18-May-2026

କଟକ(ତପନ ମହାନ୍ତି) : ସହର ଏବଂ ଏହାର ଉପକଣ୍ଠରେ ଅଘୋଷିତ ବିଦ୍ୟୁତ୍ କାଟ କରାଯାଉଛି। ଦିନ ରାତି ଯେତେବେଳେ ଇଚ୍ଛା ସେତେବେଳେ ବିଜୁଳି ଚାଲି ଯାଉଛି। ବର୍ଷା ଆସିବା ପୂର୍ବରୁ ଓ ପରେ ଘଣ୍ଟା ଘଣ୍ଟା ବିଜୁଳି ଯୋଗାଣ ବିଚ୍ଛିନ୍ନ ହେଉଛି। ଏପରିକି କୌଣସି କାରଣ ନଥାଇ ବି ବିଜୁଳି କାଟି ଦିଆଯାଉଥ‌ିବା ଅଭିଯୋଗ ହୋଇଛି। ଏ ସଂକ୍ରାନ୍ତ ବିଭାଗୀୟ ଅଧିକାରୀଙ୍କୁ ଅଭିଯୋଗ କଲେ ବି ସମସ୍ୟାର ସମାଧାନ ହୋଇପାରୁନାହିଁ । ଏଥିଯୋଗୁଁ ସାଧାରଣରେ ଅସନ୍ତୋଷ ବଢ଼ିବାରେ ଲାଗିଛି। ରାଜ୍ୟ ସରକାର ବିନା କାରଣରେ ବିଜୁଳି କାଟିବାକୁ ମନା କରିଛନ୍ତି। ଏହାସତ୍ତ୍ବେ ସରକାରୀ ନିର୍ଦେଶକୁ ଦାୟିତ୍ୱରେ ଥ‌ିବା ବିଦ୍ୟୁତ୍ ବିଭାଗ ଅଧିକାରୀ ମାନୁ ନାହାନ୍ତି।

କଟକ ମହାନଗର ନିଗମ (ସିଏମସି) ଅଞ୍ଚଳରେ ଏଭଳି ଅଭିଯୋଗ ଆସିଛି। କଟକ ସଦର ଅନ୍ତର୍ଗତ ୫୬, ୫୭, ୫୮ ଏବଂ ୫୯ ନମ୍ବର ୱାର୍ଡରେ ସବୁଠାରୁ ଅଧୂକ ସମୟ ବିଦ୍ୟୁତ୍ କାଟ୍ ହେଉଛି। ଗୋପାଳପୁର, ଉରାଳି, ଡାହାଳିଆବାଗ, ଉତ୍ତମାପୁର, ଭାଣପୁର, ଶ୍ରୀକୋରୁଆଁ, ପ୍ରତାପନଗରୀ ଅଞ୍ଚଳରେ ବିଦ୍ୟୁତ୍ର ଲୁଚକାଳି ଯୋଗୁଁ ଉପଭୋକ୍ତାଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି । ଖରାରେ ପ୍ରକୋପ ବୃଦ୍ଧି ପାଉଥିବାବେଳେ ପ୍ରବଳ ଗୁଳୁଗୁଳି ଅନୁଭୂତ ହେଉଛି। ତାପମାତ୍ରା ପ୍ରାୟ ୪୦ ଡିଗ୍ରୀ ଉପରେ ଥ‌ିବା ସମୟରେ ବିଦ୍ୟୁତ୍ କାଟ ଜନଜୀବନକୁ ଅସ୍ତବ୍ୟସ୍ତ କରିଦେଉଛି। ସେହିଭଳି ଜଗତପୁର, ଇମାମନଗର ଆଦି ଅଞ୍ଚଳରେ ବି ଲୋକମାନେ ବିଦ୍ୟୁତ୍ କାଟ ଅଭିଯୋଗ

କରୁଛନ୍ତି। ବର୍ଷା ହେଲା ପରେ ଦୁଇ ୩ ଘଣ୍ଟା ଲାଇନ କଟି ଯାଉଛି। କଟକ ସହରରେ ବି ସମାନ ସମସ୍ୟା ଦେଖ‌ିବାକୁ ମିଳୁଛି। ଏପରିକି ରକ୍ଷଣାବେକ୍ଷଣ ନାଁରେ ଘଣ୍ଟାଘଣ୍ଟା ବିଜୁଳି କାଟ ହେଉଛି। ଏ ନେଇ 
କଟକ ସଦରବାସୀଙ୍କ ମଧ୍ଯରେ ବଢୁଛି ଅସନ୍ତୋଷ

ଅନେକ ସମୟରେ ଲୋ ଭୋଲ୍‌ଟେଜ, ଅଭିଯୋଗ କଲେ ବି ସମାଧାନ ହେଉନି

 ଟା ଟା ପାୱାର ପକ୍ଷରୁ ଜାରି ଟୋଲ ଫ୍ରି ନମ୍ବରକୁ ଫୋନ୍ କଲେ ଅଭିଯୋଗ ପଞ୍ଜୀକରଣ ବଦଳରେ ଲୋକଙ୍କୁ ବହୁ ସମୟଧରି ଲାଇନ୍‌ରେ ରହିବାକୁ ଅନୁରୋଧ କରୁଛନ୍ତି। କିଛି ସମୟ ଲାଇନ୍‌ରେ ରହିବାପରେ ଟେଲିଫୋନ୍ ଛାଏଁ କଟିଯାଉଛି। ଅନ୍ୟପକ୍ଷରେ

ସହରରେ ଲୋ-ଭୋଲ୍ଟେଜ ମଧ୍ୟ ଆଉ ଏକ ପ୍ରମୁଖ ସମସ୍ୟା ଭାବେ ଉଭା ହୋଇଛି।

ସିଡିଏ ସମେତ ଶଙ୍କରପୁର, ନୂଆ ବଜାର, ଯୋବ୍ରା, ରାଣୀହାଟ ଆଦି ବହୁ ଅଞ୍ଚଳରେ ଲୋ ଭୋଲ୍ଟେଜ ସମସ୍ୟ

ଦେଖାଦେଇଛି। ଟିପିସିଓଡି ଏଲର ସାମାଜିକ ଗଣମାଧ୍ୟମ ‘ଏକ୍ସ’ରେ ଅସୁବିଧା ବିଷୟରେ ଲୋକମାନେ ଜଣାଇଲେ, ସମସ୍ୟାର ସମାଧାନ ତୁରନ୍ତ ହୋଇଯିବ କୁହାଯାଉଛି; କିନ୍ତୁ ବାସ୍ତବରେ ଏହି ସମସ୍ୟା ଦୂର ହୋଇପାରୁନଥିବା ଅଭିଯୋଗ ହୋଇଛି।