03-Jan-2026

ବଲାଙ୍ଗିର(ପ୍ରେରଣା ଖବର): ବଲାଙ୍ଗୀର ସରକାରୀ ଆୟୁର୍ବେଦ କଲେଜ ଓ ହସପିଟାଲ ପରିସରରେ ଶୁକ୍ରବାର ଏକ ନିଦାନ କେନ୍ଦ୍ର(ସେବା) ଉଦଘାଟିତ ହୋଇଯାଇଛି । ରାଜ୍ୟସରକାରଙ୍କ ସ୍ୱାସ୍ଥ୍ୟମନ୍ତ୍ରୀ ଡ.ମୁକେଶ ମହାଲିଙ୍ଗ ମୁଖ୍ୟଅତିଥି ଭାବରେ ଯୋଗଦେଇ ଏହାକୁ ଉଦଘାଟନ କରିଛନ୍ତି । ପୂର୍ବରୁ କେବଳ ଆଲୋପେଥିକ ଡାକ୍ତରଖାନାରେ ଏହି ପରୀକ୍ଷା ସୁବିଧା ଥିଲା । ଏଣିକି ଆୟୁର୍ବେଦିକ କଲେଜରେ ଖୋଲାଯାଇଥିବା ଏହି ନିଦାନ କେନ୍ଦ୍ର(ସେବା)ରେ ୩୨ ପ୍ରକାର ରକ୍ତ ଓ ଅନ୍ୟାନ୍ୟ ପେଥୋଲୋଜିକାଲ ଟେଷ୍ଟ ହୋଇପାରିବ ବୋଲି ସ୍ୱାସ୍ଥ୍ୟମନ୍ତ୍ରୀ ଡ.ମହାଲିଙ୍ଗ କହିଛନ୍ତି । ଜନପ୍ରୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମୁଖ୍ୟମନ୍ତ୍ରୀ ମୋହନଚରଣ

ମାଝୀ ଲୋକଙ୍କ ସୁବିଧାରେ ଚିକିତ୍ସାସେବା ଉପଲବ୍ଧ କରାଇବାକୁ ଯେଉଁ ମାର୍ଗଦର୍ଶନ ଦେଇଛନ୍ତି ସେହି ଆଧାରରେ ପ୍ରତ୍ୟେକ ଆୟୁର୍ବେଦ କଲେଜ ଓ ହସପିଟାଲରେ ନିଦାନ ସେବାକେନ୍ଦ୍ର ଖୋଲାଯିବ ବୋଲି ସ୍ୱାସ୍ଥ୍ୟମନ୍ତ୍ରୀ ସୂଚନା ଦେଇଛନ୍ତି । ଆୟୁର୍ବେଦ କଲେଜର ଅଧ୍ୟକ୍ଷ ଡ.ମନୋଜକୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉଦଘାଟନୀ କାର୍ଯ୍ୟକ୍ରମରେ କଲେଜର ପ୍ରଫେସର ଡା.ସୀମାଦ୍ରୀ ଭୂଷଣ ନାୟକ,ପ୍ରଫେସର ସରିତା ମହନ୍ତ,ପ୍ର,ଶିବପ୍ରସାଦ ବେହେରା,ଡା.ବୁଦ୍ଧଦେବ

ମିଶ୍ର,ଡା,ଅମ୍ବୁଜକୁମାର ବିଶ୍ୱାଳ,ଆଲୁମ୍ନି ଅସୋସିଏସନର ସଭାପତି ଡା.ବାସୁଦେବ ପତି,ଡା.ବିପିନବିହାରୀ ମିଶ୍ର, ବିଜେପି ନେତା ଗୋପାଳଜୀ ପାଣିଗ୍ରାହୀ,କଲେଜର ଡିଗ୍ରୀ ଓ ପିଜି କ୍ଲାସର ଛାତ୍ରଛାତ୍ରୀମାନେ ଉପସ୍ଥିତ ରହିଥିଲେ । ଏହି ଅବସରରେ ଆସନ୍ତା ଫେବୃୟାରୀମାସରେ ଆୟୋଜିତ ହେବାକୁ ଯାଉଥିବା ବଲାଙ୍ଗୀର ଆୟୁର୍ବେଦିକ ମହାବିଦ୍ୟାଳୟ ର ସୁବର୍ଣ୍ଣଜୟନ୍ତି ପାଳନ ପାଇଁ ମନ୍ତ୍ରୀଙ୍କ ସାଙ୍ଗରେ ଆଲୁମନି ଏସୋସିଏସନର କର୍ମକର୍ତ୍ତା ଆଲୋଚନା କରିଥିଲେ ।