08-Aug-2025

ଜରୁରୀକାଳୀନ ସେବାରୁ ବଞ୍ଚିତ ହେଉଛନ୍ତି ଅଞ୍ଚଳବାସୀ 

 କାଲିମେଳା(ସନ୍ତୋଷ କୁମାର ପଣ୍ଡା): ମାଲକାନଗିରି ଜିଲ୍ଲା କାଲିମେଳା ବ୍ଲକ ସବୁଠାରୁ ବଡ଼ ବ୍ଳକ ଭାବରେ ପରିଚିତ। ଏଥିରେ ୨୩ ଗୋଟି ଗ୍ରାମପଞ୍ଚାୟତ ଲୋକ ନିର୍ଭର କରିଥାନ୍ତି। ବ୍ଳକ ହେଉ କିମ୍ବା ତହସିଲ ସମସ୍ତେ ଏଠାକୁ ଆସି ନିଜର ସମସ୍ୟା ବଡ ବାବୁ ମାନଙ୍କୁ ଜଣେଇଥାନ୍ତି।ଏହି ପରି ଅବସ୍ଥା ରେ ଲୋକଙ୍କ ଜାତିଗତ ସାର୍ଟିଫିକେଟ, ସ୍ଥାନୀୟ ବାସିନ୍ଦା ସାର୍ଟିଫିକେଟ ଏବଂ ବିଭିନ୍ନ ସମସ୍ୟା ନେଇ ତହସିଲଦାର ପାଖରେ ଯାଇଥାନ୍ତି lକିନ୍ତୁ କେତେବେଳେ ତହସିଲଦାର ରୁହନ୍ତି ମୋଟୁ ତ ଆଉ କେତେବେଳେ ରୁହନ୍ତି କାଲିମେଳା ରେ l ଏଭଳି ସ୍ଥିତିରେ କିଭଳି ଲୋକଙ୍କ ସମସ୍ୟା ଦୂର ହୋଇପାରିବ ତାକୁ ନେଇ ବଡ଼ପ୍ରଶ୍ନବାଚୀ ସୃଷ୍ଟି ହୋଇଛି l ତହସିଲଦାର ନ ଥିଲେ କୌଣସି କାମ ହେଉ ନଥିବା ବେଳେ କିପରି ଲୋକଙ୍କ ଏହାର ସମାଧାନ ହେଇପାରିବ ?ତହସିଲ କାର୍ଯ୍ୟାଳୟ ର ବାବୁଙ୍କୁ କହିଲେ ତହସିଲଦାର ନାହାନ୍ତି ଆସିଲେ ହେଇଯିବ ବୋଲି କହୁଥିବା ବେଳେ ବହୁ ଦୂରରୁ ଆସୁଥିବା ଲୋକେ ହଇରାଣ ହେଉଥିବା ଦେଖିବା ପାଇଁ ମିଳୁଛି lତେବେ ତହସିଲଦାର ସାରଙ୍କ ବିନା ପରମିଶନରେ କୌଣସି କାର୍ଯ୍ୟ ହୋଇପାରୁ ନ ଥିବା ବେଳେ ବିଚରା ଯିଏ ଏହି ସାର୍ଟିଫିକେଟ ବା ଅନ୍ୟ କୌଣସି କାମରେ ଆସିଥାଏ ତେବେ ସେ ଯିବ ତ ଯିବ କାହା ପାଖକୁ। ଏହିପରି ଅବସ୍ଥା ରେ ଚାଲିଛି କାଲିମେଳା ତହସିଲ କାର୍ଯ୍ୟାଳୟ। ଯେତେବେଳେ ଲୋକେ ସାର ଙ୍କୁ ଜରୁରୀ କାମ ପାଇଁ ଦେଖା କରିବାକୁ ଯିବେ ସାର ନ ଥିଲେ କିରାଣୀ ମାନେ କୁହନ୍ତି ସାର ପରା ମୋଟୁ ତହସିଲ କୁ ଯାଇଛନ୍ତି। ଏବେ ପ୍ରଶ୍ନ  ଲୋକ ଯିବେ ତ  କୁଆଡେ ଯିବେ କାହା ପାଖକୁ ଯିବେ। କାହା ପାଖରେ ଗୁହାରି ଜଣାଇବେ। କାଲିମେଳା ତହସିଲ ରେ ନାହିଁ ଅତିରିକ୍ତ ତହସିଲଦାର।ଲୋକମାନେ ଚେମ୍ବର କୁ ଗଲେ ଚେମ୍ବର ଫଙ୍କା। ସେହିପରି ଅବସ୍ଥାରେ ମୋଟୁ ତହସିଲ ଲୋକମାନେ ପଟା, ମେରେଜ ସାର୍ଟିଫିକେଟ ଏଭଳି ଅନ୍ୟାନ୍ୟ କାମ ଗୁଡିକ ପାଇଁ ଗଲେ

ନୟାନ୍ତ ହୋଇ ଫେରିବା ପାଇଁ ପଡୁଛି l ଜଣେ ଲୋକ ତାହାର ସବୁ କାମ ଛାଡି ସେ ତହସିଲ କାମ ପାଇଁ ମାସ ମାସ ଧରି ବୁଲିବପରେ ବି ତାହାର କାମ ହେଉ ନ ଥିବା ବେଳେ ଜରୁରୀ  କାମ ସବୁ ଅଟକି ରହୁଥିବା ଦେଖିବା ପାଇଁ ମିଳୁଛି l ତେବେ କିଭଳି ଏହି ଜରୁରୀ କାଳୀନ କାମ ଗୁଡିକ ହେଇ ପାରିବ ତାକୁ ନେଇ ଚିନ୍ତାରେ ଅଞ୍ଚଳବାସୀ । ମୋଟୁ ଅଞ୍ଚଳବାସୀ ସରକାରଙ୍କୁ ଦାବି କରିଛିନ୍ତି ଯଥା ଶୀଘ୍ର ନୂତନ ତହସିଲ ଦାର କୁ ମୋଟୁ ରେ ନିଯୁକ୍ତି ଦିଆଯାଉ।ତେବେ ଦେଖିବା ପାଇଁ ବାକି ରହିଲା କେବେ ଏହି ସମସ୍ୟାର ସମାଧାନ ହେବ ଏବଂ କେବେ ଏହିସବୁ ସୁବିଧା ପାଇବେ ତାହା ଦେଖିବା ପାଇଁ ବାକି ରହିଲା  l