12-Aug-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ଓଡିଶାର ମାନ୍ୟବର ଉପ ମୁଖ୍ୟମନ୍ତ୍ରୀ ପ୍ରଭାତି ପରିଡ଼ା ମନ୍ଦିର ମାଳିନୀ ତଥା ଦ୍ବିତୀୟ ବାରାଣସୀ ସୁବର୍ଣ୍ଣପୁର ଜିଲ୍ଲା ଗସ୍ତରେ ଆସି ପ୍ରଥମେ ପାତାଳି ଶ୍ରୀକ୍ଷେତ୍ର ରେ ପହଞ୍ଚି ଚତୁର୍ଦ୍ଧା ମୂର୍ତ୍ତୀ ଙ୍କ ଦର୍ଶନ ପରେ ପୂଜାର୍ଚ୍ଚନା କରି ରାଜ୍ୟବାସୀ ଙ୍କ ସୁଖସମୃଦ୍ଧି ଓ ମଙ୍ଗଳ କାମନା କରିଥିଲେ। ପରେ ନୂତନ ଭବ୍ୟ ମନ୍ଦିର ର ର ନିର୍ମାଣ ସ୍ଥଳିରେ ମନ୍ଦିର ର ନକ୍ସା ବ୍ୟୟ ଅଟକଳ ପ୍ରଭୃତି ତଦାରଖ କରିଥିଲେ l ପରେ  ମନ୍ଦିର ଟ୍ରଷ୍ଟି ପକ୍ଷରୁ ସମଗ୍ର ପାତାଳି କ୍ଷେତ୍ରର ସାମଗ୍ରୀକ ବିକାଶ ପାଇଁ ଏକ ସାତ ଦଫା ଦାବିପତ୍ର ପ୍ରଦାନ କରଯାଇଥିଲା । ପରେ  ସେ ସୁବର୍ଣ୍ଣପୁର ର ଇଷ୍ଟଦେବୀ ମାଁ ସୁରେଶ୍ଵରୀ ଙ୍କ ମନ୍ଦିରରେ ପହଞ୍ଚି ପୂଜାର୍ଚ୍ଚନା କରି ମାଁ ଙ୍କର ଆଶିର୍ବାଦ ନେଇଥିଲେ ତଥା ସେଠାରେ ମଧ୍ୟ ସେ ସେବାୟତ ସଂଘ ଓ ମନ୍ଦିର ପରିଚାଳନା କମିଟି ର ସଦସ୍ୟ ଙ୍କ ସହ ମନ୍ଦିରର ଉନ୍ନତି ନିମନ୍ତେ ନିଆଯାଇଥିବା ବିଭିନ୍ନ ଉନ୍ନତି ମୂଳକ କାର୍ଯ୍ୟ ସଂପର୍କରେ ସୂଚନା ଦେଇଥିଲେ ।  ସେହିପରି ସୋନପୁର ସୁରେଶ୍ଵରୀ ମନ୍ଦିର ଦେବୋତ୍ତର ବା ମନ୍ଦିର କମିଟି ପକ୍ଷରୁ ସୁରେଶ୍ଵରୀ, ରାମେଶ୍ୱର ଓ ସୁବର୍ଣ୍ଣମେରୁ ମନ୍ଦିର କୁ ନେଇ ଆରମ୍ଭ ହୋଇଥିବା ଐତିହାସିକ ସ୍ଵର୍ଣ୍ଣ ତ୍ରିବେଣୀ ପ୍ରକଳ୍ପକୁ ତ୍ୱରାନ୍ୱିତ କରିବା, ମନ୍ଦୀର ର ଜମି ଚିହ୍ନଟ ସହ ଦେବୋତ୍ତର ପରିଚାଳିତ ଅନ୍ୟ ସବୁ ମନ୍ଦିର ର ଜମି ଚିହ୍ନଟ କରି ଜବର ଦଖଲ ଉଚ୍ଛେଦ କରିବା, ଜିଲ୍ଲା ର ପର୍ଯ୍ୟଟନ ସ୍ଥଳୀ ର ଭିତ୍ତିଭୂମି ର ବିକାଶ, ସ୍ଥାୟୀ ଦେବୋତ୍ତର ଅଧିକାରୀ ନିଯୁକ୍ତ, ଏକ ପର୍ଯ୍ୟଟନ ଅଧିକାରୀ ନିଯୁକ୍ତ ସହ ଯାନ ବାହନ ବ୍ୟବସ୍ଥା, ସୁରେଶ୍ୱରୀ ମନ୍ଦିର ରେ କଲ୍ୟାଣ ମଣ୍ଡପ ନିର୍ମାଣ,  ମହାନଦୀ ତେଲ ନଦୀର ସଙ୍ଗମ ସ୍ଥଳୀ ର ତଳ ଭାଗରେ ଏକ ଆନିକଟ ନିର୍ମାଣ ସହ ଜଳ ସଂରକ୍ଷଣ କରିବା ଓ ତେଲ ନଦୀ ଓ ମହା ନଦୀ ରୁ ପର୍ଯ୍ୟଟକ ଙ୍କ ପାଇଁ ମା ସୁରେଶ୍ଵରୀ ଗଙ୍ଗା କୁ ପାଇପ ଯୋଗେ ଜଳ ଯୋଗାଣ ପ୍ରମୁଖ ଦାବୀ ଉପ ମୂଖ୍ୟମନ୍ତ୍ରୀ ଙ୍କୁ ପ୍ରଦାନ କରିଥିଲେ l ପରେ ପରେ ଐତିହାସିକ ଶୈବ ପୀଠ ତଥା ତ୍ରିବେଣୀ ସଙ୍ଗମ ଶ୍ରୀ ରାମେଶ୍ୱର ମନ୍ଦିର ପରିଦର୍ଶନ ରେ ପହଞ୍ଚି ପ୍ରଭୁ ଙ୍କ ଆଶୀର୍ବାଦ ଭିକ୍ଷା କରି ମନ୍ଦିର କମିଟି ସହ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ l ଏହି ସମସ୍ତ ଗସ୍ତ ସମୟରେ ପର୍ଯଟନ ସଚିବ ବଳବନ୍ତ ସିଂ , ଜିଲ୍ଲାପାଳ ଉପସ୍ଥିତ ଥିଲେ। ପରେ ସର୍କିଟ ହାଉସ ଠାରେ ବୀର ମହାରାଜପୁର ବିଧାୟକ ରଘୁନାଥ ଜଗଦଲା,  ଡିଆଇଜି ହିମାଂଶୁ ଲାଲ୍, ଜିଲ୍ଲାପାଳ ନୃପରାଜ ସାହୁ , ଏସପି ଓ ଜିଲ୍ଲା ପ୍ରଶାସନ ର ସମସ୍ତ ଅଧିକାରୀ ଙ୍କ ସହ ମହିଳା ଓ ଶିଶୁ ବିକାଶ, ମିଶନ ଶକ୍ତି ଓ ପର୍ଯ୍ୟଟନ ବିଭାଗୀୟ ଅଧିକାରୀଙ୍କ ସହ ଆଲୋଚନା କରି ଜିଲ୍ଲା ର ବିକାଶ ଉପରେ ସମୀକ୍ଷା କରିଥିଲେ l ଏବଂ ସହର ଓ ଜିଲ୍ଲା ର ଅସମ୍ପୂର୍ଣ୍ଣ ପ୍ରକଳ୍ପ ଗୁଡ଼ିକ ତୁରନ୍ତ ସମ୍ପୂର୍ଣ୍ଣ କରିବା କୁ ନିର୍ଦେଶ କରି ପ୍ରତ୍ୟେକ ଉନ୍ନୟନ ମୂଳକ କାର୍ଯ୍ୟ ରେ ସ୍ଵଚ୍ଛତା ଆଣିବାରେ ପରାମର୍ଶ କରିଥିଲେ l ପରେ ସର୍କିଟ ହାଉସ ଠାରେ ସୁଭଦ୍ରା ଭଉଣୀ ଏବଂ ଲକ୍ଷପତି ଦିଦି ଙ୍କ ସହ ମଧ୍ୟାହ୍ନ ଭୋଜନ କରିଥିଲେ । ଏହି ଅବସରରେ କାର୍ଯ୍ୟରତ ସାମ୍ୱାଦିକ ଓ ଜିଲ୍ଲା ର ୫୦ ରୁ ଉର୍ଦ୍ଧ୍ବ ଅନୁଷ୍ଠାନ ପକ୍ଷରୁ ଉପ ମୂଖ୍ୟମନ୍ତ୍ରୀ ଙ୍କୁ ଦାବୀ ପତ୍ର ପ୍ରଦାନ କରାଯାଇଥିଲା l