11-Nov-2025

ନୂଆପଡା(ପରମେଶ୍ଵର ମେହେର): ନୂଆପଡା ଉପନିର୍ବାଚନ ପାଇଁ ଅବକାରୀ ବିଭାଗ ତରଫରୁ ତତ୍ପରତା ସହିତ  ତଲାସୀ ଅଭିଯାନ  ଚାଲିଛି l ଗତ ୦୯  ତାରିଖ ରେ ବିଭାଗୀୟ ଅଧିକାରୀ ଯାଞ୍ଚ କରି ୧୫୦ଲିଟର ହାତ ରନ୍ଧା ମଦ, ୩୬୫୦  କେଜି ମହୁଲ ପୋଚ , ଜବତ କରିଛନ୍ତି l ଏ ସବୁର ଆନୁମାନିକ  ମୂଲ୍ୟ  ୨, ୧୨,୫୦୦ ଟଙ୍କା ହେବ l ଅଦ୍ୟାବଧି ଅବକାରୀ ବିଭାଗ ୮୬  ଲିଟର ବିଅର୍, ୪୨ ଲି ବିଦେଶୀ ମଦ, ୭୮୮୮    ଲି ହାତ ରନ୍ଧା ମଦ, ୧୬୬୪    ଲି ବାହାର ଭାଟି ମଦ ,୬୦କେଜି ଗଞ୍ଜେଇ ,୧,୧୯,୭୦୫୦ କେଜି ମହୁଲ ପୋଚ  ଓ ୨୦୦ ତରି ଜବତ କରିଛନ୍ତି l ଏସବୁର ଆନୁମାନିକ ମୂଲ୍ୟ ୧ କୋଟି ୩୮ ଲକ୍ଷ ୯୪   ହଜାର ୩ ୫୬  ଟଙ୍କା ହେବ l ଏହା ସହିତ ୧୧   ଗୋଟି ବାଇକ୍ , ଏକ ତିନି ଚକିଆ ଓ ଏକ ଚାରିଚକିଆ ଯାନ ମଧ୍ୟ ଅବକାରୀ ବିଭାଗ ଜବତ କରିଛନ୍ତି l  ବର୍ତ୍ତମାନ ସୁଦ୍ଧା ୨୬୫ ଟି ଅବକାରୀ କେଶ୍ ରୁଜ୍ଜୁ ହୋଇଛି ଓ ୧୪୫  ଜଣଙ୍କୁ ଗିରଫ କରାଯାଇଥିବା ଅବକାରୀ ଅଧିକ୍ଷକ ଜଣାଇଛନ୍ତି l ନିର୍ବାଚନ ସମୟରେ ବେଆଇନ୍ ଅବକାରୀ ସାମଗ୍ରୀ ଚାଲାଣ ଓ କାର୍ଯ୍ୟକଳାପ ସମ୍ପୂର୍ଣ ବନ୍ଦ କରିବା ପାଇଁ ଜିଲ୍ଲାପାଳ ନିୟୋଜିତ ସମସ୍ତ ଟିମ୍ ଙ୍କୁ ନିର୍ଦ୍ଦେଶ ଦେଇଛନ୍ତି l