29-Jun-2025

ସିନାପାଲି (ଚିନ୍ତାମଣି ନେତାମ)
 ନୂଆପଡା ଜିଲ୍ଲା ସିନାପାଲି ବ୍ଲକ ବ୍ରାହ୍ମଣୀଗୁଡା କ୍ଲଷ୍ଟର  ଅଧିନସ୍ଥ  ନୂଆଗୁଡା ଉ. ପ୍ରା. ବିଦ୍ୟାଳୟର ବରିଷ୍ଠ ଶିକ୍ଷକ ଶ୍ରୀଯୁକ୍ତ ଲଖିନ ହଂସଙ୍କ  ଅବସର କାଳୀନ ବିଦାୟ ସମ୍ବର୍ଦ୍ଧନା  ସମାରୋହ ତାଙ୍କ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି  l  ଏହି ଅବସରରେ ହୋଇଥିବା ସଭାରେ କୁସୁମଜୋର ଉ. ପ୍ରା. ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ପ୍ରାଣ କୃଷ୍ଣ ଯୋଶୀ ସଭାପତିତ୍ବ କରିଥିବା ବେଳେ ମୁଖ୍ୟ ଅତିଥିଭାବେ ନୀଳଜି ଉ. ପ୍ରା. ବିଦ୍ୟାଳୟର ପ୍ରଧାନ ଶିକ୍ଷକ ତଥା ସୁ ସାହିତ୍ୟକ ଶ୍ରୀଯୁକ୍ତ ସତ୍ୟବ୍ରତ ଗହୀର, ବିଶିଷ୍ଠ ଅତିଥିଭାବେ  ଶ୍ରୀଯୁକ୍ତ ଲଖିନ ହଂସ ଓ ତାଙ୍କ ଧର୍ମପତ୍ନୀ ଶ୍ରୀମତୀ ସୁନୀତି ହଂସ ଏବଂ  ସମ୍ମାନୀତ ଅତିଥି ଭାବରେ  ମୁଖ୍ୟମନ୍ତ୍ରୀ  ଶିକ୍ଷା ପୁରସ୍କାର ପ୍ରାପ୍ତ ପୂର୍ବତନ ସି. ଆର. ସି. ସି ଶ୍ରୀଯୁକ୍ତ ଖଗେଶ୍ୱର ନିଆଲ, ନବ ନିଯୁକ୍ତ ସି. ଆର. ସି. ସି. ବ୍ରାହ୍ମଣୀଗୁଡା ,ଶ୍ରୀଯୁକ୍ତ ଦୁର୍ଯ୍ୟୋଧନ ମାଝୀ ,  ସମାଜ ସେବୀ ଶ୍ରୀଯୁକ୍ତ ଚୈତନ୍ୟ ମାଝୀ ମଞ୍ଚାସୀନ ଥିଲେ  l  ବିଦ୍ୟାଦାତ୍ରୀ ମା  ସରସ୍ବତୀ ଙ୍କ  ଫୋଟୋ ଚିତ୍ରରେ  ଫୁଲ ଚନ୍ଦନ  ଓ  ଦୀପ ଲଗାଇ  ଅତିଥିଗଣ  ପୂଜାର୍ଚ୍ଚନା କଲାପରେ  ସଭାକାର୍ଯ୍ୟ ଆରମ୍ଭ କରାଗଲା  l   ଶିକ୍ଷକ ଶ୍ରୀଯୁକ୍ତ  ଭୂତେଶ୍ୱର ନାଏକ  ଅତିଥି ପରିଚୟ  କରିବାସହ  ସ୍ୱାଗତ ଅଭିଭାଷଣ  ପ୍ରଦାନ କରିଥିଲେ  l    ଅତିଥି ଗଣ ଓ  ପ୍ରଧାନ ଶିକ୍ଷକ ବୃନ୍ଦ ବିଦାୟୀ ଶିକ୍ଷକ ଶ୍ରୀଯୁକ୍ତ ହଂସଙ୍କର ଛାତ୍ର ବତ୍ସଲତା,ସମୟାନୁ ବର୍ତ୍ତିତା, କର୍ତ୍ତବ୍ୟ ପରାୟଣତା,ଶିକ୍ଷା ଦାନର ଦକ୍ଷତା,ସରଳ ଓ ଅମାୟିକ  ବ୍ୟବହାର ଏବଂ ଉତ୍ତମ ଗୋଷ୍ଠୀ ସମ୍ପର୍କ ଆଦି ମହତ ଗୁଣ ଗୁଡିକ ବଖାଣିବା ସହ ତାଙ୍କ ଆଦର୍ଶରେ  ଅନୁପ୍ରାଣିତ ହେବା ପାଇଁ  ମତ ରଖିଥିଲେ  l ସଭାପତି,ଅତିଥିଗଣ ଓ  ପ୍ରଧାନ ଶିକ୍ଷକ  ଶ୍ରୀଯୁକ୍ତ ସରୋଜ ସାହୁ, ଶ୍ରୀଯୁକ୍ତ  ଦେବେନ୍ଦ୍ର କଶ୍ୟପ, ଶ୍ରୀଯୁକ୍ତ ଧର୍ମୁ ନାଏକ, ଚିନ୍ତାମଣି ମେହେର, ପର୍ଶୁରାମ ମାଝୀ, ଜଗମୋହନ ମାଝୀ, ପ୍ରମୁଖ  ବିଦାୟୀ ଶିକ୍ଷକଙ୍କୁ  ମାନପତ୍ର,ଉପଢୌକନ,ସିନ୍ଦୁର ଚନ୍ଦନ ଓ ଫୁଲମାଳ ଦେଇ ସମ୍ମର୍ଦ୍ଧିତ କରିଥିଲେ l  ଶିକ୍ଷୟିତ୍ରୀ  ନିବେଦିତା ନାଏକ  ମାନପତ୍ର ପଠନ କରିଥିଲେ  lଏହି ଅବସରରେ  ଉକ୍ତ କ୍ଲଷ୍ଟରର ପୂର୍ବତନ ସି ଆର ସି ସି   ଶ୍ରୀଯୁକ୍ତ ଖଗେଶ୍ୱର ନିଆଲଙ୍କୁ ବିଦାୟ ସମ୍ମର୍ଦ୍ଧନା ଏବଂ ନବନିଯୁକ୍ତ ସି ଆର ସି ସି ଶ୍ରୀଯୁକ୍ତ ଦୁର୍ଯ୍ୟୋଧନ ମାଝୀଙ୍କୁ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା l  ସଭାଶେଷରେ ଶ୍ରୀଯୁକ୍ତ ଦେବେନ୍ଦ୍ର ନାରାୟଣ କଶ୍ୟପ ଅତିଥିଗଣଙ୍କୁ  ଧନ୍ୟବାଦ ଅର୍ପଣ କରିଥିଲେ  l ସଭାରେ କ୍ଲଷ୍ଟର ଅଧିନସ୍ଥ ସମସ୍ତ ବିଦ୍ୟାଳୟର ଶିକ୍ଷକ /ଶିକ୍ଷୟିତ୍ରୀ  ଏବଂ ସ୍ଥାନୀୟ ବିଦ୍ୟାଳୟ ପରିଚାଳନା କମିଟିର ସଭ୍ୟ /ସଭ୍ୟା ଉପସ୍ଥିତ ରହି ସଭା କାର୍ଯ୍ୟକୁ ସଫଳ କରିବାରେ ପୂର୍ଣ୍ଣ ସହଯୋଗ କରିଥିଲେ  l