06-Aug-2025

ଭୁବନେଶ୍ବର(ପ୍ରେରଣା ଖବର): ଶ୍ରୀ ଭୀମେଶ୍ଵର ମନ୍ଦିର ପରିସରରେ ରାଧାକୃଷ୍ଣ ମନ୍ଦିର ସ୍ଥାପିତ ହେବାପର ଠାରୁ ପ୍ରତିବର୍ଷ ଶ୍ରାବଣ ମାସ ଶୁକ୍ଳ ଏକାଦଶୀଠାରୁ ପୂର୍ଣ୍ଣିମା ଯାଏ ପାଞ୍ଚଦିନ ଝୁଲଣ ଉତ୍ସବ ପାଳିତ ହୋଇ ଆସୁଅଛି। ଏ ଝୁଲଣ ଉତ୍ସବ ସମ୍ପର୍କରେ ଆମେ ଅଳ୍ପେ ବହୁତେ ଜାଣିଥାଏ। ଦ୍ବାପର ଯୁଗରେ ଚତୁର୍ମାସ୍ୟା କାଳରେ ପ୍ରଭୁ ଶ୍ରୀକୃଷ୍ଣ ଶ୍ରୀରାଧା ଓ ଗୋପିମାନଙ୍କ ଗହଣରେ ଯେଉଁ ରାସଲୀଳା କରୁଥିଲେ, ଏ ଝୁଲଣ ତାହାର ଅଂଶ ବିଶେଷ। ଏହାର ବିଶେଷ ବର୍ଦ୍ଧନା ଭାଗବତରେ ସୁନ୍ଦର ଭାବେ ବର୍ଣ୍ଣିତ ହୋଇଛି। ସେବେଠାରୁ ମନ୍ଦିର ମଠ ମାନଙ୍କରେ ରେ ରାଧାକୃଷ୍ଣଙ୍କ ବିଗ୍ରହକୁ ବେଶକରି ସୁସଜ୍ଜିତ ଦୋଳିରେ ଝୁଲାଇ ତାଙ୍କ ନିକଟରେ ନୃତ୍ୟ, ଗୀତ, ଭଜନ, ଜଣାଣ ମାଧ୍ୟମରେ ଭକ୍ତମାନେ ନିଜ ଅନ୍ତରର ଭକ୍ତି ନୈବେଦ୍ୟ ସମର୍ପଣ କରିଥାନ୍ତି।

ଆଜି ସଂସାର ଜଞ୍ଜାଳରୁ କିଛି ସମୟ ନିଜକୁ ମୁକ୍ତକରି ବହୁସଂଖ୍ୟକ ଶ୍ରଦ୍ଧାଳୁ ପ୍ରଭୁଙ୍କର ଏହି ଅପୂର୍ବ ଉତ୍ସବରେ ଯୋଗ ଦେଇ ତାଙ୍କ ନିକଟରେ ନୃତ୍ୟ, ଗୀତ, ଭଜନ ଜଣାଣ ମାଧ୍ୟମରେ ନିଜର ଭକ୍ତି ନିବେଦନ କରିବାସହ ଝୁଲଣ ଯାତ୍ରାର ମାଧୁର୍ଯ୍ୟ ଓ ଆଧ୍ୟାତ୍ମିକ ବାତାବରଣ ସ୍ରୋତରେ ନିଜକୁ ହଜାଇ ପାରିଥିଲେ।

ଏହି ଝୁଲଣଯାତ୍ରା ଆସନ୍ତା ଶନିବାର ପୁର୍ଣିମାରେ ସମ୍ପୂର୍ଣ୍ଣ ହେବ। ଆୟୋଜକମାନେ, ଏହି ଦିନମାନଙ୍କରେ ସ୍ଥାନୀୟ ଅଞ୍ଚଳର ଶ୍ରଦ୍ଧାଳୁ ଭକ୍ତମାନେ ବହୁସଂଖ୍ୟାରେ ଯୋଗଦାନ ନିମିତ୍ତ ନିବେଦନ କରିଛନ୍ତି।