୍ଷା ବୃତ୍ତି  କରୁଥିବା ଶିଶୁ ,ଶିଶୁ ଶ୍ରମିକ ଭାବେ କାମ କରୁଥିବା ପ୍ରାୟ ୮ ଜଣ ଶିଶୁଙ୍କୁ ଉଦ୍ଧାର କରିଥିବା ସୂଚନା ମିଳିଛି ।ମିଳିଥିବା ଖବର ଅନୁସାରେ ଜିଲ୍ଲା ଚାଇଲ୍ଡ ହେଲ୍ପ ଲାଇନ,ଶିଶୁ କଲ୍ୟାଣ ସମିତି, ଜିଲ୍ଲା ଶିଶୁ ସୁରକ୍ଷା କାର୍ଯ୍ୟାଳୟ, ଶ୍ରମ ବିଭାଗ,ପୋଲିସ ବିଭାଗ ସୁବର୍ଣ୍ଣପୁର ଏବଂ ରୁଚିକା ଏନଜିଓର ସଦସ୍ୟମାନେ ମିଳିତ ଭାବେ ଏହି ଅଭିଯାନ କରିଥିଲେ। ଉଦ୍ଧାର ହୋଇଥିବା ଶିଶୁ ମାନଙ୍କୁ  ଶିଶୁ କଲ୍ୟାଣ ସମିତି (CWC) ନିକଟରେ ହସ୍ତାନ୍ତର କରାଯାଇଛି।
ଶିଶୁମାନଙ୍କୁ ପାଠ ପଢା,ସ୍ୱାସ୍ଥ୍ୟ ସୁରକ୍ଷା ଏବଂ ତାଙ୍କ ଥଇଥାନ ପାଇଁ ବ୍ୟବସ୍ଥା କରାଯିବ ବୋଲି ସ୍ୱତନ୍ତ୍ର ଟିମ୍ ସୂଚନା ଦେଇଛନ୍ତି ।
ତେବେ ଆଖପାଖରେ ଯଦି କେହି ଶିଶୁ ଶ୍ରମିକ,ଶିଶୁ ଭିକ୍ଷାବୃତ୍ତି,ଶିଶୁ ବାହାଘର,ଶିଶୁ ପରିତ୍ୟକ୍ତା  ଦେଖନ୍ତି  ତେବେ 1098 ନମ୍ବରରେ କଲ୍ କରିବା ପାଇଁ ମଧ୍ୟ ଜିଲ୍ଲା ପ୍ରକଳ୍ପ ସଂଯୋଜକ ସୁଜିତ୍ କୁମାର ମିଶ୍ର ଚାଇଲ୍ଡ ହେଲ୍ପ ଲାଇନ ତରଫରୁ ସୂଚନା ଦେଇଛନ୍ତି l
ଏହି ମିଳିତ ଅଭିଜାନ ରେ ଲୀନା ବାବୁ ଅଧ୍ୟକ୍ଷା ଶିଶୁକଲ୍ୟାଣ ସମିତି,ସୁଜିତ୍ କୁମାର ମିଶ୍ର ଜିଲ୍ଲା ପ୍ରକଳ୍ପ ସଂଯୋଜକ ଜିଲ୍ଲା ଚାଇଲ୍ଡ ହେଲ୍ପ ଲାଇନ ସୁଧୀର କୁମାର ଦାସ ଜିଲ୍ଲା ଚାଇଲ୍ଡ ହେଲ୍ପ ଲାଇନ,ଚତୁର୍ଭୁଜ ଦାସ , ଜିଲ୍ଲା ଶିଶୁସୁରକ୍ଷା ଅଧିକାରୀ, ପ୍ରଶାନ୍ତ ମହାକୁଡ଼ ପରାମର୍ଶ ଦାତା,ଥବିର କାଲସେ ସାମାଜିକ କର୍ମକର୍ତା,ଜିତେନ୍ଦ୍ର ମଣ୍ଡଳ ସାମାଜିକ କର୍ମୀ ଜିଲ୍ଲା ଶିଶୁ ସୁରକ୍ଷା କାର୍ଯ୍ୟାଳୟ,କେଦାର ସିଂ ବରିହା ଜିଲ୍ଲା ଶ୍ରମ ଅଧିକାରୀ,ଜିଲ୍ଲା ଶ୍ରମ କାର୍ଯ୍ୟାଳୟ ସୁବର୍ଣ୍ଣପୁର,ତଟଣି ବିଶ୍ୱାଳ ସଂଯୋଜିକା ରୁଚିକା ଏବଂ ରଙ୍କିନା ସ୍ୱାଇଁ ସଦସ୍ୟା ରୁଚିକା ପ୍ରମୁଖ ସହଯୋଗ କରିଥିଲେ।