08-Nov-2025

ଆଗଲପୁର, (ବିନୋଦ ଦୀପ) ଆଗଲପୁର ପଞ୍ଚାୟତ ସମିତି ମହାବିଦ୍ୟାଳୟ, ବାଣୀନିକେତନ, ରୋତରେ ଆଜି 'ବନ୍ଦେ ମାତରମ୍' ସଂଗୀତର ୧୫୦ ବର୍ଷ ପୂର୍ତ୍ତି ଉତ୍ସବ ପାଳିତ ହୋଇଯାଇଛି। ଉଚ୍ଚଶିକ୍ଷା ବିଭାଗ, ଓଡ଼ିଶା ସରକାରଙ୍କ ନିର୍ଦ୍ଦେଶରେ ଆୟୋଜିତ ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷ ପ୍ରଦୀପ କୁମାର ଷଡଙ୍ଗୀ ସଭାପତିତ୍ବ କରିଥିବା ବେଳେ ସଭା ପ୍ରାରମ୍ଭରେ ସମସ୍ତ ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ସମବେତ ଭାବରେ 'ବନ୍ଦେ ମାତରମ୍' ଜାତୀୟ ସଙ୍ଗୀତକୁ ଗାନ କରିଥିଲେ। ଅଧ୍ୟାପକ ଡକ୍ଟର ଅନ୍ତର୍ଯ୍ୟାମୀ ନାୟକ, ଡକ୍ଟର ସୁବିଜ୍ଞ ଗଡତ୍ୟା, ଶାନ୍ତନୁ ପାଢୀ, ବୁଦ୍ଧଦେବ ପଣ୍ଡା, ଛାତ୍ରୀ ଆକାଂକ୍ଷା ନାୟକ, ଛାତ୍ର ବନ୍ତ ସାହୁ ପ୍ରଭୃତି ବକ୍ତବ୍ଯ ରଖିଥିଲେ। ସଭାକୁ ଅଧ୍ୟାପକ ଡକ୍ଟର ଲିଙ୍ଗରାଜ ମେହେର ସଂଯୋଜନା କରି ଶେଷରେ କୃତଜ୍ଞତା ଜ୍ଞାପନ କରିଥିଲେ। ଏହି ଅବସରରେ ଛାତ୍ରଛାତ୍ରୀଙ୍କ ମଧ୍ଯରେ ସେହି ସଂପର୍କିତ ପ୍ରବନ୍ଧ ଲିଖନ, କବିତା ଲିଖନ, ଚିତ୍ରାଙ୍କନ ଓ କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମକୁ ଆଇ.କ୍ବୁ.ଏ.ସି ସଂଯୋଜକ ଦୈତାରି ଶବର, ସହ-ସଂଯୋଜକ ନୀଳାମ୍ବର ବାରିକ ଓ ମାନସ କୁମାର ପରିଚାଳନା କରିଥିଲେ।