11-Nov-2025

ନୁଆଁପଡ଼ା(ପରମେଶ୍ଵର ମେହେର): “ଆଦିବାସୀ ମାନେ ମେଣ୍ଢା ପଳ ନୁହଁନ୍ତି, ଏହି ମାଟିର ସେନାନୀ, ସ୍ୱାଭିମାନୀ, କ୍ରାନ୍ତି ବୀର ଏବଂ ନେତା।”

  ଯୁଗେଯୁଗେ  ଆଦିବାସୀ ଭାରତ ମାଟିରପ୍ରଥମ ରକ୍ଷକ, ପ୍ରକୃତିର ସଂରକ୍ଷକ, ସଂସ୍କୃତିର ରକ୍ଷକ। ଆମ ପୂର୍ବଜ ମାନେ କେବଳ ଇତିହାସ ରଚିଥିଲେ। ବୀର ସୁରେନ୍ଦ୍ର ସାଏଁ, ବିର୍ସା ମୁଣ୍ଡା, ତାନ୍ତ୍ୟା ଭିଲ୍, ବୀର ରେଣ୍ଡୋ ମାଝି, ଲକ୍ଷ୍ମଣ ନାଏକ, ଚକରl ବିଶୋଇ, ଭୀଲ ବିଦ୍ରୋହ, ସାନ୍ତାଳ ବିଦ୍ରୋହ, କନ୍ଧ ବିଦ୍ରୋହ ଚିତିଆ ବାସା, ଓ ଗଣ ସଂଘର୍ଷର ଅଗଣିତ ବୀର ମାନେ ଆଦିବାସୀ ସମ୍ପ୍ରଦାୟ ର ଗର୍ବ ଗୌରବ। ଆମ ଆଦିବାସୀ ଭାଷା, ସଂସ୍କୃତି, ପରମ୍ପରା, ଦେବl-ଦେବୀ, ଉତ୍ସବ,ଯାନୀ ଯାତ୍ରା ନୀତି-ନୀୟମ, ଜୀବନଦର୍ଶନ, ପଛୁଆ ନୁହେଁ, ବରଂ ସଭ୍ୟତାର ମୂଳ l ବିଜେପି ର ଚାପରେ  ବାଳକୃଷ୍ଣ ଶବର ସମଗ୍ର ଆଦିବାସୀ ସମାଜ କୁ ଅପମାନିତ କରିବା ସର୍ବସାଧାରଣ ରେ ଲଜ୍ଜିତ, ଘୃଣିତ କରିବା ବିଜେପି ର ହୀନ ରାଜନୀତିର ଜ୍ୱଳନ୍ତ ଉଦାହରଣ l କାରଣ ବିଜେପି ଚାହୁଁଛି ଆଦିବାସୀ ସମାଜ ସମ୍ପ୍ରଦାୟ ରେ ବିଭ୍ରାଟ ସୃଷ୍ଟି କରି ଆଦିବାସୀ ଏକତା ଏବଂ ଅସ୍ମିତା ଧ୍ବଂସ କରିବା l ବିଜେପି ର ଷଡଯନ୍ତ୍ର ହେଲା ସମାନ ନାଗରିକ ସଂହିତା( UCC) ଲାଗୁ କରିବା, କ୍ରିମି ଲେୟର ଲାଗୁ କରିବା, କୋଟାକାଟିବା,  ଶିକ୍ଷା, ଚାକିରୀ ପଦୋନ୍ନତିରେ ସଂରକ୍ଷଣ ଆରକ୍ଷଣ ଉଛେଦ କରିବା, ଖଣି ଖାଦାନ ନାଁ ରେ ଆଦିବାସୀଙ୍କୁ ବିସ୍ଥାପିତ କରିବା, ଏଟ୍ରୋସିଟି ଉଠାଇବା ବିଜେପି ର ଗୁପ୍ତ ଏଜେଣ୍ଡା l ବିଜେପି ଚକ୍ରାନ୍ତ ରେ ଆଦିବାସୀଙ୍କୁ “ମେଣ୍ଢା ପଳ ସହିତ ତୁଳନା କରି ମିଡ଼ିଆରେ କହିବା  ଘୋର  ଅପମାନ,ଅସମ୍ମାନ, ଜାତି ଦ୍ରୋହି, ସମାଜ ଦ୍ରୋହି, ଆଦିବାସୀ ଦ୍ରୋହି, ହୀନ ମାନସିକତା ଏବଂ ପାଗଳ ପ୍ରଳାପ ଅଟେ । ଏପରି ମନୋଭାବ ଓ ଖରାପ ଚିନ୍ତାଧାରା ମହାସଂଘର ଆଦର୍ଶ ଓ ଉଦ୍ଦେଶ୍ୟ ର ସମ୍ପୂର୍ଣ୍ଣ ବିରୋଧୀ,ତେଣୁ ସମସ୍ତ ନେତୃ ମଣ୍ଡଳୀ ସହିତ ଆଲୋଚନା ଓ ସମ୍ମତି ଅନୁଯାୟୀ ବlଳକୃଷ୍ଣ ଶବରଙ୍କୁ ଅଧ୍ୟକ୍ଷ ପଦରୁ ବହିଷ୍କାର କରାଗଲା ବୋଲି ମହାସଂଘର ରାଜ୍ୟ ଉପସଭାପତି ପରମାନନ୍ଦ ମାଝୀ, ଭାନୁ ପ୍ରତାପ ସିଂମାଝୀ, ରାମ ଶବର, ଯୋଗେନ୍ଦ୍ର ଭୋଇ, ଲମ୍ବୋଦର ସିଂ,ବିହାରୀଲାଲ ବିଶ୍ୱାଳ, ତେଜରାଜ ଶବର ପ୍ରେସ ବିବୃତ୍ତି ରେ ସୂଚନା ଦେଇଛନ୍ତି ।