30-Jul-2025

ନବରଙ୍ଗପୁର  (ମିହିର ଶଙ୍କର ପାତ୍ର) ପାପଡ଼ାହାଣ୍ଡି ବ୍ଲକ ପ୍ରାଥମିକ ଶିକ୍ଷକ ସଂଘ ପକ୍ଷରୁ ସରକାରଙ୍କ ୟୁ.ଏ.ଏସ୍ .ଆପ ପ୍ରଚଳନ ବିରୋଧରେ ଗୋଷ୍ଠୀ ଶିକ୍ଷାଧିକାରୀ,ପାପଡ଼ାହାଣ୍ଡି ଙ୍କୁ ଏକ ଦାବୀ ପତ୍ର ଦିଆଯାଇଛି। ବିଦ୍ୟାଳୟସ୍ତରରେ ଭିତ୍ତିଭୂମି ର ଅଭାବ ଥିବା ବେଳେ ଗଣ ଶିକ୍ଷାବିଭାଗ ତାର ନିରାକରଣ ନକରି ତଥା ପଦୋନ୍ନତି , କ୍ୟାଡ଼ର ସଂଶୋଧନ , କେନ୍ଦ୍ରୀୟ ହାରରେ ଦରମା, ଠିକା ନିଯୁକ୍ତି ବନ୍ଦ କରିବା,ଏକ୍ସ କ୍ୟାଡ଼ର  ବ୍ୟବସ୍ଥା  ଉଚ୍ଛେଦ କରିବା,ଠିକା ନିଯୁକ୍ତିକୁ ମୂଳ ଦିନରୁ ଗଣନା କରିବା ,ଗ୍ରେଡ଼ ପେ ବୃଦ୍ଧି ଆଦି ଶିକ୍ଷକମାନଙ୍କର ଦୀର୍ଘଦିନର ଦାବୀ ସମାଧାନ କରିବା ପରିବର୍ତ୍ତେ ଗଣଶିକ୍ଷା ବିଭାଗ ଇଣ୍ଟରନେଟ ସଂଯୋଗ ଓ ଡାଟା ଏଣ୍ଟ୍ରି ଅପରେଟର ନିଯୁକ୍ତ ନକରି ୟୁ.ଏ.ଏସ୍. ଲାଗୁ କରିଛନ୍ତି।
    ବିଦ୍ୟାଳୟ ରେ ଭିତ୍ତିଭୂମିର ବିକାଶ ନକରି ୟୁ ଏ ଏସ କୁ  ଲଦିଦିଆଯାଇଥିବାରୁ ବ୍ଲକର ସମସ୍ତ ପ୍ରାଥମିକ ଶିକ୍ଷକ ଏହାର ଦୃଢ ବିରୋଧ କରିଛନ୍ତି। ବ୍ଲକ ପ୍ରାଥମିକ ଶିକ୍ଷକ ସଂଘ ସମ୍ପାଦକ ରତିକାନ୍ତ ପଣ୍ଡାଙ୍କ ନେତୃତ୍ବରେ ଜିଲ୍ଲାପରିଷଦ ଶିକ୍ଷକ ସଂଘ ସଭାପତି ସୁକୁମାର ପଣ୍ଡା, ଏକ୍ସ କ୍ୟାଡ଼ର ଶିକ୍ଷକ ସଂଘ ସଭାପତି ମେଘାସ୍ଥିନ ଜାଲ ,ସମ୍ପାଦକ ଦିଲ୍ଲିପକୁମାରସ୍ୱାଇଁ. ,ଜୁନିଅର ଟିଚର ଏସୋସିଏସନ ସଭାପତି ଅନୀଲ କୁମାର ସାହୁ, ଜିଲ୍ଲା ପ୍ରାଥମିକ ଶିକ୍ଷକ ସଂଘ ସଂଯୋଜକ ଜଗନ୍ନାଥ ମାଝୀ,ବ୍ଲକ ଉପସଭାପତି ପ୍ରଭାତଭୂଷଣ ବେନିଆଁ,ଦେବମାଝୀ,ବକଚାନ୍ଦ ପୂଜାରୀ ଗୋବର୍ଦ୍ଧନ ନାୟକ,ଧରଣୀଧର କମର୍ଲା  ପ୍ରମୁଖ ଶତାଧିକ ଶିକ୍ଷକଶିକ୍ଷୟିତ୍ରୀ ରାଲିରେ ଆସି ଗୋଷ୍ଠୀ ଶିକ୍ଷାଧିକାରୀଙ୍କୁ ଦାବୀ ପତ୍ର ଦେଇଥିଲେ।