09-Dec-2025

ସିନାପାଲି (ଚିନ୍ତାମଣି ନେତାମ )
ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ  ସିନାପାଲି  ସହର ଠାରେ  ଅବସ୍ଥିତ ରାଜଶ୍ରୀ ପବ୍ଲିକ ସ୍କୁଲ ଠାରେ  ୧୪ ତମ ବିଜ୍ଞାନ କଳା ଓ ହସ୍ତକର୍ମ ପ୍ରଦର୍ଶନୀ ମହାସମାରୋହରେ ଅନୁଷ୍ଠିତ ହୋଇଯାଇଛି  l  ଏହି ଅବସରରେ ଅନୁଷ୍ଠିତ ଉଦ୍ଘାଟନୀ ସଭାରେ ରାଜଶ୍ରୀ ପବ୍ଲିକ ସ୍କୁଲ ର  ଚେୟାରମ୍ୟାନ ଶ୍ରୀଯୁକ୍ତ ରାଜେଶ କୁମାର ଅଗ୍ରୱାଲ  ସଭାପତିତ୍ୱ କରିଥିବାବେଳେ  ମୁଖ୍ୟ ଅତିଥି ଭାବରେ ଓଡିଶା ଆଦର୍ଶ ବିଦ୍ୟାଳୟ ଟିମନପୁର ର ଅଧ୍ୟକ୍ଷ ଶ୍ରୀଯୁକ୍ତ ଶିବୁକୁମାର ବିଶ୍ୱାଳ, ମୁଖ୍ୟ ବକ୍ତା ଭାବରେ  ସରକାରୀ ଉ ପ୍ରା  ବିଦ୍ୟାଳୟ ନୀଳଜିର  ପ୍ରଧାନ ଶିକ୍ଷକ  ଶ୍ରୀଯୁକ୍ତ ସତ୍ୟବ୍ରତ ଗହୀର,  ସମ୍ମାନିତ ଅତିଥି ଭାବରେ ନୀଳଜୀ ଗ୍ରାମ ପଂଚାୟତ ର ସରପଞ୍ଚ ଶ୍ରୀଯୁକ୍ତ ଲକ୍ଷ୍ମଣ ପ୍ରଧାନ ଏବଂ  ପ୍ରକଳ୍ପ ବିଚାରକ ଭାବରେ ଓଡିଶା ଆଦର୍ଶ ବିଦ୍ୟାଳୟ ର ପୋଷ୍ଟ ଗ୍ରେଜୁଏଟ ଶିକ୍ଷୟତ୍ରୀ ରୋଶନି ନାଏକ  ଏବଂ  ବିଜ୍ଞାନ  ଶିକ୍ଷୟିତ୍ରୀ ହେମଲତା  ଚନ୍ଦ୍ରକାନ୍ତ   ଯୋଗଦାନ କରିଥିଲେ l   ସ୍କୁଲର  ଅଧକ୍ଷ ଭାଗ୍ୟବତୀ ପ୍ରଧାନ ଅତିଥି ଗଣଙ୍କୁ  ମଞ୍ଚକୁ ଆମନ୍ତ୍ରଣ କରିବା ସହ ସ୍ୱାଗତ  ଭାଷଣ ପ୍ରଦାନ କରିଥିଲେ  l  ଛାତ୍ରୀମାନେ ଅତିଥିଗଣ ଙ୍କୁ  ଫୁଲ ଗୁଛ, ସିନ୍ଦୁର ଚନ୍ଦନ ଓ  ବ୍ୟାଚ ଦେଇ ସମ୍ମର୍ଦ୍ଧିତ କରିଥିଲେ l ଛାତ୍ରୀମାନେ ହୃଦୟ ଛୁଆଁ  ସ୍ୱାଗତ ସଂଗୀତ ଓ ନୃତ୍ୟ  ପରିବେଷଣ କରିଥିଲେ  l ତାପରେ ଅତିଥିଗଣ  ବିଦ୍ୟାଦାତା  ଶ୍ରୀଗଣେଶ ଭଗବାନ ଙ୍କ  ପ୍ରତିମୂର୍ତ୍ତି ପାଖରେ  ଫୁଲ ଚନ୍ଦନ, ଧୂପ,ଦୀପ, ନାରିକେଳ ଦେଇ  ପୂଜା କରିବା ସହ ବିଦ୍ୟାଳୟ ର  ମଙ୍ଗଳ କାମନା କରିଥିଲେ l   ସ୍କୁଲ ଚେୟାରମ୍ୟାନ ଅତିସୁନ୍ଦର ଭାବରେ ସଭାକାର୍ଯ୍ୟ  ପରିଚାଳନା କରିଥିଲେ l  ଅତିଥିଗଣ ଛାତ୍ରଛାତ୍ରୀ ଗଣଙ୍କୁ ବୈଜ୍ଞାନିକ ମନୋବୃତି  ପୋଷଣ କରି ଦୈନନ୍ଦିନ ଜୀବନର କର୍ମ ସମ୍ପାଦନା କରି ଭବିଷ୍ୟତ ରେ ବୈଜ୍ଞାନିକ ଡାକ୍ତର, ଇଞ୍ଜିନିୟର, ଅଧ୍ୟାପକ ତଥା  ସୁନାଗରିକ ହୋଇ  ଦେଶ ଗଠନ ଓ ବିଶ୍ୱଶାନ୍ତି ପାଇଁ ବିଜ୍ଞାନର ଉପଯୋଗ କରିବେ ବୋଲି ଉତ୍ସାହିତ କରିଥିଲେ l ଶେଷରେ ଅଧ୍ୟକ୍ଷା  ଅତିଥିଗଣଙ୍କୁ ଧନ୍ୟବାଦ ଅର୍ପଣ କରିଥିଲେ   l ବିଦ୍ୟାଳୟର  କୁନି କୁନି ଛାତ୍ର ଛାତ୍ରୀଗଣ ୩ ଟି ବିଭାଗରେ ମୋଟ ୧୧୦ ଟି ପ୍ରକଳ୍ପ ପ୍ରଦର୍ଶନ କରି ନିଜ ନିଜର  ଜ୍ଞାନ, କୌଶଳ ଓ  ସୃଜନ ଶିଳତା ପରିପ୍ରକାଶ କରିଥିଲେ l ଅପରାହ୍ନ ରେ  ଉତ୍ତମ ପ୍ରକଳ୍ପ ପ୍ରଦର୍ଶନ କରିଥିବା ଛାତ୍ରଛାତ୍ରୀ ମାନଙ୍କୁ  ପୁରସ୍କାର ପ୍ରଦାନ କରାଯାଇଥିଲା  l