05-Aug-2025

ସୁବର୍ଣ୍ଣପୁର, (ମନୋରଞ୍ଜନ ତ୍ରିପାଠୀ)
ରାଜ୍ୟ ସରକାର ଆଦିବାସୀ ଜନଜାତି ଶ୍ରେଣୀ ଲୋକଙ୍କ ଶିକ୍ଷା,ସ୍ଵାସ୍ଥ୍ୟ, ଗମନା ଗମନ, ପାନୀୟ ଜଳ ଯୋଗାଣ, ଖାଦ୍ୟ ପୋଷାକ ସବୁ ମାଗଣାରେ ଯୋଗାଇ ଦେବାକୁ ଅନେକ ଯୋଜନା କରି କୋଟି କୋଟି ଟଙ୍କା ବ୍ୟୟ କରୁଥିବା ବେଳେ ସୋନପୁର ସହର ର ଅଞ୍ଚଳ ୧୦ ନମ୍ବର ୱାର୍ଡ ରେ ବସବାସ କରୁଥିବା ଆଦିବାସୀ ଜନଜାତି ଶ୍ରେଣୀର ଲୋକଙ୍କ ପାଇଁ ନା ପାଣି ନା ରାସ୍ତା ସୁବିଧା ନା ବିଜୁଳି ର ସୁବିଧା ଯୋଗାଇଛି l ମୌଳିକ ସୁବିଧାରୁ ବଞ୍ଚିତ ଏ ତଳ ଓ ଉପର କୁଲପଡ଼ା ବାସୀ ଲୋକେ l ସୋନପୁର ପଟାଭାଡ଼ି ସ୍ଥିତ ତଳ କୁଲପଡ଼ା ରୁ ଉପର କୁଲପଡ଼ା ରାସ୍ତା ଦୀର୍ଘ ଦିନରୁ ଅତି ଶୋଚନୀୟ ହୋଇପଡ଼ିଛି l ସହର ର ଏ ତଳି ଅଞ୍ଚଳ ଲୋକଙ୍କ ପାଇଁ ପୌର ପରିଷଦ ସୋନପୁର ପକ୍ଷରୁ ବହୁ ବର୍ଷ ପୁର୍ବରୁ ରାସ୍ତା ଟିଏ ନିର୍ମାଣ କରାଯାଇଥିଲା l  କିନ୍ତୁ ଏ ଅଞ୍ଚଳର ରାସ୍ତା ପୁଣି ଅତ୍ୟନ୍ତ ଶୋଚନୀୟ ହୋଇ ପଡି ଥିବା ସତ୍ତ୍ବେ ଓ ପୌର ପରିଷଦ କୁ ବାରମ୍ବାର ଅଭିଯୋଗ କରିବା ସତ୍ତ୍ୱେ ପୌର ପରିଷଦ ଅଧିକାରୀ ଓ ସ୍ଥାନୀୟ ଲୋକ ପ୍ରତିନିଧି ନ ଶୁଣିବାରୁ ଲୋକେ ବହୁତ ଅସୁବିଧା ଭୋଗୁଛନ୍ତି l ଏ ରାସ୍ତା ପୁଣି ଜିଲ୍ଲା ପ୍ରଶାସନର ୱେଷ୍ଟ ମେନେଜମେଣ୍ଟ ପ୍ରକଳ୍ପ , ଓ ଗୋଶାଳା ପ୍ରକଳ୍ପ ଆଦି ଅଞ୍ଚଳକୁ ସଂଯୋଗୀ କରଣ ହୋଇଥିବା ଜଣାଯାଇଛି l ଯାହାକି ସାଧାରଣ ଲୋକ ଙ୍କ ସହ ଗୋଶାଳା ଓ ପୌର ପରିଷଦର ୱେଷ୍ଟ ମେନେଜ୍ ମେଣ୍ଟ ପ୍ରକଳ୍ପ ପରିଚାଳକଙ୍କୁ ବର୍ଷା ଦିନରେ ଯିବା ଆସିବା ଖୁବ୍ କଷ୍ଟ ହେଉଛି l ଲୋକେ ନାନା ଦୁର୍ଘଟଣା ର ଶିକାର ମଧ୍ୟ ହେଉଛନ୍ତି l ଏ ଅଞ୍ଚଳରେ ଠିକ୍ ସମୟରେ ପିଏଚଡି ପାଣି ଯୋଗାଇବା ରେ ଓ ଆଲୋକିକରଣ ରେ ମଧ୍ୟ ଅବହେଳିତ ହେଉ ଥିବା ଜଣାଯାଇଛି l ହୋଲ୍ଦିଂ ଟ୍ୟାକ୍ସ, ଜଳ କର ରେଗୁଲାର ଭାବେ ଦେଉଥିବା ଏ ଅଞ୍ଚଳ ର ଲୋକ ଙ୍କ ପାଇଁ କାହିଁକି ରାସ୍ତା ଘାଟ ପାନୀୟ ଜଳ ବିଦ୍ୟୁତ୍ କରଣ ବ୍ୟବସ୍ଥା ଠିକ୍ ସେ ଯୋଗାଇ ଦେଉନି ବୋଲି ଏ ଅଞ୍ଚଳର ଲୋକେ ଅଭିଯୋଗ କରିଛନ୍ତି l ଓ ଜିଲ୍ଲାପାଳ କାର୍ଯ୍ୟଳୟ ର ଖୁବ୍ ନିକଟରେ ଥିବା ସତ୍ତ୍ବେ ବି ଏ ଅଞ୍ଚଳ ଅନୁନ୍ନତ ହୋଇ ଜିଲ୍ଲା ପ୍ରଶାସନର ଦୃଷ୍ଟି ଆଢ଼ୁଆଳରେ ରହି ଥିବା ପ୍ରକାଶ କରିଛନ୍ତି ଏ ଅଧିବାସୀ ।  ଓ ତୁରନ୍ତ ଏହାର ସମାଧାନ ଦିଗରେ ପ୍ରଶାସନ ପଦକ୍ଷେପ ଗ୍ରହଣ କରିବାକୁ ଅଞ୍ଚଳ ବାସୀ ଦାବୀ କରିଛନ୍ତି l