22-Sep-2025

ବଲାଙ୍ଗୀର(ପ୍ରେରଣା ଖବର): ବିଶ୍ବାତ୍ମ ବିଦ୍ୟା ମନ୍ଦିର, ଆନନ୍ଦ ନିକେତନ, ଖୁଜେନପାଲି, ବଲାଙ୍ଗିର ଠାରେ ଭାରତ ସ୍କାଉଟ ଏବଂ ଗାଇଡ଼ ପକ୍ଷରୁ “ ବିଶ୍ୱ ଶାନ୍ତି ଦିବସ " ପାଳନ କରାଯାଇ ଥିଲା । ସ୍କାଉଟ୍ ମାଷ୍ଟର ସଞ୍ଜୟ କୁମାର ଦାଶଙ୍କ ନେତୃତ୍ବରେ ବିଶ୍ବାତ୍ମ ବିଦ୍ୟା ମନ୍ଦିର ପ୍ରାଚାର୍ଯ୍ୟ ଡ. ସୁଶାନ୍ତ କୁମାର ପ୍ରଧାନ ମୁଖ୍ୟ ଅତିଥି ଭାବରେ ଯୋଗଦାନ କରିଥିଲେ ଓ  ବିଶ୍ବାତ୍ମ ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ତରୁଣ କୁମାର ତ୍ରିପାଠୀ

ଅଧ୍ୟକ୍ଷତାରେ  ଏହି ସଭାଟି ପରିଚାଳିତ ହୋଇଥିଲା । ଉକ୍ତ ସଭାରେ ବିଶ୍ବାତ୍ମ ବିଦ୍ୟା ମନ୍ଦିର, ଆନନ୍ଦ ନିକେତନର ଛାତ୍ରୀ ସୁଶ୍ରୀ ବିନ୍ଦିଆ ବେହେରା ନିଜର ଗରିମା ପୂର୍ଣ୍ଣ ବକ୍ତବ୍ୟ ରଖିଥିଲେ । ବିଦ୍ୟା ମନ୍ଦିରର ବିନୋଦିନୀ ସାହୁ ଗୁରୁମା ସମସ୍ତଙ୍କୁ ଧନ୍ୟବାଦ ଦେଇଥିଲେ । ଏହି ଅବସରରେ ବିଶ୍ବାତ୍ମ ବିଦ୍ୟା ମନ୍ଦିର, ବଲାଙ୍ଗୀର ସ୍କାଉଟ୍ ଓ ଗାଇଡ୍ ଭାଇ-ଭଉଣୀ ମାନେ ସଚେତନତା ଶୋଭାଯାତ୍ରା ଓ ବୃକ୍ଷାରୋପଣ କରିଥିଲେ ।