06-Sep-2025

ବଲାଙ୍ଗୀର(ପ୍ରେରଣା ଖବର):ବଲାଙ୍ଗୀର ଜିଲ୍ଲାର ଚାଷିଙ୍କ ପାଇଁ ଖୁସିଖବର । ମୁଖ୍ୟତଃ ଦେଓଗାଁ ବ୍ଲକର ଅର୍ଜୁନପୁର, ଗୌରଗୋଠ ଓ କୁଲତାପଡା ଗ୍ରାମପଞ୍ଚାୟତର ଚାଷୀମାନେ ଯେଉଁମାନେ ମେଗା ଉଠାଜଳସେଚନରୁ ବାଦ ପଡିଥିଲେ ସେମାନଙ୍କ ପାଇଁ ଉଠାଜଳସେଚନ ବିଭାଗ ନୂଆ ପଏଣ୍ଟଗୁଡିକ ଅନୁମୋଦନ କରିଛନ୍ତି । ଫଳରେ ଏହି ଅଞ୍ଚଳରେ ଆଉ ୭ଟି ନୂଆ ଉଠାଜଳସେଚନ ପଏଣ୍ଟ କାର୍ଯ୍ୟକାରୀ ହେବାକୁ ଯାଉଛି ଓ ଏଥିରେ ପ୍ରାୟ ୬୦୦ ଏକର ଜମିକୁ ଜଳସେଚିତ କରାଯାଇ ପାରିବ ବୋଲି ସୂଚନା ମିଳିଛି । ତେଲନଦୀରେ ଏହି ଉଠାଜଳସେଚନ ପଏଣ୍ଟ ବସିବ ଓ ସେଠାରୁ ଜଳସେଚନ କରାଯିବ। ମେଗା ଉଠାଜଳସେଚନ ପଏଣ୍ଟ କେବଳ ଖରିଫ ଧାନଚାଷ ପାଇଁ ସହାୟକ ହେଉଥିବା ବେଳେ ଏଣିକି ଉଠାଜଳସେଚନ ବିଭାଗର ପଏଣ୍ଟରେ ରବିଋତୁରେ ମଧ୍ୟ ଜଳସେଚିତ କରାଯାଇ ପାରିବ । ଆଜି ଦେଓଗାଁ ବ୍ଲକର ବ୍ରାହ୍ମଣୀପଲା ଓ ଗୌରଗୋଠରେ ଆୟୋଜିତ ପାଣିପଞ୍ଚାୟତ

ସଚେତନତା କାର୍ଯ୍ୟକ୍ରମରେ ଏନେଇ ବଲାଙ୍ଗୀର ଉଠା ଜଳସେଚନ ବିଭାଗର ନିର୍ବାହୀଯନ୍ତ୍ରୀ ଇଂ.ସଚିଦାନନ୍ଦ ଦଳେଇ ସୂଚନା ଦେଇଛନ୍ତି । ବଲାଙ୍ଗୀର ଜିଲ୍ଲାକୁ ଆଉ ୩୯ଟି ଉଠାଜଳସେଚନ ପଏଣ୍ଟ ମଞ୍ଜୁର କରାଯାଇଥିବା ବେଳେ ସେଥିରୁ କେବଳ ଦେଓଗାଁ ବ୍ଲକରେ ୧୪ଟି ପଏଣ୍ଟ ରହିଛି । ଫଳରେ ଚାଷିଙ୍କ ମଧ୍ୟରେ ଉତ୍ସାହ ପରିଲକ୍ଷିତ ହୋଇଛି । ମେଗା ଉଠାଜଳସେଚନ ଜରିଆରେ କେବଳ ଖରିଫ ଋତୁରେ ଚାଷିଙ୍କୁ ପାଣି ମିଳୁଥିବା ବେଳେ ଉଠାଜଳସେଚନ ପଏଣ୍ଟ ଜରିଆରେ ରବିଋତୁରେ ମଧ୍ୟ ଚାଷି ପାଣି ପାଇବେ ଓ ଧାନଚାଷ କରିପାରିବେ । ଏସଏଲଏସି ବୈଠକରେ ଏହି ପ୍ରକଲ୍ପଗୁଡିକ ଅନୁମୋଦନ ଲାଭ କରିଥିବା ବେଳେ ଆସନ୍ତା ଡିସେମ୍ବର ସୁଦ୍ଧା ଏହାର କାମ ଆରମ୍ଭ କରାଯିବ । ତେବେ ଏହାକୁ ସୂଚାରୁ ରୂପେ ପରିଚାଳିତ କରିବାକୁ ଚାଷିମାନେ କିଭଳି ପାଣିପଞ୍ଚାୟତ ଗଠନକରିବେ ସେନେଇ ନିର୍ବାହୀଯନ୍ତ୍ରୀ ଚାଷିଙ୍କୁ କହିଥିଲେ । ତେଲନଦୀରେ ବ୍ରାହ୍ମଣୀପଲାଠାରେ ବ୍ୟାରେଜ ହେଲେ ମେଗାଲିଫ୍ଟ ପଏଣ୍ଟ,ମେଗା ପାନୀୟଜଳ ଜଳପ୍ରକଲ୍ପ ଓ ଉଠାଜଳସେଚନ ପଏଣ୍ଟ ଗୁଡିକ ଠିକରେ ଜଳଉତ୍ସ ପାଇବେ ତେଣୁ ଆଗାମୀ ଦିନରେ ତେଲନଦୀରେ ବ୍ୟାରେଜ ନିର୍ମାଣ କରିବାକୁ ଦାବି ଯୋରଦାର କରାଯିବ ବୋଲି ଲକ୍ଷ୍ମଣ ମେହେର କହିଥିଲେ । ବ୍ରାହ୍ମଣୀପଲା ଶିବମନ୍ଦିରଠାରେ ଓ ଗୌରଗୋଠର ହାଇସ୍କୁଲ ପଡିଆଠାରେ ଆୟୋଜିତ ସଭାରେ ଦେଓଗାଁ ବ୍ଲକର ପୂର୍ବତନ ବ୍ଲକଅଧ୍ୟକ୍ଷ ଲକ୍ଷ୍ମଣକୁମାର ମେହେର ସଭାପତିତ୍ୱ କରିଥିବା ବେଳେ ମୁଖ୍ୟଅତିଥି ଭାବରେ ଉଠାଜଳସେଚନ ବିଭାଜନର ନିର୍ବାହୀଯନ୍ତ୍ରୀ ଇଂ.ସଚିଦାନନ୍ଦ ଦଳେଇ,ଏସଡିଓ ଇଂ.ଅପର୍ଣ୍ଣା ମିଶ୍ର,ଇଲେକ୍ରିକାଲ ଏସଡିଓ ଇଂ.ଘନଶ୍ୟାମ ସାହୁ,ସିଭିଲ ଜେଇ ଇଂ,ସଂଦୀପ ମିଶ୍ର,ଜେଇ ଇଲେକ୍ରିକାଲ ଇଂ.ଯୁଧିଷ୍ଠୀର ଭୁଏ ଓ ମୁଖ୍ୟବକ୍ତା ଭାବରେ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା ଯୋଗଦେଇଥିଲେ । ବ୍ରାହ୍ମଣୀପଲା ବୈଠକରେ  ରୂପାଧର ପୁଟା  କାର୍ଯ୍ୟକ୍ରମରେ ସଂଯୋଜନା କରିଥିବା ବେଳେ ବୈଠକରେ ରତାଖଣ୍ଡି,ସିଙ୍ଘାଟିମାଳ,କେନ୍ଦୁଘାଟ,ବ୍ରାହ୍ମଣୀପଲା ଗ୍ରାମର ସଂଜିବ ସାହୁ,ଉଦ୍ଧବ ପଧାନ,ଭୋଜରାଜ ରଣା,ଗୋପିନାଥ ନାଗ,ଭୁଷଣ ମହାନନ୍ଦ,ସଂଜୟ ଛତ୍ରୀଆ,ଅଜିତ ରଣା,ଅନନ୍ତ ବାରିକ,ଲାଲସାହେବ ନାଏକ,ଟଙ୍କଧର ରଣା,ବୃନ୍ଦାବନ ନାଏକ ପ୍ରମୁଖ ଚାଷି ବିଭିନ୍ନ ପ୍ରସ୍ତାବ ଦେଇଥିଲେ । ଠିକ ସେହିପରି ଗୌରଗୋଠ ବୈଠକରେ ପୂର୍ବତନ ସରପଞ୍ଚ ଅଶୋକ ରଣା, ମୁଜାଫର ରଣା,ତ୍ରୀଲୋଚନ ନନ୍ଦ,ବେଦବ୍ୟାସ ଭୋଇ, ପିତାମ୍ବର ପଧାନ,ସୁରେନ୍ଦ୍ର ଷାଣ୍ଢ,ରାଧେଶ୍ୟାମ ରଣା,ପିଙ୍କୁ ଭୋଇ ପ୍ରମୁଖଙ୍କ ସହିତ ଶତାଧିକ ଚାଷି ଉପସ୍ଥିତ ରହି ନିଜ ନିଜ ମତ ଦେଇଥିଲେ । ବୈଠକ ପୂର୍ବରୁ ନୂତନକରି ହେବାକୁ ଥିବା ସିଙ୍ଘାମୁଣ୍ଡା, ଖଇରମାଳ, ମୁଡପଲା, ବ୍ରାହ୍ମଣୀପଲା, ଘୁଡକାପଲା ଇତ୍ୟାଦି ଗ୍ରାମର ଫିଲ୍ଡ ଭିଜିଟ କରି ଚାଷୀଙ୍କ ସହିତ ଆଲୋଚନା କରାଯାଇଥିଲା । ବୈଠକରେ ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂଦେଓ ଓ ରାଜ୍ୟସରକାରଙ୍କ ଜଳସେଚନ ବିଭାଗକୁ ଧନ୍ୟବାଦ ଅର୍ପଣ କରାଯାଇଥିଲା ।