20-Sep-2025

କଟକ(ପ୍ରେରଣା ଖବର): ପ୍ରବୀଣ ସାରସ୍ୱତ ସାଧିକା, ସମାଜସେବିକା ଓ ଶିକ୍ଷାବିତ ମନୋରମା ମହାପାତ୍ର ଙ୍କ ଚତୁର୍ଥ ଶ୍ରାଦ୍ଧ ବାର୍ଷିକୀ ଉପଲକ୍ଷେ ଆଜି ସନ୍ଧ୍ୟା ରେ ଗାନ୍ଧୀ ଭବନ ଠାରେ ଏକ ମିଳିତ ସ୍ମୃତି ସଭା ଅନୁଷ୍ଠିତ ହୋଇ ଯାଇଛି। ଏଥିରେ ବିଶିଷ୍ଟ ବ୍ୟକ୍ତି ମାନେ ଯୋଗ ଦେଇ ଡ଼ଃ ମହାପାତ୍ରଙ୍କ ସାହିତ୍ୟ କୃତୀ, ନିସ୍ଵାର୍ଥପର ଜନ ସେବା ଓ ଉନ୍ନତମାନର

ଶିକ୍ଷାଦାନ ଉପରେ ଆଲୋକ ପାତ କରିଥିଲେ l
   ସିଏମସି ମେୟର ସୁବାଷ ସିଂହ ଏଥିରେ ମୁଖ୍ୟ ଅତିଥି ରୂପେ ଯୋଗ ଦେଇ କଟକ ରେ ମନୋରମା ଦେବୀ ଙ୍କ ସ୍ଥାୟୀ ସ୍ମୃତି ରକ୍ଷା ପାଇଁ ପଦକ୍ଷପ ଗ୍ରହଣ କରାଯିବ ବୋଲି ପ୍ରତିଶୃତି ଦେଇଥିଲେ l ବରିଷ୍ଠ ସାମ୍ବାଦିକ ଡ଼ଃ ସତ୍ୟ ରାୟଙ୍କ ସଭାପତିତ୍ବ ରେ ଅନୁଷ୍ଠିତ ଏହି ସଭାରେ ଡାକ୍ତର ସିନ୍ଧୁ ନନ୍ଦିନୀ ତ୍ରିପାଠୀ, ବିଶିଷ୍ଟ ସାମାଜିକ କର୍ମୀ ଚିତ୍ତରଞ୍ଜନ ମହାନ୍ତି, ଲୋକ ସେବକ ମଣ୍ଡଳର ଆଜୀବନ ସଦସ୍ୟ ଡ଼ଃ ପ୍ରଭାସ ଚନ୍ଦ୍ର ଆଚାର୍ଯ୍ୟ, ଡ଼ଃ ଆଶୁତୋଷ ଦେବତା, ଡ଼ଃ ସୁରେଖା ସୁନ୍ଦରୀ ସ୍ୱାଇଁ, ସାମ୍ବାଦିକ ଅରବିନ୍ଦ

ରାଉତ ରାୟ, ପଣ୍ଡିତ ରଞ୍ଜନ ମହାପାତ୍ର, ବ୍ରଜ ନନ୍ଦ, ମୁରଲୀ ଧର ଶତପଥୀ, ମୀରା ବେଉରା, ଶରତ ଶତପଥୀ, ମହିଜା ଦଳ ବେହେରା, ଇନ୍ଦିରା ଅରୋରା, କିଶୋର ଚନ୍ଦ୍ର ଦାସ ପ୍ରମୁଖ ଯୋଗ ଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ. ଆସନ୍ତା ବର୍ଷ ଠାରୁ ରାଜ୍ୟର ଜଣେ ବିଶିଷ୍ଟ ସାହିତ୍ୟିକ ଓ ସମାଜ ସେବୀ ଙ୍କୁ ମନୋରମା ମହାପାତ୍ର ସ୍ମାରକୀ ସମ୍ମାନ ପ୍ରଦାନ କରାଯିବ ବୋଲି ଘୋଷଣା କରାଯାଇଥିଲା.