07-Aug-2025

ବିନିକ(ହିମାଂଶୁ ଶେଖର ପୁଟେଲ) ବିନିକା ଏନଏସି ହଲ ଠାରେ ଆସନ୍ତା ୧୫ତାରିଖରେ ହେବାକୁ ଥିବା ସ୍ଵାଧୀନତା ଦିବସ ପାଳନ ନେଇ ନଗରପାଳ ସୁବାସ ଚନ୍ଦ୍ର ଭୋଇଙ୍କ ଅଧ୍ୟକ୍ଷତାରେ ଏନଏସି ସ୍ତରୀୟ ବୈଠକ ଅନୁଷ୍ଠିତ ହୋଇଥିଲା ।କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ଭୋଇ ସ୍ଵାଧୀନତା ଦିବସ ପାଳନର ମହତ୍ତ୍ଵ ଓ ତାର ରୂପରେଖ ଉପରେ ଆଲୋକପାତ କରିଥିଲେ ।ସେହିଦିନ ସିଦ୍ଧାର୍ଥ ଗରୁଡ଼ କ୍ୟାମ୍ପସ ପଡ଼ିଆରେ ବୀରମହାରାଜପୁର ବିଧାୟକ ଇଂଜିନିୟର ରଘୁନାଥ ଜଗଦଲା ମୁଖ୍ୟଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସାଂଗକୁ ଜନ ସମାବେଶକୁ ଉଦବୋଧନ ଦେବାର କାର୍ଯ୍ୟକ୍ରମ ରହିଛି ବୋଲି ଚୂଡାନ୍ତ ହୋଇଥିଲା। ବୈଠକରେ ସମସ୍ତଙ୍କ ପ୍ରସ୍ତାବ କ୍ରମେ ମୁଖ୍ୟ ଅତିଥି ଜାତୀୟ ପତାକା ଉତ୍ତୋଳନ କରିବା ପରେ ଉପସ୍ଥିତ ସମସ୍ତ ସ୍କୁଲର ଛାତ୍ରଛାତ୍ରୀ,ବିଭିନ୍ନ ସରକାରୀ/ବେସରକାରୀ ଅନୁଷ୍ଠାନର କର୍ମକର୍ତ୍ତା,ଜନସାଧାରଣଙ୍କ ତରଫରୁ ଏକ ସଙ୍ଗରେ ଜାତୀୟ ସଙ୍ଗୀତ ଗାନ କରାଯିବ ।ପରେ  ମନୋରଞ୍ଜନ ପାଇଁ ବିଭିନ୍ନ ସ୍କୁଲ ତରଫରୁ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଟିତ ହେବ । ଏହି ବୈଠକରେ ବିନିକା ଥାନା ଅଧିକାରୀ ସତ୍ୟ ନାରାୟଣ ପ୍ରଧାନଙ୍କ ସମେତ ପରିଷଦ କାଉନସିଲ,ବିଭିନ୍ନ ସ୍କୁଲ କଲେଜ ଓ ସରକାରୀ କାର୍ଯ୍ୟାଳୟର କର୍ମଚାରୀମାନେ ମାନେ ଯୋଗଦେଇ ଆଲୋଚନାରେ ଭାଗ ନେଇଥିଲେ ।ସଭାରେ ପୂର୍ବତନ ପରିଷଦ କର୍ମଚାରୀ ସନ୍ତୋଷ ବଞ୍ଛୋର ସ୍ବାଧୀନତା ଦିବସ ପାଳନ ବିସ୍ତୃତ ଉପରେ କହିଥିଲେ  l ବିଗତ ବର୍ଷ ମାନଙ୍କ ଅପେକ୍ଷା ଚଳିତ ବର୍ଷ ଯେପରି ଅଧିକ ଉତ୍ସାହିତ ହେବ ସେନେଇ ପ୍ରସ୍ତାବ ଗୃହୀତ ହୋଇଥିଲା  l ସେହିପରି ଯୋଗଦେଉଥିବା ମାନ୍ୟଗଣ୍ୟ ବ୍ୟକ୍ତି ବିଶେଷଙ୍କ ବସିବା ପାଇଁ ଏବଂ ଶାନ୍ତି ଶୃଙ୍ଖଳା ଦିଗରେ ବିଭିନ୍ନ ସ୍ୱେଚ୍ଛାସେବୀ ଅନୁଷ୍ଠାନ କର୍ମକର୍ତ୍ତାଙ୍କୁ ଦାୟିତ୍ଵ ନିର୍ବାହ ପାଇଁ ଆଲୋଚନା କରାଯାଇଥିଲା l ଶେଷରେ ଯୁବ ଆଇନଜୀବୀ ପ୍ରଶାନ୍ତ ଦଣ୍ଡ ସନା ଧନ୍ୟବାଦ ଅର୍ପଣ କରିଥିଲେ ।