28-Sep-2025

ଟିଟିଲାଗଡ଼(ପ୍ରେରଣା ଖବର):  ଟିଟିଲାଗଡ଼ ସ୍ଥିତ ମାହେଶ୍ୱରୀ ଯି.ଏନ.ଏମ. ନର୍ସିଂ କଲେଜ ପରିସରରେ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ପକ୍ଷରୁ ଆୟୋଜିତ ସୁସ୍ଥ ନାରୀ ଓ ସଶକ୍ତ ପରିବାର ଏକ ସଚେତନତା କାର୍ଯ୍ୟକ୍ରମ ମାହେଶ୍ୱରୀ ଜି. ଏନ. ଏମ କଲେଜର ନିର୍ଦ୍ଦେଶକ ଇ. ପ୍ରଦୀପ୍ତ କୁମାର ମିଶ୍ର ଙ୍କ ନେତୃତ୍ରେ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଟିଟିଲାଗଡ଼ ନାରୀ ଶକ୍ତି ସଂଗଠନର ସଭାପତି ଅଞ୍ଜଳି ବେହେରା ଯୋଗ ଦେଇଥିବା ବେଳେ  ମୁଖ୍ୟବକ୍ତା ଭାବରେ ଅନୁଷ୍ଠାନର ଉପଦେଷ୍ଟା ଡ. ସିଦ୍ଧେଶ୍ବର

ମିଶ୍ର ସମ୍ମାନୀତ ଅତିଥି ଭାବରେ ଗୀତାଞ୍ଜଳି ଦାସ ଓ ଜିଲ୍ଲା ସାମ୍ବାଦିକ ସଂଘର ସଭାପତି ଶିବ ପ୍ରସାଦ ପରିଡା ଯୋଗଦେଇ ଥିଲେ l ଏହି କାର୍ଯ୍ୟକ୍ରମରେ ଅତିଥି ମାନେ ଆଜିର ସମାଜରେ ନାରୀ କିଭଳି ଭାବରେ ସଶକ୍ତ ହେଲେ ନିଜର ପରିବାର ଆଗକୁ ଯାଇ ପାରିବ ତାରି ଉପରେ ଆଲୋଚନା ହୋଇଥିଲା l କାର୍ଯ୍ୟକ୍ରମକୁ ଅନୁଷ୍ଠାନର ଅଧକ୍ଷ ପିଙ୍କୁ ସାହୁ ପରିଚଳନା କରିଥିବା ବେଳେ ମାହେଶ୍ୱରୀ ଆଇ. ଟି. ଆଇ. ର ଅଧକ୍ଷ ଇଂ. ଦେବବ୍ରତ ଛତ୍ତର ମଞ୍ଚାସୀନ ଥିଲେ l ସଭାରେ ଅଞ୍ଚଳର ଶତାଧିକ ମହିଳା ସମେତ ଛାତ୍ର ଛାତ୍ରୀମାନେ ଉପସ୍ଥିତ ଥିଲେ l ଆଶାଳତା ଭୋଇ, ପ୍ରୀତମ ନାଗ, ଗଜରା ରାଣୀ ସେଠ୍, ଅନୁପ ଭୋଇ, ଗୋବିନ୍ଦ ସାହୁ, ଅନିଲ ବେହେରା, ଗୋବିନ୍ଦ ଚନ୍ଦ୍ର ସାହୁ ପ୍ରମୁଖ ସହଯୋଗ କରିଥିଲେ l ସଭା ଶେଷରେ ଅନୁଷ୍ଠାନର ଅଧ୍ୟାପିକା ଗ୍ଲୋରି ଲୁହାର ଧନ୍ୟବାଦ ଦେଇଥିଲେ l