09-Aug-2025

କଣ୍ଟାମାଳ(ଜୟ କୁମାର ମହାରଣା): ସମଗ୍ର ଦେଶରେ ପାଳିତ ହେଉଛି ରକ୍ଷା ବନ୍ଧନ ଉତ୍ସବ, ଭାଇ ଭଉଣୀ ମଧ୍ୟରେ ରହିଥିବା ଅତୁଟ ବନ୍ଧନକୁ ମଜବୁତ କରିବା ସହ ଭଉଣୀର ସୁରକ୍ଷା ପାଇଁ ଭାଇ ହାତରେ ଭଉଣୀ ରାକ୍ଷୀ ବାନ୍ଧି ସାକ୍ଷୀ ରଖିଥାଏ l ସେହିପରି ଆଜିର ଦୁନିଆରେ ବୃକ୍ଷ ଆମକୁ ସୁରକ୍ଷା ଦେବା ସହ ଆମ ମୂଲ୍ୟବାନ ଜୀବନକୁ ରକ୍ଷା କରୁଥିବା ହେତୁ ବୃକ୍ଷରାଜିର

ସୁରକ୍ଷା ଆମରି ଦାୟିତ୍ୱ ବୋଲି କଣ୍ଟାମାଳ ବ୍ଲକ ଝଗୁଡୁପାଲିଠାରେ ଅନୁଷ୍ଠିତ ବୃକ୍ଷ ରକ୍ଷାବନ୍ଧନ କାର୍ଯ୍ୟକ୍ରମରେ ଅତିଥିମାନେ ମାତବ୍ୟକ୍ତ କରିଛନ୍ତି l  ଆଜି ପୂର୍ବାହ୍ନରେ ଅନୁଷ୍ଠିତ ଉତ୍ସବରେ ମୂଖ୍ୟ ଅତିଥିଭାବେ ଜିଲ୍ଲା ପରିଷଦ ଉପାଧ୍ୟାକ୍ଷ ଶଙ୍କର୍ଷଣ ପ୍ରଧାନ, ଦୁଇ ନଂ ନମ୍ବର ଜ଼ିଲ୍ଲା ପରିଷଦ ସଭ୍ୟା ପଦ୍ମାଳୟା ପ୍ରଧାନ, ବରିଷ୍ଠ ସାମ୍ବାଦିକ ଦିବ୍ୟଶଙ୍କର ରାଉତ, ବିଜେପି ଯୁବାମୋର୍ଚ୍ଚା ସାଧାରଣ ସମ୍ପାଦକ ଓମ ପ୍ରକାଶ ମିଶ୍ର,

ଯୁବନେତା ଅନିଲ ପ୍ରଧାନ ଖଲିଆପାଲି ଗ୍ରା. ପ ସରପଞ୍ଚ ପ୍ରତିନିଧି ଜେମାକାନ୍ତ ନାୟକ ପ୍ରମୁଖ ଉପସ୍ଥିତ ରହି ବୃକ୍ଷ ପୂଜା କରିବା ସହ ବୃକ୍ଷରାଜିରେ ରାକ୍ଷୀ ବାନ୍ଧି ଥିଲେ l ଉପସ୍ଥିତ ଅତିଥି ମାନେ ଗ୍ରାମବାସୀଙ୍କ ଏଭଳି ଜଙ୍ଗଲ ସୁରକ୍ଷା ଓ ବୃକ୍ଷ ରକ୍ଷା ବନ୍ଧନ ଭଳି ମହତ କାର୍ଯ୍ୟକୁ ଭୁୟଶୀ ପ୍ରଶଂସା କରିଥିଲେ l ସମସ୍ତ କାର୍ଯ୍ୟକ୍ରମକୁ ଠାକୁର ନାୟକ ସଂଯୋଜନା କରିଥିବା ବେଳେ ଗ୍ରାମର ଶତାଧିକ ମହିଳା, ପୁରୁଷ, ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ l