07-Aug-2025

ବଲାଙ୍ଗିର(ଦେବାଶିଷ ବହିଦାର): ଜିଲ୍ଲା ନ୍ୟାୟାଧିଶ ତଥା ଜିଲ୍ଲା ଆଇନ ସେବା ପ୍ରାଧିକରଣର ଅଧ୍ୟକ୍ଷ ଡ. ପବିତ୍ର ମୋହନ ସାମଲ ତତ୍ବାବଧାନରେ ପ୍ରାଧିକରଣର ସଭାଗୃହ ଠାରେ ପ୍ରାଧିକରଣର ତଥା ଲୋଇସିଂହା ଓ ସଇଁତଳାର ତାଲିକାଭୁକ୍ତ ପାରା ଲିଗାଲ ସ୍ୱେଚ୍ଛାସେବୀ ମାନଙ୍କ ପାଇଁ ଏକ ତାଲିମ ଶିବିର ତା ୦୭.୦୮.୨୦୨୫ ରିଖ ରେ ଅନୁଷ୍ଠିତ ହୋଇଯାଇଅଛି । ଏହି ଶିବିରକୁ ପ୍ରାଧିକରଣର ଅଧକ୍ଷ ଡ. ସାମଲ ଉଦ୍‌ଘାଟନ କରି ଥିଲେ ଓ ସ୍ୱେଚ୍ଛାସେବୀ ମାନଙ୍କୁ ସଂବିଧାନ ଓ କାନୁନ ଅନୁଯାୟୀ ଅଧିକାର, କର୍ତ୍ତବ୍ୟ  ଓ ଦାୟିତ୍ୱ ବିଷୟରେ ଅନୁପ୍ରାଣିତ କରିଥିଲେ । ଏହି ଶିବିରରେ ଜିଲ୍ଲା ଆଇନ ସେବା ପ୍ରାଧିକରଣ ସଚିବ ପବିତ୍ରାନନ୍ଦ ପ୍ରଧାନ ବିଭିନ୍ନ ପ୍ରକାର ବିବାଦ କିଭଳି ଲୋକ ଅଦାଲତ, ମଧ୍ୟସ୍ଥତା, ଆର୍ବିଟ୍ରେସନ ମାଧ୍ୟମରେ ସ୍ୱଳ୍ପ ଓ ଶୀଘ୍ର ସମାଧାନ ମିଳିପାରିବ, ତାହା ସଚେତନ କରାଇ ଥିଲେ । ଉକ୍ତ ଶିବିରରେ ଅଧ୍ୟାପକ ଚଣ୍ଡିପ୍ରସାଦ ଖମାରୀ ଆଇନଜୀବୀ  କୁଶଲ ପଟେଲ, ଡି.ଏସ.ପି  ତାରାବତି ପ୍ରଧାନ ଓ ଭାରତୀ ନାୟକ, ସମୁଖ କାର୍ଯ୍ୟାଳୟ ରିଟେନର ସୁଧାଂସୁ ଶେଖର ଶତପଥୀ. ଡି.ସି.ପି.ଓ ଦିଗାମ୍ବର କର, ପ୍ରମୁଖ ଆଇନ ସେବା ପ୍ରତିକ୍ଷକ ଆଇନଜୀବୀ ଅରବିନ୍ଦ ପୁଜାରୀ ଆଦି ଯୋଗ ଦେଇ ପାରା ଲିଗାଲ ସ୍ୱେଚ୍ଛାସେବୀ ମାନଙ୍କୁ ବିଭିନ୍ନ ଆଇନ ସମ୍ବନ୍ଧରେ ପ୍ରଶିକ୍ଷଣ ଦେଇଥିଲେ ।