12-Aug-2025

ବଲାଙ୍ଗିର: ଓଡ଼ିଶାର ଉପ ମୁଖ୍ୟମନ୍ତ୍ରୀ ତଥା ଶିଶୁ, ମହିଳା ବିକାଶ ଓ ପର୍ଯ୍ୟଟନ ବିଭାଗ ମନ୍ତ୍ରୀ ପ୍ରଭାତୀ ପରିଡ଼ା ସୋମବାର ଖପ୍ରାଖୋଲ ବ୍ଲକ୍ ର ପ୍ରମୁଖ ପୁଣ୍ୟ କ୍ଷେତ୍ର ତଥା ପର୍ଯ୍ୟଟନ ସ୍ଥଳୀ ହରିଶଙ୍କର ଗସ୍ତ କରିଥିଲେ। ଏହି ଅବସରରେ ଭାଜପା ତରଫରୁ ଖପ୍ରାଖୋଲ ଥାନା ଛକରେ ଭବ୍ୟ ସ୍ଵାଗତ କରାଯାଇଥିଲା। ଏହି ଅବସରରେ ହରିଶଙ୍କର  ବନ ବିଭାଗ ଡାକ ବଙ୍ଗଳା ପାର୍କ ରେ ଉପ ମୁଖ୍ୟମନ୍ତ୍ରୀ ଚାରା ରୋପଣ କରିଥିଲେ। ପରେ ହରିଶଙ୍କର ମନ୍ଦିର ପରିଦର୍ଶନ ସହିତ ହରିଶଙ୍କର ଠାକୁରଙ୍କ ଦର୍ଶନ କରିଥିଲେ। ପରେ ଝରଣା କୁଳ, ପ୍ରାକୃତିକ ଶୋଭାରାଜି  ଦେଖି ଥିଲେ। ସ୍ଥାନୀୟ ପ୍ରଶାସନ, ସ୍ଵୟଂ ସହାୟକ ଗୋଷ୍ଠୀର ମହିଳା, ଦେବୋତ୍ତର କମିଟି ସଦସ୍ୟ, ପୂଜକ ମାନଙ୍କ ସହିତ ଆଲୋଚନା କରିଥିଲେ। ଶେଷରେ ପର୍ଯ୍ୟଟନ ବିଭାଗ ଓ ପୂର୍ତ୍ତ ବିଭାଗ ଦ୍ଵାରା ତୃତୀୟ ପର୍ଯ୍ୟାୟ ରୂପାନ୍ତରଣ ଓ ଉନ୍ନୟନ ଉପରେ ପ୍ରସ୍ତୁତ ମାଷ୍ଟର ପ୍ଲାନ୍  ଉପମୁଖ୍ୟମନ୍ତ୍ରୀ ଙ୍କୁ ଦେଖେଇ ବୁଝାଇ ଥିଲେ। ପ୍ରାକୃତିକ ଶୋଭା କୁ ସୁରକ୍ଷା ଦେଇ ଉନ୍ନୟନ କରିବାକୁ ଉପ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ। ଏହି ଅବସରରେ ରାଜ୍ୟ ପର୍ଯ୍ୟଟନ ବିଭାଗ କମିଶନର ତଥା ସଚିବ ବଳବନ୍ତ ସିଂ,ଭବାନୀପାଟଣା ଆଞ୍ଚଳିକ ମୁଖ୍ୟ ବନ ସଂରକ୍ଷକ ସନ୍ତୋଷ କୁମାର ଯୋଷୀ,ବଲାଙ୍ଗିର ଜିଲ୍ଲାପାଲ ଗୌରବ ଶିବାଜୀ ଇସବୱାଲ, ମନ୍ତ୍ରୀ ଙ୍କ ଓ ଏସ ଡି ମନୋଜ ବେହେରା, କଣ୍ଟାବାଞ୍ଜି ପୂର୍ତ୍ତ ବିଭାଗ ନିରୀକ୍ଷଣ ଯନ୍ତ୍ରୀ ଜ୍ଞାନ ରଞ୍ଜନ ନାଏକ, ବଲାଙ୍ଗିର ଡି ଏଫ୍ ଓ ଅଜିତ କୁମାର ବିଶି,ପାଟଣାଗଡ ଉପ ଜିଲ୍ଲାପାଳ ସୁନୀଲ କୁମାର ମେହେର,ପାଟଣାଗଡ ଉପଖଣ୍ଡ ପୋଲିସ ଅଧିକାରୀ ସଦାନନ୍ଦ ପୁଝାରୀ, ଖପ୍ରାଖୋଲ ବିଡ଼ିଓ ବିବେକାନନ୍ଦ ଷଡ଼ଙ୍ଗୀ, ତହସିଲଦାର ସତ୍ୟ ସୁନ୍ଦର ରାଉତରାୟ, ବ୍ଲକ୍ ସହକାରୀ ନିର୍ବାହୀ ଯନ୍ତ୍ରୀ ରାଜ କିଶୋର ନାଏକ,ଭାଜପା ଜିଲ୍ଲା ସଭାପତି ଶ୍ରୀବତ୍ସ ବେହେରା ସମେତ ଦଳୀୟ କର୍ମୀ ଉପସ୍ଥିତ ଥିଲେ। ଏହା ପୂର୍ବରୁ ଶ୍ରୀମତି ପରିଡା  କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ଙ୍କ ସହ ରାଣୀପୁର୍ -ଝରିଆଲ ଏୈତିହାସିକ ପୀଠର ପରିଦର୍ଶନ କରି ସେଠିକାର ବିକାଶ ପାଇଁ ୮୮ କୋଟି ଟଙ୍କାର ଅନୁଦାନ ଘୋଷଣା କରି ଥିଲେ l ସନ୍ଧ୍ୟାରେ ବଲାଙ୍ଗିର ଷ୍ଟେଟ ଇନଷ୍ଟିଚ୍ୟୁଟ ଅଫ ହୋଟେଲ ମ୍ୟାନେଜମେଣ୍ଟ ଅନୁଷ୍ଠାନର ସଭା କକ୍ଷରେ ମହିଳା ଓ ଶିଶୁ କଲ୍ୟାଣ ବିଭାଗର ସମୀକ୍ଷା କରିଥିଲେ l ଜିଲ୍ଲାରେ ଚାଲିଥିବା ସୁଭଦ୍ରା ଯୋଜନା , ସମନ୍ବିତ ଶିଶୁ ବିକାଶ ଯୋଜନା, ଲକ୍ଷ୍ଯ ପତି ଦିଦି କାର୍ଯ୍ୟକ୍ରମ ର ସମୀକ୍ଷା କରିଥିଲେ l ଶେଷରେ ଏସ୍ ଆଇ ଏଚ୍ ଏମ୍ ଅନୁଷ୍ଠାନର ଛାତ୍ର ଛାତ୍ରୀ ଙ୍କ ସହିତ ଆଲୋଚନା କରି ଅନୁଷ୍ଠାନକୁ ଶୀର୍ଷ ପହଞ୍ଚାଇବାରେ ସରକାର ସହାୟତା କରିବ ବୋଲି ପ୍ରତିଶ୍ରୁତି ଦେଇଥିଲେ l ଏହି ସମୀକ୍ଷା ବୈଠକରେ ପର୍ୟଟନ ବିଭାଗର ସଚିବ ବଳବନ୍ତ ସିଂହ ,ଜିଲ୍ଲାପାଳ ଗୌରବ ଶିବାଜୀ ଇସ ଲୱାର , ଏସ୍ ଆଇ ଏଚ୍ ଏମ୍ ଅନୁଷ୍ଠାନର ଅଧ୍ୟକ୍ଷ ଡଃ. ସୁରେଶ୍ ଏକନାଥ,  ବିଜେପି ଜିଲ୍ଳା ସଭାପତି ଶ୍ରୀବତ୍ସ ବେହେରା,  ବରିଷ୍ଠ ନେତା ଗୋପାଳଜୀ ପାଣିଗ୍ରାହୀ ଙ୍କ ସମେତ ବହୁ କାର୍ୟ କର୍ତ୍ତା ଉପସ୍ଥିତ ଥିଲେ l