13-Aug-2025

ନୂଆପଡ଼ା (ରାମନାଥ ପଣ୍ଡା)
ନୂଆପଡ଼ା ପୋଲିସ ଓ ବୋଡ଼େନ ପୋଲିସଙ୍କ ମିଳିତ ଆନୁକୁଲ୍ୟରେ ନାରୀ ସୁରକ୍ଷା ସଚେତନତା କାର୍ଯ୍ୟକ୍ରମ ବିଜୁ ପଟ୍ଟନାୟକ ଉଚ୍ଚ ମାଧ୍ୟମିକ ବିଦ୍ୟାଳୟ ବୋଡ଼େନ ଠାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଏସ ଡି ପି ଓ ଉପେନ୍ଦ୍ର ପ୍ରଧାନ ଯୋଗଦାନ କରିଥିବା ବେଳେ ସମ୍ମାନିତ ଅତିଥି ରୂପେ ଇଂରାଜୀ ପ୍ରାଧ୍ୟାପକ ଡ଼ ସାମୁଏଲ ଦାନୀ, ଆଇ ଆଇ ସି ଗୋବିନ୍ଦ ମାଝୀ,ଅଧ୍ୟାପକ ଗୟାଧର ମହାନ୍ତି,ଏସ ଆଇ ଦିବ୍ୟଲୋଚନ ରାଜ,ଏସ ଆଇ ମଞ୍ଜୁଲତା ଖଡେଙ୍ଗା,ଅଧ୍ୟାପକ ଅସ୍ରଫ ଅଲ୍ଲୀ ପ୍ରମୁଖ ମଞ୍ଚାଷୀନ ଥିଲେ । ଡ ସାମୁଏଲ ଦାନୀ ଅତିଥି ପରିଚୟ ପ୍ରଦାନ କରିଥିବାବେଳେ ଅଧ୍ୟାପକ ଗୟାଧର ମହାନ୍ତି ମଞ୍ଚ ପରିଚାଳନା କରିଥିଲେ।ବର୍ତ୍ତମାନ ସମାଜରେ ଦେଖାଦେଉଥିବା ସମସ୍ୟା ଗୁଡ଼ିକ ମଧ୍ୟରେ ନାରୀଙ୍କୁ ଶାରୀରିକ ,ମାନସିକ,ସାମାଜିକ ଓ ଆର୍ଥିକ ହାନିରୁ ସୁରକ୍ଷିତ ରଖିବା ହେଉଛି ପ୍ରତ୍ୟେକ ନାଗରିକଙ୍କ କର୍ତ୍ତବ୍ୟ ବୋଲି ଏସ ଡି ପି ଓ ଉପେନ୍ଦ୍ର ପ୍ରଧାନ ନିଜ ବକ୍ତବ୍ୟରେ ସ୍ପଷ୍ଟ ପ୍ରକାଶ କରିଥିଲେ । ଉପସ୍ଥିତ ସମସ୍ତ ଛାତ୍ରଛାତ୍ରୀଙ୍କୁ ନିଜ ନିଜ ଦାୟୀତ୍ୱ ଉପରେ ସଚେତନ ରହି ଭଲ କାମ କରିବାକୁ ପ୍ରେରଣା ଦେଇଥିଲେ ।ନାରୀ ଅନେକ ସମୟରେ ହିଂସା,ଶୋଷଣ ଓ ଅନ୍ୟାୟର ଶିକାର ହେଉଥିବା କାରଣରୁ ଆଜିର ଦିନରେ ନାରୀ ସୁରକ୍ଷା ଗୁରୁତ୍ଵ ପୂର୍ଣ୍ଣ ପ୍ରସଙ୍ଗ ହୋଇ ଠିଆ ଉଠିଛି ତେଣୁ ଆପଣମାନେ ନିଜକୁ ନିଜେ ଖରାପ ଅଭ୍ୟାସରୁ  ଦୂରେଇ ରୁହନ୍ତୁ ,କୌଣସି ଅସୁବିଧା ହେଲେ ତୁରନ୍ତ ପୋଲିସର ସହାୟତା ନିଅନ୍ତୁ ବୋଲି କିଛି ସହାୟତା ନମ୍ବର ପ୍ରଦାନ କରିଥିଲେ ।ନାରୀ ପ୍ରତି ଯିଏ ଅନ୍ୟାୟ କରିବ ତାକୁ ଛାଡ଼ିବି ନାହିଁ ତା ପ୍ରତି ଦୃଢ଼ରୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବି ବୋଲି ମତ ପ୍ରକାଶ କରି ସମସ୍ତଙ୍କୁ ସାହସ ଯୋଗାଇଛନ୍ତି।କାର୍ଯ୍ୟକ୍ରମରେ ସ୍ଥାନୀୟ କଲେଜର ଅଧ୍ୟାପକ,ଅଧ୍ୟାପିକା,ଅନ୍ୟ କର୍ମଚାରୀ,ସାମ୍ବାଦିକ ରାମନାଥ ପଣ୍ଡାଙ୍କ ସମେତ ବିଦ୍ୟାଳୟର ୩୦୦ ରୁ ଉର୍ଦ୍ଧ୍ବ ଛାତ୍ର ଛାତ୍ରୀ ଅଂଶ ଗ୍ରହଣ କରିଥିଲେ ।ଅଧ୍ୟାପକ ଗୟାଧର ମହାନ୍ତି ଧନ୍ୟବାଦ୍ ଅର୍ପଣ କରିଥିଲେ।