31-Jul-2025

(ରାମନାଥ ପଣ୍ଡା)
 ପଲ୍ଲୀବିକାଶର ସମ୍ପାଦକ ତଥା  ପ୍ରତିଷ୍ଠାତା ଶ୍ରୀଯୁକ୍ତ ସୁରେଶ କୁମାର ରାଉତ, ଚଲାନ ପଡାଙ୍କୁ  ନୂଆଁ ଦିଲ୍ଲୀ ଚାଣକ୍ୟପୁରୀ ସ୍ଥିତ ଦି ଅଶୋକ ହୋଟେଲ ଠାରେ ସମାଜସେବା ପାଇଁ ଆନ୍ତର୍ଜାତୀୟ ସଂସ୍ଥା ୱାଲ୍ଡ ହ୍ୟୁମାନ ରାଇଟ ପ୍ରୋଟେକଶନ କମିଶନ ଓ ଅନୋରାରୀ ଡକ୍ଟରେଟ ଆୱାର୍ଡ କାଉନସିଲ ପକ୍ଷରୁ ସମ୍ମାନସୂଚକ ଡକ୍ଟରେଟ ପ୍ରଦାନ କରାଯାଇଛି । ଏହି ବର୍ଣ୍ଣାଢ଼୍ୟ ସମାରୋହରେ ଦେଶର ବିଭିନ୍ନ ପ୍ରାନ୍ତରୁ ଚୟନ ହୋଇଥିବା ପ୍ରତିଭାଙ୍କୁ ଡକ୍ଟରେଟ୍ ସମ୍ମାନରେ ସମ୍ମାନୀତ କରାଯାଇଛି। ଦେଶ ର ବିଭିନ୍ନ ସ୍ଥାନରୁ ଆସିଥିବା ସମସ୍ତ ୧୩୪ ପ୍ରତିଭା ମାନଙ୍କୁ ଅତିଥି ମାନେ ମାନପତ୍ର, ଟ୍ରଫି ଓ ଉପଢ଼ୌକନ ଦେଇ ସମ୍ମାନିତ କରିଥିଲେ।
ଶ୍ରୀଯୁକ୍ତ ରାଉତ ଙ୍କ ପରି ତୃଣମୂଳ ସ୍ତର ର ଜଣେ କର୍ମୀ ଙ୍କୁ ମନୋନୟନ କରି ସମ୍ମାନିତ କରିଥିବାରୁ ଉଭୟ ସଂସ୍ଥା ଖୁସି ବ୍ୟକ୍ତ କରିଛନ୍ତି ! ସେହି ପରି ଉଭୟ ସଂସ୍ଥା ଓ ପରିଷଦ ର କର୍ତୁ ପକ୍ଷ ଙ୍କୁ ମଧ୍ୟ   ନିଜର କୃତଜ୍ଞତା ଜଣାଇଛନ୍ତି । ନୂଆପଡା ଓ  କଳାହାଣ୍ଡି  ଜିଲ୍ଲା ବ୍ୟତୀତ ପଡୋଶୀ ଜିଲ୍ଲା ଗୁଡିକ ରେ ୧୯୯୯ ମସିହାରୁ ବର୍ତମାନ ଯାଏ ତୃଣମୂଳ ସ୍ତରରେ ବିଭିନ୍ନ ସଂଗଠନ ମାଧ୍ୟମ ରେ ସମାଜ ସେବା କାର୍ଯ୍ୟ କରିଆସୁଛନ୍ତି ! ଗ୍ରାମାଞ୍ଚଳ ରେ ଉଦେଶ୍ୟ ମୂଳକ ସଂଗଠନ ସୃଷ୍ଟି ଓ ସୁଦୃଢୀକରଣ କରିବା ସହ ସାଧାରଣ ଲୋକଙ୍କ ସମସ୍ୟା ର ସମାଧାନ କ୍ଷେତ୍ର ରେ ତାଙ୍କର ଭୂମିକା ରହିଛି ! ଗ୍ରାମାଞ୍ଚଳ ରେ  ମହିଳା ସଶକ୍ତିକରଣ , ଛୋଟ ଛୋଟ ଉଦ୍ୟୋଗ ବିକାଶ ,କୃଷି ଭିର୍ତିକ  ଜୀବନ ଜୀବିକା ଅଭବୃଦ୍ଧି , କୋରନା ସମୟ ରେ ରିଲିଫ ସହାୟତା କ୍ଷେତ୍ର ରେ ତାଙ୍କର ଭୂମିକା ଅତୁଳନୀୟ ଅଟେ ! 
 ନୂଆପଡା ମାଟି ର ଏକ କ୍ଷୁଦ୍ର ପଲ୍ଲୀ ଗ୍ରାମ ଚଲାନ ପଡା ରେ ଜନ୍ମ ସହ ନିଜର ଶିକ୍ଷା ଯାତ୍ରା ଆରମ୍ଭ କରି ଆନ୍ତର୍ଜାତୀୟ ସ୍ତର ସଂସ୍ଥା ପକ୍ଷ ରୁ ଡକ୍ଟୋରେଟ ପାଇବା ସୌଭାଗ୍ୟର ବିଷୟ ବୋଲି ଶ୍ରୀ ରାଉତ  କହିଛନ୍ତି । ଏହା ତାଙ୍କୁ ସମାଜ ପାଇଁ ଆହୁରି ଅଧିକ କାର୍ଯ୍ୟ କରିବା ନିମନ୍ତେ ପ୍ରେରଣା ଯୋଗାଇବ ବୋଲି ସେ କହିଛନ୍ତି । 
ଏହି ସମାରୋହରେ ଭାରତ ସରକାର ତଥା ୭ ଟି ବିଭିନ୍ନ ଦେଶର ଆମ୍ବା ସେଡ଼ର, ଆସାମର ପୂର୍ବତନ ରାଜ୍ୟପାଳ ତଥା ଭାରତୀୟ ଜନତା ପାର୍ଟିର ବରିଷ୍ଠ ରାଜନେତା ଶ୍ରୀଯୁକ୍ତ ଜଗଦୀଶ ମୁଖୀ , ଭାରତୀୟ ବଲିଉଡ ଅଭିନେତ୍ରୀ ନୁସରତ ଭାରୁଚା ସହ ଆୟୋଜକ କତୃପକ୍ଷ ମଞ୍ଚାସୀନ ଥିଲେ ! ଏହା ଶୁଣିବା ପରେ ସାଙ୍ଗ ସାଥି , ଗୁରୁଜନ , ସମ୍ପର୍କୀୟ, ସହକର୍ମୀ ଓ ପ୍ରଶଂସକମାନେ ଶ୍ରୀଯୁକ୍ତ ରାଉତ ଙ୍କୁ ଶୁଭେଚ୍ଛା ଜଣାଉ ଥିବା ଦେଖିବା କୁ ମିଳିଛି ! ଏହି ଯାତ୍ରାରେ ମୋର ପରିବାର ସହ ମୋ ସାଥି ରେ ଥିବା  ସମସ୍ତ ଲୋକଙ୍କୁ ମୁଁ ହୃଦୟରୁ ଧନ୍ୟବାଦ ସହ କୃତଜ୍ଞତା ପ୍ରଦାନ କରୁଛି ବୋଲି ଶ୍ରୀ ରାଉତ ପ୍ରକାଶ କରିଛନ୍ତି ।