03-Jan-2026

 ବୀରମହାରାଜପୁରର(ବିନୋଦ ପାଣ୍ଡେ): ବୀରମହାରାଜ ପୁରର ବିଭିନ୍ନ କ୍ଷେତ୍ରରେ ଅଗ୍ରଗଣ୍ୟ ଅବଦାନ ରଖୁଥ‌ିବା ବିଶିଷ୍ଟ ବ୍ୟକ୍ତିମାନଙ୍କୁ ଭାରତ ସରକାରଙ୍କ ରେଜିଷ୍ଟ୍ରିଭୂକ୍ତ ସଂସ୍ଥା ୱାର୍ଲଡ ଚେରିଟେବଲ ୱେଲଫେୟାର ଫାଉଣ୍ଡେସନ ପକ୍ଷରୁ ଡକ୍ଟରେଟ ଉପାଧି ପ୍ରଦାନ କରାଯାଇଛି। ଏହି ସମ୍ମାନ ସମାରୋହ ଅଞ୍ଚଳବାସୀଙ୍କ ମଧ୍ୟରେ ଗର୍ବ ଓ ଖୁସିର ଆବହା ସୃଷ୍ଟି କରିଛି। ଇଂରାଜୀ ସାହିତ୍ୟ କ୍ଷେତ୍ରରେ ଦୀର୍ଘବର୍ଷର ଅବଦାନ ପାଇଁ ଅଧ୍ୟାପକ ବିଜୟ କୁମାର ପୁରୋହିତ ଓ ଅଧ୍ୟାପକ ସୁଶାନ୍ତ କୁମାର ଦେହୁରୀଙ୍କୁ ଡକ୍ଟରେଟ ଉଉପାଧିରେ ସମ୍ମାନିତ କରାଯାଇଛି। ସେମାନଙ୍କର ଶିକ୍ଷାଦାନ, ଗବେଷଣା ଓ ଛାତ୍ରଛାତ୍ରୀ ଗଢ଼ିବା କାର୍ଯ୍ୟ ସମାଜରେ ପ୍ରଶଂସନୀୟ ରହିଛି। ସମାଜ ସେବା କ୍ଷେତ୍ରରେ ନିର୍ଲୋଭ ଓ ନିଷ୍ଠାପୂର୍ଣ୍ଣ ସେବା ପାଇଁ ଅଧ୍ୟାପକ ଶିବ କୁମାର ପୁରୋହିତଙ୍କୁ ଏହି ସମ୍ମାନ ପ୍ରଦାନ କରାଯାଇଛି। ସେ ଦୀର୍ଘଦିନ ଧରି ସାମାଜିକ ଉନ୍ନତି ଓ ଜନକଲ୍ୟାଣମୂଳକ କାର୍ଯ୍ୟରେ ଜଡିତ ରହିଆସୁଛନ୍ତି। ଅର୍ଥନୀତି କ୍ଷେତ୍ରରେ ଶିକ୍ଷା ଓ ଗବେଷଣା

ମାଧ୍ୟମରେ ଗୁରୁତ୍ବପୂର୍ଣ୍ଣ ଅବଦାନ ପାଇଁ ଅଧ୍ୟାପକ ବାଳମକୁନ୍ଦ ବାରିକଙ୍କୁ ମଧ୍ୟ ଡକ୍ଟରେଟ ଉପାଧୂରେ ସମ୍ମାନିତ କରାଯାଇଛି। ଏହା ସହିତ ଓଡ଼ିଆ ସାହିତ୍ୟ ସୃଜନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ଅବସର ପ୍ରାପ୍ତ ଷ୍ଟେଟ ବ୍ୟାଙ୍କ ମ୍ୟାନେଜର କମ୍ବୁଧର ସୁନା ଓ ଅଧ୍ୟାପକ ଯଜ୍ଞେଶ୍ବର ବିଶିଙ୍କୁ ମଧ୍ୟ ଏହି ଗୌରବ ଜନକ ସମ୍ମାନ ପ୍ରଦାନ କରାଯାଇଛି। ବିଶେଷକରି ଶିକ୍ଷା କ୍ଷେତ୍ରରେ ଅସାଧାରଣ ଅବଦାନ ଥିବାରୁ ଅଧ୍ୟାପକ ବିଶିଙ୍କୁ ସ୍ବତନ୍ନ ଭାବେ 'ବିଶିଷ୍ଟ ଶିକ୍ଷାବିତ' ଭାବରେ ସମ୍ବନ୍ଧିତ କରାଯାଇଛି। ଏହି ସମ୍ମାନ ପାଇଥିବା ବ୍ୟକ୍ତି ମାନଙ୍କ ସଫଳତାରେ ସମଗ୍ର ବୀରମହାରାଜପୁର ଅଞ୍ଚଳରେ ଖୁସିର ଲହରୀ ଖେଳିଯାଇଛି ।